Бел | Рус | Eng PDA
навіна

ад 01.04.2008

Новыя памеры платы за карыстанне інтэрнатамі ўстаноўлены для навучэнцаў ВНУ, ПТВ і ССНУ Беларусі

Прэзідыум Саўміна разгледзіў пытанні забеспячэння бібліятэк сацыяльна значнымі кнігамі

Запасы кніжнай прадукцыі на складах выдавецтваў Міністэрства інфармацыі Беларусі невялікія - 826 тыс. экзэмпляраў, у тым ліку сацыяльна значнай літаратуры - 194 тыс. экзэмпляраў, або 23,5 працэнта ўсіх запасаў. Аб гэтым паведаміў міністр інфармацыі Уладзімір Русакевіч сёння на пасяджэнні Прэзідыума Савета Міністраў Беларусі, якое прайшло пад старшынствам Прэм'ер-міністра Сяргея Сідорскага. Уладзімір Русакевіч адзначыў, што адносна агульнага тыражу выпушчанай за сем апошніх гадоў выдавецкай прадукцыі запасы складаюць усяго 2,3 працэнта, а сацыяльна значнай - 0,5 працэнта.

Запасы гатовай прадукцыі ў вартасным выражэнні - амаль Br6,5 млрд., у тым ліку сацыяльна значнай - Br2,3 млрд.

Незапатрабаванымі аказаліся 18-томная "Беларуская энцыклапедыя" (з 12 па 18 том), унікальная 15-томная энцыклапедыя "Гарады і вёскі Беларусі" (том 2 "Гомельская вобласць", тамы 3 і 4 "Брэсцкая вобласць"), выпушчаныя да 60-годдзя Перамогі ў Вялікай Айчыннай вайне выданні "Памяць Беларусі", "І паўстаў народ", а таксама двухтомнік "Перамога", які атрымаў вышэйшую ўзнагароду Нацыянальнага конкурсу "Мастацтва кнігі" і дыплом першай ступені ў намінацыі "Перамога" міжнароднага конкурсу "Мастацтва кнігі" дзяржаў - удзельніц СНД, і іншыя не менш значныя выданні.

Такое становішча пазбаўляе выдавецтвы абаротных сродкаў, прыводзіць да павелічэння крэдыторскай запазычанасці, адзначыў Уладзімір Русакевіч.

Як паведаміў міністр інфармацыі, агульная сума субсідый на выпуск кніг у Беларусі з 1996 па 2007 год склала $22,5 млн. З гэтай сумы 24,7 працэнта выкарыстана на выпуск і бязвыплатную пастаўку ў агульнаадукацыйныя ўстановы кніг серыі "Школьная бібліятэка" (336 назваў тыражом 7,3 млн. экзэмпляраў). 14,8 працэнта затрачана на пастаўку часткі тыражоў сацыяльна значнай літаратуры ў публічныя бібліятэкі (353 назвы тыражом 836 тыс. экзэмпляраў). На падрыхтоўку і выпуск 18-томнай "Беларускай энцыклапедыі" зрасходавана 8,8 працэнта сродкаў, на выпуск хронік "Памяць" гарадоў і раёнаў Беларусі - 4,6 працэнта (выдадзена 146 тамоў, праект завершаны ў 2005 годзе). На выпуск літаратурна-мастацкіх твораў па школьнай праграме для дзяцей-інвалідаў па зроку выкарыстана 2,5 працэнта сродкаў. На працягу 1997-2007 гадоў шрыфтам Брайля выпушчана 55 назваў у 364 кнігах. 44,5 працэнта агульнай сумы накіравана на выданне кніг, што пастаўляюцца ў гандлёвую сетку, якія рэалізуюцца на працягу доўгага часу. Недахоп абаротных сродкаў выдавецтваў быў кампенсаваны поўным пакрыццём затрат на выпуск кніг для бібліятэк.

Міністэрствы інфармацыі, культуры і адукацыі павінны ўзгадніць дзеянні па рэалізацыі сацыяльна значнай літаратуры на беларускім рынку -- такое даручэнне даў сёння на пасяджэнні Прэзідыума Савета Міністраў Беларусі Прэм'ер-міністр Сяргей Сідорскі.

Тром міністэрствам неабходна скласці графік закупкі абласцямі сацыяльна значнай літаратуры, якая сёння знаходзіцца на складах выдавецтваў Міністэрства інфармацыі.

Акрамя таго, Прэм'ер-міністр даручыў вызначыць неабходны аб'ём сродкаў, каб закупіць для бібліятэк сацыяльна значную літаратуру, і, калі неабходна, унесці прапановы ва Урад.

Сяргей Сідорскі падкрэсліў, што выдавецтвы Беларусі неабходна загрузіць уласнымі заказамі. Гэта павінна быць высакаякасная і змястоўная літаратура.

Прэм'ер-міністр даручыў правесці маніторынг, якія выданні і ў якой колькасці запатрабаваны публічнымі бібліятэкамі.


Беларусь і Хабараўскі край падпісалі пратакол аб супрацоўніцтве

Хабараўскі край зацікаўлены ў закупцы беларускай тэхнікі, заявіў сёння намеснік старшыні Урада Хабараўскага края - міністр эканамічнага развіцця і знешніх сувязей Аляксандр Левінталь на сустрэчы з віцэ-прэм'ерам Беларусі Віктарам Бурам. Урадавая дэлегацыя Хабараўскага края цяпер знаходзіцца з візітам у Беларусі.

Як адзначыў Віктар Бура, візіт расійскіх гасцей надасць дадатковы імпульс развіццю двухбаковага супрацоўніцтва, асабліва ў гандлёва-эканамічнай сферы. "Ёсць узаемныя інтарэсы, якія ў перспектыве могуць выявіцца ў канкрэтных праектах", - сказаў ён.

Як адзначыў Аляксандр Левінталь, Мінфін Расіі апошнім часам выдзяляе дастаткова вялікія сродкі на развіццё Далёкага Усходу. У прыватнасці, на фінансаванне Хабараўскага края з расійскага бюджэту на 2008-2013 гады будуць выдзелены 42 млрд. расійскіх рублёў. Сродкі пойдуць на будаўніцтва дарог, развіццё інфраструктуры края. "А для гэтага неабходны тэхніка і абсталяванне, якія мы маем намер купляць у Беларусі", - сказаў Аляксандр Левінталь. Акрамя таго, кар'ерныя самазвалы "БелАЗ" патрэбны для горназдабыўной галіны края. Гэты рэгіён таксама мае патрэбу і ў трактарах "Беларус". Акрамя таго, многія гандлёвыя прадпрыемствы ў рэгіёне рэалізуюць прадукцыю беларускай лёгкай прамысловасці, у тым ліку гэта фірменныя магазіны "Белвест".

Паводле слоў намесніка старшыні Урада Хабараўскага края, транспартныя расходы на пастаўку прадукцыі стрымліваюць рост тавараабароту паміж Беларуссю і Хабараўскім краем. Але ў рыначнай эканоміцы галоўны ўпор робіцца на якасць - гэты фактар і павінен пераважаць у гандлёва-эканамічных адносінах паміж Беларуссю і расійскім рэгіёнам, сказаў Аляксандр Левінталь.

Сёння таксама ў Доме Урада бы ў падпісаны Пратакол аб гандлёва-эканамічным, навукова-тэхнічным і культурным супрацоўніцтве паміж Урадам Рэспублікі Беларусь і Урадам Хабараўскага края Расійскай Федэрацыі на 2008-2010 гады. Подпісы пад гэтым дакументам паставілі віцэ-прэм'ер Беларусі Віктар Бура і намеснік старшыні ўрада Хабараўскага края - міністр эканамічнага развіцця і знешніх сувязей Аляксандр Левінталь.

Пратакол падпісаны ў ходзе візіту ўрадавай дэлегацыі Хабараўскага края ў Беларусь 31 сакавіка - 3 красавіка ў мэтах далейшай актывізацыі і паглыблення ўзаемнага супрацоўніцтва.

Хабараўскі край можа стаць лагістычным цэнтрам для беларускіх тавараў на Далёкім Усходзе. Аб гэтым заявіў намеснік старшыні Урада Хабараўскага края РФ - міністр эканамічнага развіцця і знешніх сувязей Аляксандр Левінталь сёння па выніках перагавораў у Доме Урада з віцэ-прэм'ерам Беларусі Віктарам Бурам.

Як адзначыў расійскі госць, цяпер гандлёва-эканамічныя адносіны паміж Беларуссю і Хабараўскім краем напоўнены новым зместам. "У Хабараўскім краі з'явіліся ўласныя рэсурсы для закупкі беларускай прадукцыі, у прыватнасці тралейбусаў, ліфтаў, трактароў і іншай тэхнікі, - сказаў Аляксандр Левінталь. - Беларускія тавары вядомы на расійскім рынку сваёй высокай якасцю. І сёння мы пераканаліся, што вытворцы з Беларусі гатовы нарошчваць пастаўкі гэтай прадукцыі ў наш рэгіён". На думку намесніка старшыні ўрада Хабараўскага края, гэта дасць магчымасць сур'ёзна павялічыць аб'ём узаемнага тавараабароту. Акрамя таго, перспектыўнае ў Хабараўскім краі стварэнне сумесных вытворчасцей, што дасць магчымасць актыўна прасоўваць беларускую прадукцыю ў іншыя вобласці далёкаўсходняга рэгіёну.

Як паведаміў віцэ-прэм'ер Беларусі Віктар Бура, у ходзе сустрэчы абмяркоўваліся схемы паставак беларускай прадукцыі ў Хабараўскі край. Дасягнута дамоўленасць працаваць без пасрэднікаў шляхам узбуйнення партый паставак беларускіх тавараў з цэнтральных рэгіёнаў Расіі ў далёкаўсходнія. Гэта дасць магчымасць знізіць цэны і зрабіць тавар больш даступным, растлумачыў Віктар Бура.

Тавараабарот паміж Рэспублікай Беларусь і Хабараўскім краем у 2007 годзе склаў $6,6 млн., экспарт - $5,8 млн., імпарт - $0,8 млн. Пры гэтым сальда гандлёвага балансу склалася дадатнае ў памеры $5 млн. Па выніках 2007 года сярод рэгіёнаў Расійскай Федэрацыі Хабараўскі край па тавараабароту займае 67-е месца. У 2007 годзе тавараабарот Беларусі з гэтым расійскім рэгіёнам знізіўся да 75,4 працэнта да ўзроўню 2006 года.

Аснову беларускага экспарту ў Хабараўскі край у 2007 годзе склалі: мэбля, малочная прадукцыя, грузавыя аўтамабілі, станкі для апрацоўкі дрэва, гатовыя тэкстыльныя вырабы, пліты, лісты і палосы з пластмас, шпалеры, соль і абутак. З Хабараўскага края ў Беларусь у 2007 годзе імпартаваліся пральныя машыны, трубы і трубкі з чорных металаў, механічныя ўстройствы для распылення вадкасцей, машыны і механізмы, якія маюць індывідуальныя функцыі.

У студзені 2008 года ў параўнанні з аналагічным перыядам 2007 года адзначана высокая дынаміка росту двухбаковага тавараабароту. Яго аб'ём склаў $977 тыс. і павялічыўся ў параўнанні са студзенем 2007 года ў 3,4 раза. Экспарт дасягнуў $935 тыс. і ўзрос у 3,3 раза, імпарт - $42 тыс. Асноўныя таварныя пазіцыі экспарту з Беларусі ў Хабараўскі край у студзені 2008 года склалі ліфты і ліфтавае абсталяванне на суму $309,3 тыс., малочная прадукцыя - на $213 тыс., машыны і механізмы для перамяшчэння і планіроўкі - на $94 тыс., шыны і пакрышкі - на $92,7 тыс.