Бел | Рус | Eng PDA
навіна

ад 29.08.2018

Аб правядзенні перагавораў па праекту Дадатковага пагаднення да Дагавору паміж Урадам Беларусі і публічным акцыянерным таварыствам акцыянерным банкам "Укргазбанк" аб умовах выдачы крэдытаў для набыцця ва Украіне тавараў, вырабленых у Беларусі

Савет Міністраў адобрыў праект Дадатковага пагаднення №2 да Дагавору паміж Урадам Рэспублікі Беларусь і публічным акцыянерным таварыствам акцыянерным банкам "Укргазбанк" аб умовах выдачы крэдытаў для набыцця ва Украіне тавараў, вырабленых у Рэспубліцы Беларусь, ад 22 чэрвеня 2015 года ў якасці асновы для правядзення перагавораў. Адпаведнае рашэнне змяшчаецца ў пастанове Саўміна ад 27 жніўня 2018 года №619.

Урад упаўнаважыў Міністэрства фінансаў сумесна з Міністэрствам прамысловасці на правядзенне перамоў па праекце Дадатковага пагаднення, дазволіўшы пры неабходнасці ўносіць у яго змяненні і дапаўненні, якія не маюць прынцыповага характару, а таксама на падпісанне Дадатковага пагаднення пры дасягненні дамоўленасці ў межах адобранага праекта.