Пастанова Савета Міністраў

ад 08.02.2011

№ 152

Урадам Беларусі зацверджана Комплексная праграма развіцця інфраструктуры аўтадарожных пунктаў пропуску на дзяржграніцы на 2011-2015 гады

Урадам Беларусі зацверджана Комплексная праграма развіцця інфраструктуры аўтадарожных пунктаў пропуску на Дзяржаўнай граніцы Рэспублікі Беларусь на 2011-2015 гады. Адпаведнае рашэнне прынята  пастановай Савета Міністраў ад 8 лютага 2011 года нумар 152.

Цяпер на дзяржграніцы Беларусі размешчана 24 аўтадарожныя пункты пропуску, з іх 10 абсталяваны па пастаяннай схеме. Прапускная здольнасць складае больш за 21 тыс. аўтамабіляў за суткі. Неабходнасць павелічэння прапускной здольнасці абумоўлена ўступленнем Беларусі ў Мытны саюз. Доля транзіту, што перамяшчаецца праз беларускі ўчастак граніцы Мытнага саюза аўтамабільным транспартам, у агульнай долі перамешчаных тавараў складае 70 працэнтаў. Улічаны прагноз павелічэння пасажырапатоку ў сувязі са спрашчэннем парадку ўзаемных паездак жыхароў прыгранічных тэрыторый Літвы, Латвіі, Польшчы і Беларусі.

У выніку рэалізацыі Комплекснай праграмы агульная прапускная здольнасць аўтадарожных пунктаў пропуску ў 2015 годзе ўзрасце да 35 тыс. аўтамабіляў за суткі. Праграмай прадугледжаны рэканструкцыя і будаўніцтва 11 аўтадарожных пунктаў пропуску. Будзе завершана будаўніцтва аўтадарожнага пункта пропуску "Дамачава", грузавога тэрмінала "Казловічы-2". Намечана новае будаўніцтва аўтадарожнага пункта пропуску "Пясчатка" на граніцы з Польшчай, рэканструкцыя з павелічэннем прапускной здольнасці пунктаў "Прывалка", "Каменны Лог" на граніцы з Літвой, "Грыгораўшчына", "Урбаны" - на граніцы з Латвіяй. Таксама рэканструююцца "Верхні Церабяжоў", "Махро", "Новая Гута", будзе будавацца "Камарын" на граніцы з Украінай.

Вынікам рэалізацыі Комплекснай праграмы павінна стаць стварэнне інфраструктуры, якая будзе адпавядаць сучасным міжнародным патрабаванням і забяспечыць спрыяльныя ўмовы для ўсіх суб'ектаў гаспадарання і фізічных асоб, якія перасякаюць мытную граніцу Беларусі.

Развіццё інфраструктуры пунктаў пропуску дасць магчымасць павысіць эфектыўнасць мытнага і іншых відаў кантролю з мінімальнымі затратамі часу пры перасячэнні граніцы. Прадугледжана абсталяванне пунктаў пропуску сучаснымі тэхнічнымі сродкамі мытнага кантролю, сістэмамі відэанагляду, абсталяваннем для надгляду, аўтаматызаванай сістэмай распазнання і рэгістрацыі нумарных знакаў транспартных сродкаў і сучаснымі сістэмамі інжынернага забеспячэння.

У рамках рэалізацыі праграмы для грамадзян, якія перасякаюць граніцу, будуць створаны камфортныя ўмовы. Будуць пабудаваны і абсталяваны пункты харчавання і гандлёвыя аб'екты. Рэалізацыя да 2015 года Комплекснай праграмы ў поўным аб'ёме дасць магчымасць забяспечыць пропуск прагназуемага транспартнага патоку аж да 2020 года.

З поўным тэкстам дакумента можна азнаемiцца на рускай версii сайта

Пошук

Па тыпу публікацыі:




Па нумары дакумента:

Па даце дакумента: