ІНФРАМАЦЫЯ АБ ХОДЗЕ РЭАЛІЗАЦЫІ ДЗЯРЖАЎНАЙ ПРАГРАМЫ ІНАВАЦЫЙНАГА РАЗВІЦЦЯ РЭСПУБЛІКІ БЕЛАРУСЬ НА 2007 - 2010 ГАДЫ
У 2007 годзе ў ходзе рэалізацыі Дзяржаўнай праграмы інавацыйнага развіцця Рэспублікі Беларусь на 2007-2010 гады поўнасцю ўведзены ў эксплуатацыю 166 аб'ектаў і тры часткова.
Па вынікам папярэдняга маніторынгу выканання праграмы за 2007 год, ў мінулым годзе ў тым ліку пачалі дзейнічаць 24 аб'екты першага ўзроўню, 55 аб'ектаў поўнасцю і два часткова другога ўзроўню, 90 аб'ектаў поўнасцю і адзін часткова трэцяга ўзроўню.
Згодна з зацверджанымі планамі, у 2007 годзе ў Беларусі быў намечаны ўвод у эксплуатацыю 178 аб'ектаў (без заданняў дзяржаўных навукова-тэхнічных праграм), у тым ліку 24 аб'екты першага ўзроўню, 57 - другога, 97 - трэцяга.
У цэлым па праграме ў 2007-2010 гадах прадугледжана рэалізацыя 1302 праектаў у адпаведнасці з трыма ўзроўнямі. Да першага ўзроўню належаць праекты па стварэнню новых вытворчасцей. Такіх налічваецца 173. На другім узроўні - арганізацыя новых вытворчасцей на аснове дзеючых (274 праекты). Трэці ўзровень - мадэрнізацыя дзеючых вытворчасцей на аснове ўкаранення перадавых тэхналогій (855 праектаў). У гэту колькасць (трэці ўзровень) уключаны 397 праектаў па мадэрнізацыі дзеючых вытворчасцей на аснове ўкаранення перадавых (новых і высокіх) тэхналогій і асваенне 458 новых тэхналогій па заданнях дзяржаўных навукова-тэхнічных праграм (ДНТП).
Дзяржаўнымі заказчыкамі прадугледжваецца выкананне 551 праекта на аснове ўкаранення айчынных тэхналогій і 293 праектаў на аснове замежных (па першаму і трэцяму ўзроўнях, без заданняў ДНТП). Аб'ём фінансавання ўсіх праектаў складае Br15,8 трлн.
Сярод найбольш буйных праектаў, рэалізаваных у мінулым годзе, - стварэнне вытворчасцей аўтаматычных пральных машын на ЗАТ "Атлант", бясшвовых гарачакачаных труб на РУП "БМЗ", трактара "Беларус-921" на РУП "Смаргонскі агрэгатны завод" ВА "МТЗ", лакіравання і літаграфіі бляхі на РУВП "Бярозатара", будаўніцтва ГЭС на рацэ Шчара, будаўніцтва свінагадоўчай племянной фермы на 250 асноўных свінаматак на РСУП СГЦ "Задняпроўскі" Аршанскага раёна.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Прэм'ер-міністр Беларусі Сяргей Сідорскі заклікаў міністэрствы і канцэрны актывізаваць работу па прыцягненню прамых замежных інвестыцый. Аб гэтым ён заявіў сёння на пасяджэнні Прэзідыума Савета Міністраў. Сяргей Сідорскі адзначыў, што некаторыя міністэрствы і канцэрны практычна не прыцягнулі прамых замежных інвестыцый. "Няма неабходнасці чакаць, калі ў краіну прыйдуць інвестары, трэба самім ісці ім насустрач", - лічыць прэм'ер. Ён запатрабаваў дакладна прааналізаваць, хто з інвестараў прыязджаў за апошні час у Беларусь з прапановамі і колькі праектаў з імі рэалізавана.
Беларусь увяла антыдэмпінгавую пошліну на карамель, што паходзіць з Украіны і ўвозіцца на мытную тэрыторыю рэспублікі. Такое рашэнне змяшчаецца ў Пастанове Савета Міністраў нумар 1178.
Урад Беларусі Пастановай нумар 1157 зацвердзіў архітэктурны праект рэканструкцыі зоны адпачынку вадасховішча "Камсамольскае возера" (парк Перамогі). Як паведаміла галоўны архітэктар праекта КУП "Мінскпраект" Ганна Аксёнава, работы пачнуцца ў верасні бягучага года.
Урад Беларусі ўнёс змяненні і дапаўненні ў парадак фарміравання, зацвярджэння пераліку імпартазамяшчальных праектаў Дзяржаўнай праграмы імпартазамяшчэння на 2006-2010 гады, галіновых і рэгіянальных праграм імпартазамяшчэння і кантролю за ходам іх рэалізацыі. Такое рашэнне змяшчаецца ў Пастанове Савета Міністраў ад 14 жніўня 2008 года нумар 1164.
Як адзначыў кіраўнік беларускага Урада, Андрэй Харкавец зарэкамендаваў сябе ўмелым і рашучым кіраўніком. Ён асабліва падкрэсліў такія якасці новага міністра, як кампетэнтнасць, нестандартнасць мыслення і імкненне да атрымання выніку.
Усе важнейшыя прагнозныя паказчыкі па выніках 2008 года павінны быць выкананы, як і асноўныя параметры, прадугледжаныя стратэгічнымі дзяржаўнымі праграмамі.
Беларусь адправіць гуманітарны груз для пацярпелых грамадзян Паўднёвай Асеціі, заявіў сёння ў Маскве Прэм'ер-міністр Беларусі Сяргей Сідорскі на сустрэчы са Старшынёй Урада Расійскай Федэрацыі Уладзімірам Пуціным.
Беларусь акажа гуманітарную дапамогу Паўднёвай Асеціі ў рамках ліквідацыі наступстваў гуманітарнай катастрофы. Такое рашэнне змешчана ў Пастанове Савета Міністраў нумар 1162 ад 13 жніўня 2008 года.