ГАЛОЎНАЕ

Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.

Беларускі інвестыцыйны форум пачаўся ў канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі. Прэзідэнт Беларусі Аляксандр Лукашэнка накіраваў прывітанне ўдзельнікам Беларускага інвестыцыйнага форуму ў Лондане. Прывітанне зачытаў Прэм'ер-міністр Беларусі Сяргей Сідорскі. "Шчыра рады, што нам удалося прыцягнуць да гэтага мерапрыемства такую аўтарытэтную дзелавую аўдыторыю. Ваш удзел у ім мы разглядаем як сведчанне растучай цікавасці замежнага бізнесу да нашай краіны, і гэту цікавасць мы будзем падтрымліваць", - гаворыцца ў прывітанні.

17 лістапада Прэм'ер-міністр Беларусі Сяргей Сідорскі і лорд-мэр Лонданскага сіці Іан Людэр абмеркавалі магчымыя напрамкі супрацоўніцтва Беларусі і Вялікабрытаніі ў фінансавай сферы. Паводле слоў Сяргея Сідорскага, мэта гэтай сустрэчы - знайсці новыя імпульсы развіцця сектараў эканомік дзвюх краін ва ўмовах сусветнага фінансавага крызісу, наладзіць эфектыўнае супрацоўніцтва паміж бізнесам і фінансавымі інстытутамі. "Для нашай краіны вельмі важны вопыт Вялікабрытаніі ў развіцці фінансавага рынку", - адзначыў Сяргей Сідорскі. У сваю чаргу Іан Людэр падкрэсліў, што гэты візіт Прэм'ер-міністра Беларусі будзе садзейнічаць узмацненню кантактаў паміж Беларуссю і еўрапейскімі краінамі, а таксама паміж фінансавымі структурамі Вялікабрытаніі і Беларусі.

СНД як рэгіянальная арганізацыя з устойлівымі тэмпамі эканамічнага развіцця павінна адыгрываць значную ролю ў працэсе фарміравання новай сусветнай фінансавай архітэктуры. Аб гэтым заявіў сёння Прэм'ер-міністр Беларусі Сяргей Сідорскі на пасяджэнні Савета кіраўнікоў урадаў дзяржаў - удзельніц СНД. Сяргей Сідорскі паведаміў, што ў ходзе сустрэчы кіраўнікоў Урадаў СНД у вузкім фармаце было абмеркавана пытанне, якое стаіць на парадку дня ўсёй сусветнай супольнасці. Размова ідзе аб глабальным фінансавым крызісе і аб яго негатыўным уплыве на эканомікі краін СНД.

Прэм'ер-міністры Беларусі і Латвіі Сяргей Сідорскі і Іварс Годманіс прынялі ўдзел у цырымоніі адкрыцця Нацыянальнай выстаўкі Рэспублікі Беларусь у Латвійскай Рэспубліцы "БеларусьЭКСПА-2008" сёння 12 лістапада ў Рызе. Тавараабарот Беларусі і Латвіі ў 2008 годзе перавысіць $2,1 млрд. Аб гэтым на адкрыцці Нацыянальнай выстаўкі Прэм'ер-міністр Беларусі Сяргей Сідорскі. У 2007 годзе ўзаемны тавараабарот склаў больш як $1,1 млрд. Паводле яго слоў, за студзень-верасень бягучага года аб'ём узаемнага гандлю склаў амаль $1,9 млрд. і ў параўнанні з аналагічным перыядам мінулага года павялічыўся больш як у 2,5 раза.

Вытворчасць спецтэхнікі для раздзельнай уборкі лёну арганізуецца ў Беларусі. Аб гэтым паведаміў міністр сельскай гаспадаркі і харчавання Сямён Шапіра на пасяджэнні Прэзідыума Савета Міністраў, на якім разгледжаны праект Стратэгіі развіцця льнянога комплексу Беларусі на 2008-2010 гады і абмеркаваны дадатковыя меры па рэалізацыі Комплекснага плана развіцця льняной галіны на 2006-2010 гады. Пасяджэнне прайшло пад старшынствам Прэм'ер-міністра Сяргея Сідорскага. Сямён Шапіра адзначыў, што ў мэтах скарачэння тэрмінаў уборкі лёну, а адпаведна і страт якаснай трасты ў Беларусі па вопыту еўрапейскіх краін укараняецца раздзельная тэхналогія ўборкі.

Беларусь прапануе Саратаўскай вобласці прыняць дадатковыя меры па падтрымцы эканомік ва ўмовах сусветнага фінансавага крызісу. Аб гэтым заявіў Прэм'ер-міністр Беларусі Сяргей Сідорскі на сустрэчы з Губернатарам Саратаўскай вобласці Расіі Паўлам Іпатавым. "Нам давядзецца прыняць дадатковыя меры, каб выйсці на запланаваны тавараабарот па выніках 2008 года, каб дасягненні, якія былі ў папярэднія гады, не далі спаду, каб зняць бар'еры, падтрымаць эканомікі Беларусі і Саратаўскай вобласці", - сказаў Сяргей Сідорскі.

Беларускі бок усведамляе неабходнасць прадаўжэння работы над так званымі дамашнімі заданнямі, акрэсленымі ў дыялогу з ЕС, і разлічвае на адэкватныя дзеянні ў адказ з боку Еўрасаюза. Аб гэтым заявіў Намеснік Прэм'ер-міністра Беларусі Андрэй Кабякоў на сустрэчы з намеснікам генеральнага дырэктара па знешніх сувязях Еўракамісіі Х'ю Мінгарэлі. "Мы ў цэлым станоўча ацэньваем рашэнне ЕС аб прыпыненні візавых абмежаванняў і аднаўленні кантактаў з беларускімі ўладамі. Разам з тым мы разглядаем гэтыя рашэнні як прамежкавыя на шляху да ўстанаўлення поўнамаштабнага супрацоўніцтва Беларусі і ЕС", - адзначыў Андрэй Кабякоў.

У Беларусі неабходна забяспечыць якасць і захаванасць агародніннай прадукцыі на міжсезонны перыяд. Аб гэтым заявіў Прэм'ер-міністр Сяргей Сідорскі на нарадзе Прэзідыума Савета Міністраў, на якім разглядаўся ход выканання праграмы забеспячэння патрэбнасцей рэспублікі ў агародніннай прадукцыі айчыннай вытворчасці з улікам стварэння неабходных умоў яе захоўвання на 2006-2010 гады. У бягучым годзе ў сельскагаспадарчых і іншых арганізацыях рэспублікі плануецца сабраць 335 тыс.т агародніны.

Прыход кітайскіх інвестараў дае магчымасць падтрымліваць высокі ўзровень вытворчасці ў Беларусі. Аб гэтым паведаміў Першы намеснік Прэм'ер-міністра Уладзімір Сямашка на сустрэчы з дэлегацыяй групы EXIM BANK. Паводле слоў Уладзіміра Сямашкі, высокі ўзровень палітычных адносін паміж дзяржавамі дае свае значныя вынікі ў развіцці гандлёва-эканамічных адносін, прычым па розных напрамках. У прыватнасці, Беларусь і Кітай "маюць нядрэнныя вынікі па стварэнню сумесных прадпрыемстваў", сказаў Першы віцэ-прэм'ер. У якасці прыкладу такога супрацоўніцтва Уладзімір Сямашка прывёў работу ў Беларусі Midea.