ПРЭЗІДЫУМ САВЕТА МІНІСТРАЎ АБМЯРКОЎВАЎ ХОД ВЫКАНАННЯ Ў 2006-2007 Г. ПРАГРАМЫ ''ДАРОГІ БЕЛАРУСІ'' НА 2006-2015 Г.
Прэзідыум Савета Міністраў абмяркоўваў ход выканання ў 2006-2007 г. Праграмы "Дарогі Беларусі" на 2006-2015 г. і развіццё прыдарожнага сэрвісу
У дарожнай галіне Беларусі пакуль што не створаны ўмовы для прыцягнення інвестараў і пашырэння паслуг прыдарожнага сэрвісу. Аб гэтым заявіў сёння Прэм'ер-міністр Сяргей Сідорскі на пасяджэнні Прэзідыума Савета Міністраў, дзе абмяркоўваўся ход выканання праграмы "Дарогі Беларусі" і развіццё прыдарожнага сэрвісу.
Прэм'ер-міністр рэзка крытыкаваў работу Міністэрства транспарту і камунікацый па выкананню задач, што датычацца развіцця прыдарожнага сэрвісу. "Нам трэба стварыць такое мікра- і макраасяроддзе, каб у прыдарожны сэрвіс актыўна ішлі інвестары, каб ў міністэрстве чарга стаяла з прапановамі ад іх, - падкрэсліў кіраўнік Урада. - Выконвайце работу так, каб дасягнуць выніку, і каб людзі гэта бачылі".
Сяргей Сідорскі заклікаў кіраўніцтва Мінтранса ствараць "эканоміку галіны, зарабляць грошы, а не выбіваць іх з бюджэту".
***
На развіццё дарог Беларусі ў 2008 годзе прадугледжваецца амаль Br1,8 трлн.
На развіццё дарожнай гаспадаркі Беларусі ў 2008 годзе прадугледжваецца Br1,772 трлн. З іх Br318 млрд. - крэдыт на капітальны і бягучы рамонт дарогі М-1 Брэст - Масква. Такое фінансаванне складае 64 працэнты ад неабходнага для рэалізацыі праграмы "Дарогі Беларусі" на 2006-2015 гады. Аб гэтым паведаміў сёння на пасяджэнні Прэзідыума Савета Міністраў міністр транспарту і камунікацый Уладзімір Сасноўскі.
Паводле слоў міністра, для пакрыцця дэфіцыту фінансавання мерапрыемстваў праграмы неабходна ўзяць яшчэ адзін крэдыт у суме Br136 млрд. Гэта прапанова цяпер знаходзіцца ў стадыі ўзгаднення з органамі мясцовай улады. Такі спосаб фінансавання забяспечыць рэсурсамі рэспубліканскія і мясцовыя дарогі ў 2008 годзе. Міністр таксама паведаміў аб неабходнасці ліквідацыі адставання па выкананню праграмы ў 2006 і 2007 гадах. З улікам недавыканання неабходна скарэкціраваць праграму, каб у наступныя гады яе рэалізацыя і фінансаванне ішлі больш дакладна. Гэта дасць магчымасць забяспечыць неабходныя тэмпы рэканструкцыі дарог Беларусі.
У 2006 годзе са сродкаў рэспубліканскага дарожнага фонду на фінансаванне праграмы было выдзелена Br1,5 трлн. (90,6 працэнта неабходнага). У 2007 годзе на гэтыя мэты накіравана Br1,6 трлн. з улікам крэдыту Br117 млрд. (70 працэнтаў).
***
Мінтранс Беларусі прапануе комплексна развіваць прыдарожны сэрвіс
Мінтранс Беларусі прапануе комплексна развіваць прыдарожны сэрвіс, у прыватнасці, стварыць на аўтадарогах краіны тры ўзроўні аб'ектаў прыдарожнага сэрвісу. Аб гэтым паведаміў сёння міністр транспарту і камунікацый Уладзімір Сасноўскі, выступаючы на пасяджэнні Прэзідыума Савета Міністраў, дзе абмяркоўваўся ход выканання праграмы "Дарогі Беларусі" і развіцця прыдарожнага сэрвісу.
Першы ўзровень прадугледжвае будаўніцтва дарожнымі арганізацыямі пляцовак для адпачынку і стаянак для аўтатранспарту з іх добраўпарадкаваннем, другі - будаўніцтва яшчэ і пунктаў харчавання з добраўпарадкаванымі туалетамі і душавымі, гасцініцамі, ахоўнымі стаянкамі і іншымі аб'ектамі. Іх будаўніцтва будзе ажыццяўляцца за кошт сродкаў прыватных інвестараў і дзяржаўных прадпрыемстваў. Трэці ўзровень прадугледжвае будаўніцтва аўтазаправачных станцый разам з аб'ектамі другога ўзроўню.
Выслухаўшы гэтыя прапановы, Прэм'ер-міністр Беларусі Сяргей Сідорскі звярнуўся з пытаннем, чаму такую работу толькі плануецца пачынаць, калі праграма рэалізуецца ўжо два гады. Паводле яго ацэнкі, праграма не выконваецца, а з боку Мінтранса не прыкладаецца дастаткова намаганняў для пашырэння дарожнай інфраструктуры і развіцця паслуг.
Некаторыя праблемы выканання праграмы Уладзімір Сасноўскі растлумачыў тым, што на многіх дарогах інтэнсіўнасць руху транспарту невысокая і, адпаведна, размяшчэнне там аб'ектаў прыдарожнага сэрвісу нерэнтабельна. Паводле разлікаў Мінтранса, затраты акупляюцца на трасах, дзе інтэнсіўнасць руху складае больш як 8 тыс. аўтамабіляў у суткі. На беларускіх трасах у асноўным яна крыху большая за 2 тыс. аўтамабіляў. У сувязі з гэтым значныя капіталаўкладанні не апраўданы вельмі вялікім тэрмінам акупнасці.
Мінтранс таксама прапануе ўнесці змяненні ў Генеральную схему развіцця прыдарожнага сэрвісу на рэспубліканскіх аўтадарогах. У ёй неабходна ўдакладніць месцы будаўніцтва аб'ектаў сэрвісу трох узроўняў.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.