| |
|
|
 Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
|
|
| |
ГОМЕЛЬШЧЫНА ЗАЙМАЕ АДНУ З ВЯДУЧЫХ ПАЗІЦЫЙ У СІСТЭМЕ НАРОДНАЙ ГАСПАДАРКІ БЕЛАРУСІ
Гомельшчына займае адну з вядучых пазіцый у сістэме народнай гаспадаркі Беларусі - С.Сідорскі
Гомельская вобласць займае адну з вядучых пазіцый у сістэме народнай гаспадаркі нашай краіны. Такую характарыстыку даў сёння Гомельшчыне ў гутарцы з журналістамі Прэм'ер-міністр Беларусі Сяргей Сідорскі, які знаходзіцца з рабочай паездкай у Гомелі і прымае ўдзел ва ўрачыстасцях, прысвечаных 70-годдзю стварэння вобласці.
"Бадай, менавіта за гэтым рэгіёнам замацавалася імя самага паспяховага і высокаразвітога індустрыяльнага рэгіёну Рэспублікі Беларусь, - падкрэсліў Сяргей Сідорскі. - Ён мае значны прамысловы патэнцыял і займае па аб'ёму прамысловай вытворчасці першае месца ў краіне".
Урад краіны ўдзяляе вялікую ўвагу развіццю эканамічнага патэнцыялу Гомельшчыны. Толькі ў мінулым годзе, паводле слоў Сяргея Сідорскага, тут было створана больш як 70 новых вытворчасцей і з'явілася 25 аграгарадкоў. Вобласць зноў пацвердзіла лідзіруючыя пазіцыі ў рэспубліцы па тэмпах росту інвестыцый у асноўны капітал, якія значна вышэйшыя за прагноз. З ліку рэалізаваных у 2007 годзе праектаў найбольш буйнымі з'яўляюцца комплекс па вытворчасці бясшвовых труб на Беларускім металургічным заводзе, пашырэнне вытворчасці на Мазырскім нафтаперапрацоўчым заводзе, пачатак прамысловай вытворчасці новых узораў збожжаўборачнай тэхнікі ў аб'яднанні "Гомсельмаш". Вобласць больш як на трэць павялічыла аб'ём знешняга гандлю, а дадатнае сальда гандлю перасягнула $2 млрд.
Не менш дынамічна будзе ісці развіццё рэгіёну і ў 2008 годзе, адзначыў Сяргей Сідорскі. У прыватнасці, у ААТ "Мазырскі нафтаперапрацоўчы завод" будуць уведзены ў строй магутнасці па вытворчасці алкілату - высокаактанавай экалагічна чыстай дабаўкі ў бензін для паляпшэння яго якасці. Прадоўжацца таксама работы па стварэнню ўстаноўкі па гідраачыстцы ад серы бензіну, што дасць магчымасць атрымліваць маторнае паліва высокай якасці і з палепшанымі экалагічнымі характарыстыкамі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
|
|
|
 Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
|
| |
|
 Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
|
| |
|
 У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
|
|
|
 Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
|
|
|
 Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
|
| |
|
 У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
|
| |
|
 У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
|
|
|
17 лістапада Прэм'ер-міністр Беларусі Сяргей Сідорскі і лорд-мэр Лонданскага сіці Іан Людэр абмеркавалі магчымыя напрамкі супрацоўніцтва Беларусі і Вялікабрытаніі ў фінансавай сферы. Паводле слоў Сяргея Сідорскага, мэта гэтай сустрэчы - знайсці новыя імпульсы развіцця сектараў эканомік дзвюх краін ва ўмовах сусветнага фінансавага крызісу, наладзіць эфектыўнае супрацоўніцтва паміж бізнесам і фінансавымі інстытутамі. |
| |
|
 Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.
|
|
|
