| |
|
|
 Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
|
|
| |
У БЕЛАРУСІ НЕАБХОДНА ЗНІЗІЦЬ АБ'ЁМ КАНВАІРАВАННЯ ГРУЗАЎ У 2-3 РАЗЫ
У Беларусі неабходна знізіць аб'ём канваіравання грузаў у 2-3 разы
Аб гэтым сёння па выніках пасяджэння калегіі Дзяржаўнага мытнага камітэта паведаміў журналістам Намеснік Прэм'ер-міністра Беларусі Андрэй Кабякоў.
Паводле яго слоў, гэта складанае комплекснае пытанне, дзе многае звязана як з групамі тавараў, так і здольнасцю перавозчыкаў фінансава забяспечыць дастаўку грузаў. "Але мы лічым, што гэты працэс неабходна ўпарадкаваць і, па меншай меры, у 2-3 разы знізіць аб'ём канваіравання грузаў", - адзначыў Намеснік Прэм'ер-міністра. У сваю чаргу ўпарадкаванне гэтага працэсу дасць магчымасць забяспечыць большую транзітную прывабнасць Беларусі, а таксама адпавядаць нормам і прынцыпам, якія прымяняюцца ў іншых дзяржавах пры такіх працэдурах.
У мінулым годзе ў рэспубліцы быў удасканалены парадак канваіравання і значна скарочаны пералік тавараў, якія падлягаюць такому суправаджэнню. Аднак прынятых мер недастаткова. "Нягледзячы на тое, што ў нас зусім адкрытая граніца з Расійскай Федэрацыяй, мы ставім вялікую колькасць тавараў пад абавязковае суправаджэнне. Толькі ў мінулым годзе налічваецца прыкладна 50 тыс. выпадкаў канваіравання", - сказаў ён. Паводле даных беларускіх аўтаперавозчыкаў, толькі 15 працэнтаў ад усяго аб'ёму канваіраваных грузаў у Беларусі перамяшчаюцца па тэрыторыі Расіі таксама пад канвоем. Такім чынам, неабходна давесці колькасць канваіраваных грузаў да ўзроўню, які існуе ў Расійскай Федэрацыі.
Андрэй Кабякоў таксама дадаў, што мытная службе рэспублікі ў 2007 годзе пералічыла ў бюджэт больш як Br9 трлн. У 2008 годзе яшчэ большую ўвагу неабходна ўдзяліць удасканаленню мытных працэдур, найхутчэйшаму ўкараненню прынцыпу электроннага дэкларавання, а таксама поўнасцю рэалізаваць прынцыпы "аднаго прыпынку", "аднаго акна". Усё гэта будзе садзейнічаць транзітнай прывабнасці дзяржавы, рэзюмаваў віцэ-прэм'ер.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
|
|
|
 Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
|
| |
|
 Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
|
| |
|
 У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
|
|
|
 Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
|
|
|
 Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
|
| |
|
 У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
|
| |
|
 У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
|
|
|
17 лістапада Прэм'ер-міністр Беларусі Сяргей Сідорскі і лорд-мэр Лонданскага сіці Іан Людэр абмеркавалі магчымыя напрамкі супрацоўніцтва Беларусі і Вялікабрытаніі ў фінансавай сферы. Паводле слоў Сяргея Сідорскага, мэта гэтай сустрэчы - знайсці новыя імпульсы развіцця сектараў эканомік дзвюх краін ва ўмовах сусветнага фінансавага крызісу, наладзіць эфектыўнае супрацоўніцтва паміж бізнесам і фінансавымі інстытутамі. |
| |
|
 Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.
|
|
|
