|
 Комплекс па вытворчасці аднаразовых шпрыцаў аб'ёмам 10 і 20 мл ААТ "Медпласт" адкрыўся ў Гомелі. У цырымоніі ўрачыстага адкрыцця прыняў удзел Прэм'ер-міністр Беларусі Сяргей Сідорскі. Магутнасць дзвюх ліній па вытворчасці шпрыцаў аб'ёмам 10 і 20 мл складае 70 млн. штук у год. Запуск новага абсталявання стаў чарговым этапам у рэалізацыі праекта па стварэнню ў рэспубліцы ўласнай вытворчасці аднаразовых шпрыцаў. У жніўні мінулага года тут быў асвоены выпуск шпрыцаў па 2 і 5 мл магутнасцю 120 млн. адзінак прадукцыі ў год.
Інавацыйны праект у ААТ "Медпласт" быў рэалізаваны па даручэнню прэзідэнта Беларусі і з'яўляецца адным з напрамкаў рэалізацыі дзяржаўнай палітыкі па імпартазамяшчэнню. На праект было выдзелена Br28 млрд. Магутнасці новай вытворчасці дадуць магчымасць цалкам забяспечыць лячэбныя ўстановы Беларусі аднаразовымі шпрыцамі ўсіх памераў.
Пры стварэнні вытворчасці медыцынскіх шпрыцаў у Гомелі прымяняліся самыя апошнія ноў-хаў. Аб гэтым заявіў на цырымоніі адкрыцця комплексу па выпуску ін'екцыйных шпрыцаў у ААТ "Медпласт" прадстаўнік нямецкай фірмы Transcoject, генеральнага пастаўшчыка абсталявання для новай вытворчасці, Карл Хайнц.
Наладку абсталявання праводзілі сумесна нямецкія і беларускія спецыялісты. Пробныя запускі машын паказалі, што фактычная прадукцыйнасць устаноўленага абсталявання на 20 працэнтаў перасягае першапачаткова заяўленую. Пры гэтым поўнасцю захоўваюцца якасныя характарыстыкі вырабаў.
Прадстаўнік нямецкай фірмы адзначыў, што гэта ўжо 42-і па ліку завод, з якім супрацоўнічала кампанія. Камплектацыя беларускага прадпрыемства адпавядае самым сучасным тэхналогіям, дадаў ён.
Сёння ў ААТ "Медпласт" уведзены ў эксплуатацыю дзве лініі па вытворчасці ін'екцыйных шпрыцаў аднаразовага выкарыстання аб'ёмам 10 і 20 мл. Прадукцыйнасць ліній - адпаведна 40 млн. і 30 млн. штук у год.
Як паведаміў Прэм'ер-міністр Сяргей Сідорскі, Урад Беларусі ў бліжэйшы час разгледзіць пытанне аб мэтазгоднасці будаўніцтва ў рэспубліцы завода па выпуску іголак для медыцынскіх шпрыцаў.
Як вядома, у жніўні мінулага года на "Медпласце" былі ўведзены ў эксплуатацыю лініі па выпуску аднаразовых шпрыцаў 2 і 5 мл. Увод у эксплуатацыю новых магутнасцей дасць магчымасць у поўнай меры забяспечыць дзяржаўны заказ на аднаразовыя шпрыцы для лячэбных устаноў, патрэбнасць у якіх ацэньваецца ў 180 млн. штук. Узровень іх якасці адпавядае міжнародным стандартам. Для таго каб зрабіць гэту прадукцыю больш канкурэнтназдольнай, да канца года "Медпласт" увядзе ў эксплуатацыю ўчастак газавай стэрылізацыі вырабаў медыцынскага прызначэння. Пакуль жа гатовыя шпрыцы стэрылізуюцца ў Мінску і ў Расіі.
Такім чынам, адзначыў Сяргей Сідорскі, на прадпрыемстве будзе створаны замкнуты цыкл вытворчасці шпрыцаў. У гэтым ланцужку імпартнай застанецца толькі адна пазіцыя - медыцынскія іголкі, якія закупляюцца ў Японіі. Іх якасць поўнасцю задавальняе беларускіх вытворцаў. У той жа час цана іголкі ў сабекошце шпрыца складае прыкладна 17 працэнтаў. Таму неабходна пралічыць, што больш выгадна: закупляць іголкі або наладжваць уласную вытворчасць, лічыць кіраўнік урада.
Паводле разлікаў, растлумачыў Прэм'ер-міністр, такія прадпрыемствы рэнтабельныя пры ўмове, што яны выпускаюць не менш як 2 млрд. іголак у год.
Адказваючы на пытанне карэспандэнта аб цане на газ, Прэм'ер-міністр Беларусі Сяргей Сідорскі паведаміў журналістам, што цана на газ для Беларусі ў 2008 годзе павышацца не будзе.
"У адпаведнасці з дамоўленасцю на працягу 2007 года цана на газ была на ўзроўні $100 за 1000 кубаметраў, з гэтага года дабавілі 19 працэнтаў, і ў нас ёсць упэўненасць, што да канца года цана павышацца не будзе", - сказаў Прэм'ер-міністр.
Хоць, адзначыў кіраўнік урада, цана вызначаецца згодна з формулай, а формула залежыць ад знешняй кан'юнктуры. "Учора цана на нафту перасягнула рубеж $100 за барэль. Таму, безумоўна, нашы калегі будуць даказваць іншую пазіцыю. Але Кіраўнікі дзяржаў Аляксандр Лукашэнка і Уладзімір Пуцін дамовіліся аб нязменнасці цаны для Беларусі на 2008 год - $119", - падкрэсліў Сяргей Сідорскі. Зразумела, і Беларусь захоўвае ўмовы транзітных ставак на тым узроўні, на якім дамовіліся. Цяпер "Белтрансгаз" і "Газпрам" працуюць па гэтых пытаннях, сказаў Прэм'ер-міністр.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.