БЕЛАРУСЬ І КУБА ПАДПІСАЛІ МІЖУРАДАВАЕ ПАГАДНЕННЕ АБ ПАСТАЎЦЫ 100 АЎТОБУСАЎ МАЗ
 Міжурадавае пагадненне паміж Беларуссю і Кубай аб пастаўцы 100 аўтобусаў МАЗ падпісана 27 лютага ў Мінску. У дакуменце агавораны ўмовы прадастаўлення ААБ "Беларусбанк" крэдыту Кубе для фінансавання гэтых паставак. Са свайго боку Куба прадаставіць неабходныя гарантыі па яго пагашэнню. Як адзначыў Прэм'ер-міністр Беларусі Сяргей Сідорскі на сустрэчы з міністрам урада Кубы Рыкарда Кабрысасам Руісам, Куба з'яўляецца адным з прыярытэтаў знешняй палітыкі Беларусі на лацінаамерыканскім кантыненце. "Добрыя адносіны паміж лідэрамі нашых краін садзейнічаюць развіццю двухбаковых адносін", - падкрэсліў ён.
На думку Прэм'ер-міністра, адкрыццё крэдытнай лініі для Кубы для фінансавання паставак беларускіх аўтобусаў будзе ў многім гэтаму садзейнічаць.
Міністр прамысловасці Беларусі Анатоль Русецкі паведаміў, што ўжо ў бліжэйшы час на Кубу будзе пастаўлена 6 аўтобусаў, астатнія - на працягу паўгода.
На думку міністра Урада Рыкарда Кабрысаса Руіса, "падпісанне пагаднення стала знакавай падзеяй для далейшага развіцця супрацоўніцтва паміж Беларуссю і Кубай". 28 лютага кубінская дэлегацыя мае намер наведаць МАЗ, дзе азнаёміцца з прадукцыяй, што выпускаецца на заводзе.
Рыкарда Кабрысас Руіс падкрэсліў: "Мы не проста задаволены, а вельмі задаволены вынікамі сённяшняй сустрэчы. Мы лічым, што ў Беларусі і Кубы ёсць вялікі патэнцыял для нарошчвання супрацоўніцтва". Разам з тым, паводле яго слоў, вытворчаму сектару Кубы цяпер не хапае поўнай інфармацыі аб усіх дасягненнях беларускай эканомікі. У сувязі з гэтым кубінскі бок прапанаваў наладзіць пастаянны абмен інфармацыяй паміж краінамі па пытаннях эканамічнага развіцця.
У ходзе сённяшняй сустрэчы бакі таксама абмеркавалі пытанні паставак беларускай сельгастэхнікі, аўтамабіляў у гэту лацінаамерыканскую краіну.
У канцы сакавіка ў Гаване адбудзецца чарговае пасяджэнне беларуска-кубінскай камісіі па гандлёва-эканамічнаму супрацоўніцтву. Чакаецца, што ў ім прымуць удзел кіраўнікі беларускіх прадпрыемстваў, у прадукцыі якіх сёння зацікаўлена Куба, з мэтай заключэння прамых дагавораў. Як адзначыў міністр прамысловасці Беларусі, рэалізацыя намечаных пагадненняў дасць магчымасць павялічыць беларускі экспарт на Кубу ў бягучым годзе ў два разы ў параўнанні з мінулым годам.
Куба вельмі зацікаўлена ў пастаўках беларускай сельгастэхнікі. Аб гэтым паведаміў сёння міністр Урада Кубы Рыкарда Кабрысас Руіс на сустрэчы з Прэм'ер-міністрам Беларусі Сяргеем Сідорскім.
У сваю чаргу Куба гатова пастаўляць у Беларусь навінкі фармацэўтычнай вытворчасці.
Паводле слоў Рыкарда Кабрысаса Руіса, сельгасвытворчасць Кубы мае патрэбу ў абнаўленні, таму зацікаўлена ў супрацоўніцтве з Беларуссю ў галіне паставак сельскагаспадарчай тэхнікі. Ён лічыць, што значны патэнцыял развіцця дзвюх краін пакуль задзейнічаны не ў поўным аб'ёме. Неабходна наладжваць не толькі двухбаковае супрацоўніцтва, але і трохбаковае, маючы на ўвазе адносіны паміж Беларуссю, Кубай і Венесуэлай, падкрэсліў міністр урада Кубы.
Куба - адзін з асноўных гандлёвых партнёраў Беларусі ў Лацінскай Амерыцы. У 2007 годзе ў параўнанні з 2006 годам тавараабарот Беларусі з Кубай знізіўся на 3,5 працэнта за кошт падзення імпарту і склаў $21,2 млн. Пры гэтым экспарт павялічыўся на 43,2 працэнта да $14,8 млн., імпарт знізіўся на 45 працэнтаў і склаў $6,4 млн. Сальда для беларускага боку склалася дадатнае ў памеры $8,4 млн.
Забяспечана замацаванне складанатэхнічнай прадукцыі на кубінскім рынку. У 2007 годзе асноўнымі экспартнымі пазіцыямі з'яўляліся трактары (рост паставак у 2,6 раза), рухавікі ўнутранага згарання (рост паставак у 2,1 раза), грузавыя аўтамабілі, часткі і абсталяванне для аўтамабіляў і трактароў. У 2,1 раза павялічыліся пастаўкі шын.
Замацавалася тэндэнцыя дыверсіфікацыі экспарту, у яго структуры з'явіліся новыя таварныя пазіцыі: бытавая апаратура, сінтэтычныя валокны, электратрансфарматары, абсталяванне для сарціроўкі і здрабнення грунту, мэбля, друкаваная прадукцыя.
У Беларусі завершаны ўнутрыдзяржаўныя працэдуры, неабходныя для падпісання міжурадавага пагаднення аб пастаўцы на Кубу 100 аўтобусаў МАЗ і прадастаўленні крэдыту. У стадыі выканання знаходзяцца кантракты на пастаўку газавых пліт вытворчасці ААТ "Брэстгазаапарат", абсталявання і запасных частак магілёўскага завода "Строммашына". Аказана садзейнічанне навукова-тэхнічнаму цэнтру "Белмікрасістэмы" НВА "Інтэграл" у наладжванні кааперацыйнага супрацоўніцтва з прадпрыемствамі Міністэрства інфарматыкі і камунікацый Кубы.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.