| |
|
|
 Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
|
|
| |
Савет "Беларусь - ЕС" прапануе пакрокавую стратэгію вяртання Беларусі ў генеральную сістэму прэферэнцый Еўрасаюза
 Савет "Беларусь - ЕС" прапануе пакрокавую стратэгію вяртання Беларусі ў генеральную сістэму прэферэнцый Еўрасаюза. Аб гэтым заявіў сёння намеснік міністра замежных спраў Беларусі Андрэй Еўдачэнка журналістам у Мінску па выніках сустрэчы дэлегацыі дзелавога савета "Беларусь - ЕС" з Першым віцэ-прэм'ерам Беларусі Уладзімірам Сямашкам. Андрэй Еўдачэнка адзначыў, што ў ходзе перагавораў абмяркоўваліся пытанні, "як дапамагчы Беларусі аднавіцца ў агульнай сістэме прэферэнцый Еўрасаюза".
Намеснік міністра нагадаў, што ў 2007 годзе Еўракамісіяй была адменена агульная сістэма прэферэнцый Еўрасаюза адносна Беларусі. "Гэта доўгае пытанне з доўгай гістрыяй, - лічыць Андрэй Еўдачэнка. - Еўрасаюз тут пайшоў нават нашмат далей, чым сама Міжнародная арганізацыя працы (МАП). Зразумела, мы спрабуем вырашаць гэта пытанне з еўрапейскімі структурамі".
Сёння на перагаворах у Мінску ў складзе дзелавога савета "Беларусь - ЕС" прысутнічалі еўрапейскія адвакаты, якія займаюцца гэтай тэматыкай ужо шмат гадоў. "Мы хацелі б атрымаць ад іх рэкамендацыі, як гэта лепш зрабіць", - сказаў намеснік міністра. У сувязі з гэтым тут можа быць прыменена пакрокавая стратэгія па вяртанню Беларусі ў агульную сістэму прэферэнцый Еўрасаюза. Пры гэтым Андрэй Еўдачэнка падкрэсліў, што дыялог з МАП Беларусь ні разу не спыняла. Што датычыцца Еўракамісіі, то гэта арганізацыя прыняла далёка ідучыя рашэнні, якія закранаюць эканамічныя інтарэсы Беларусі. "Таму мы сёння імкнёмся зрабіць усё, каб вярнуць нашы адносіны ў гандлі на ранейшыя пазіцыі", - адзначыў ён.
Адказваючы на пытанні журналістаў, калі Беларусь зможа зноў працаваць у агульнай сістэме прэферэнцый Еўрасаюза, Андрэй Еўдачэнка сказаў, што гэта можа адбыцца "не раней за 2009 год пры самым аптымістычным раскладзе". Для Еўракамісіі спатрэбіцца пэўная працэдура ўзгаднення, нават калі ўсе яе еўрапейскія інстытуты прымуць станоўчае рашэнне.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
|
|
|
 Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
|
| |
|
 Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
|
| |
|
 У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
|
|
|
 Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
|
|
|
 Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
|
| |
|
 У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
|
| |
|
 У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
|
|
|
17 лістапада Прэм'ер-міністр Беларусі Сяргей Сідорскі і лорд-мэр Лонданскага сіці Іан Людэр абмеркавалі магчымыя напрамкі супрацоўніцтва Беларусі і Вялікабрытаніі ў фінансавай сферы. Паводле слоў Сяргея Сідорскага, мэта гэтай сустрэчы - знайсці новыя імпульсы развіцця сектараў эканомік дзвюх краін ва ўмовах сусветнага фінансавага крызісу, наладзіць эфектыўнае супрацоўніцтва паміж бізнесам і фінансавымі інстытутамі. |
| |
|
 Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.
|
|
|
