Урад Беларусі і расійская АФК "Сістэма" падпісалі Генеральнае пагадненне аб супрацоўніцтве
 Урад Беларусі і расійскае ААТ "АФК "Сістэма" сёння заключылі Генеральнае пагадненне аб супрацоўніцтве. Дакумент падпісалі Першы намеснік Прэм'ер-міністра Беларусі Уладзімір Сямашка і прэзідэнт АФК "Сістэма" Аляксандр Ганчарук. Як паведаміў сёння журналістам Першы намеснік Прэм'ер-міністра Беларусі Уладзімір Сямашка, мэтай пагаднення з'яўляецца прыцягненне інвестыцый у Беларусь за кошт рэалізацыі эканамічна эфектыўных і сацыяльна значных інвестыцыйных праектаў у розных сферах.
"Асноўная ідэя работы - гэта прыход АФК "Сістэма" ў Беларусь са сваімі тэхналогіямі і інвестыцыямі ў мэтах развіцця ўзаемавыгаднага бізнесу, а таксама каб садзейнічаць рэалізацыі ў рэспубліцы сацыяльных праектаў", - сказаў ён.
Уладзімір Сямашка нагадаў, што 29 кастрычніка 2007 года адбылася сустрэча Прэзідэнта Беларусі з кіраўніцтвам АФК "Сістэма". "Абодва бакі атрымалі даручэнні дэталёва прапрацаваць магчымыя напрамкі ўзаемавыгаднага супрацоўніцтва", - адзначыў Першы віцэ-прэм'ер, дадаўшы, што бакі ўжо вызначыліся з гэтым.
У падпісаным сёння Генеральным пагадненні аб супрацоўніцтве вызначана 8 важнейшых напрамкаў сумеснай работы. "Падпісанню папярэднічалі 4,5 месяца напружанай работы. Мы шмат разоў сустракаліся, абмяркоўвалі кожны канкрэтны пункт дакумента", - адзначыў Уладзімір Сямашка.
Паводле слоў Першага віцэ-прэм'ера, наступным этапам супрацоўніцтва будзе падпісанне асобных кантрактаў паміж дзяржорганамі Беларусі і АФК "Сістэма" або яе даччынымі кампаніямі. "Мы сёння ў рабочым парадку дамовіліся, што гэты працэс зацягвацца не будзе. На працягу бліжэйшага месяца трэба дакладна вызначыцца па кантрактах па ўсіх васьмі напрамках. Затым пачнецца канкрэтная работа, распрацоўка бізнес-планаў, праектнай дакументацыі, пастаўка абсталявання", - падкрэсліў Уладзімір Сямашка.
Для рэалізацыі сумесных праектаў створаны Каардынацыйны савет, у які ўвайшлі 12 прадстаўнікоў ад беларускага Урада і 10 прадстаўнікоў ад АФК "Сістэма" і яе даччыных кампаній.
Як заявіў сёння журналістам прэзідэнт АФК "Сістэма" Аляксандр Ганчарук, расійская АФК "Сістэма" зацікаўлена ў супрацоўніцтве з беларускімі прадпрыемствамі ў розных галінах эканомікі. Пры гэтым самымі прывабнымі з'яўляюцца сферы нерухомай маёмасці, будаўніцтва, высокіх тэхналогій, а таксама банкаўскі бізнес.
"Мы з задавальненнем прынялі ўдзел у падпісанні гэтага пагаднення", - адзначыў Аляксандр Ганчарук і дадаў, што карпарацыя ўжо прадстаўлена ў Беларусі ў СТАА "Мабільныя ТэлеСістэмы".
"Таму нам вядомы правілы вашага рынку, нам падабаецца тут працаваць, падабаецца ваша рэспубліка, і мы хочам тут працаваць больш", - падкрэсліў прэзідэнт АФК "Сістэма". Паводле яго слоў, усе 8 напрамкаў сумеснай работы, прадугледжаныя Генеральным пагадненнем аб супрацоўніцтве, маюць "высокатэхналагічны ўхіл". Рэалізацыя намечаных планаў будзе не менш эфектыўная для бакоў, чым работа з кампаніяй МТС, перакананы Аляксандр Ганчарук.
Гаворачы аб супрацоўніцтве ў банкаўскім бізнесе, прэзідэнт АФК "Сістэма" адзначыў, што цяпер прапрацоўваюцца пытанні інвесціравання сродкаў карпарацыі ў беларускае ААТ "Парытэтбанк". Ён выказаў упэўненасць у тым, што работа па арганізацыі здзелкі па набыццю акцый гэтага беларускага банка завершыцца станоўча.
Акрамя таго, прапрацоўваецца магчымасць супрацоўніцтва ў касмічнай галіне - па стварэнню спадарожнікавых сістэм.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.