ПРЫРОСТ ВУП БЕЛАРУСІ Ў СТУДЗЕНІ-ЛЮТЫМ СКЛАЎ 9,9 ПРАЦЭНТА
 Прырост унутранага валавога прадукту Беларусі за студзень-люты бягучага года склаў 9,9 працэнта. Аб гэтым далажыў Прэм'ер-міністр Беларусі Сяргей Сідорскі прэзідэнту Аляксандру Лукашэнку 13 сакавіка на рабочай сустрэчы, паведамляе прэс-службе Кіраўніка дзяржавы. Паводле слоў Сяргея Сідорскага, вынікі двух месяцаў сведчаць аб тым, што ўрадавыя галіновыя праграмы на працягу гэтага года павінны даць якасны вынік, які дазваляе выйсці на значнае апярэджанне тэмпаў развіцця эканомікі Беларусі. Паказчык прыросту прамысловай вытворчасці за студзень-люты бягучага года склаў амаль 13 працэнтаў, што сведчыць аб паспяховай рэалізацыі інвестыцыйных праграм.
Сяргей Сідорскі нагадаў, што ў мінулым годзе аб'ём знешняга гандлю Беларусі склаў $58 млрд. У студзені 2008 года тавараабарот дасягнуў $5 млрд. і на $2 млрд. перавысіў узровень аналагічнага перыяду 2007 года.
Беларусь павялічыла экспарт прадукцыі машынабудавання, складанай тэхнікі, а таксама прадукцыі сельскай гаспадаркі, асабліва ўзраслі пастаўкі ў Расію, Украіну і краіны Еўрасаюза.
Інвестыцыі ў асноўны капітал у студзені-лютым павялічыліся на 12 працэнтаў у параўнанні з узроўнем аналагічнага перыяду мінулага года.
У краіне значна актывізавалася жыллёвае будаўніцтва. Паводле слоў Прэм'ер-міністра, ёсць усе шансы ў 2008 годзе пераадолець рубеж 5 млн.кв.м. У сувязі з магутным прытокам інвестыцый расце і аб'ём будаўніча-мантажных работ.
Інфляцыя ў Беларусі ў лютым гэтага года склала 0,7 працэнта, што з'яўляецца паспяховым паказчыкам на фоне працэсаў, якія адбываюцца ў свеце, такіх як іпатэчны крызіс, рост цэн на прадукты харчавання.
Прэзідэнту таксама даложана аб будучым удзеле Беларусі ў выстаўцы ў Шанхаі ў 2010 годзе, у якой будуць прадстаўлены практычна ўсе краіны свету. Кіраўнік дзяржавы даў даручэнне Ураду звярнуцца да арганізатараў Шанхайскай выстаўкі з прапановай, каб Беларусь была прадстаўлена на гэтым мерапрыемстве асобным павільёнам.
Акрамя таго, Аляксандр Лукашэнка адобрыў шэраг інвестыцыйных праектаў. Размова ідзе аб будаўніцтве новых прадпрыемстваў у краіне. У бягучым годзе плануецца ўвесці ў дзеянне 40-50 новых вытворчых аб'ектаў, у тым ліку буйное прадпрыемства па гарачаму цынкаванню - у рамках праграмы імпартазамяшчэння.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.