| |
БЕЛАРУСЬ І РАСІЯ ПЕРААДОЛЕЛІ НЕГАТЫЎНЫЯ ТЭНДЭНЦЫІ Ў ГАНДЛІ
 Аб гэтым заявіў Прэм'ер-міністр Беларусі Сяргей Сідорскі на сустрэчы ў Мінску з Дзяржаўным сакратаром Саюзнай дзяржавы Беларусі і Расіі Паўлам Барадзіным. "Мы пераадолелі негатыўныя тэндэнцыі 2005-2006 гадоў у сувязі з увядзеннем ПДВ па краіне прызначэння", - адзначыў кіраўнік беларускага Урада. За 2007 год тавараабарот паміж Беларуссю і Расіяй склаў больш як $26 млрд. У студзені-лютым 2008 года таксама адзначана добрая дынаміка ў гандлі паміж краінамі. За студзень тавараабарот дасягнуў $2,5 млрд., што на $1 млрд. больш, чым за аналагічны перыяд мінулага года.
Сяргей Сідорскі паведаміў, што па даручэнню саюзнага ўрада дзейнічала рабочая група, якую ўзначальвалі Намеснік Прэм'ер- міністра Беларусі Андрэй Кабякоў і Намеснік Старшыні Урада Расіі Сяргей Нарышкін. Абмеркаваны канкрэтныя пытанні, якія будуць разглядацца на саюзным Саўміне.
Прэм'ер-міністр Беларусі падкрэсліў важнасць дзеючых і прыняцця новых саюзных праграм. Сярод тых, што будуць абмяркоўвацца 21 сакавіка ў Мінску, ён назваў праграмы развіцця дызельнага аўтамабілебудавання, вытворчасці хімічных валокнаў, "Космас-НТ". Сяргей Сідорскі таксама прапанаваў Паўлу Барадзіну абмеркаваць дадатковыя пытанні, якія будуць вынесены на разгляд на пасяджэнні саюзнага Урада. Усяго запланавана абмеркаваць 23 пытанні.
Дзяржаўны сакратар Саюзнай дзяржавы Павел Барадзін засяродзіў увагу на неабходнасці правядзення сумесных калегій міністэрстваў і ведамстваў Беларусі і Расіі. Цяпер эфектыўна працуюць сумесныя калегіі КДБ Беларусі і ФСБ Расіі, міністэрстваў унутраных спраў, мытных камітэтаў. Практычна не праводзіліся сумесныя калегіі міністэрстваў фінансаў і эканомікі дзвюх краін. Няма ніякай сумеснай работы калегій сельскагаспадарчых ведамстваў Беларусі і Расіі, падкрэсліў Павел Барадзін. На яго думку, такая работа можа быць прадукцыйнай і эфектыўнай у будаўніцтве Саюзнай дзяржавы.
Павел Барадзін таксама пазітыўна ацаніў унясенне ў парадак дня саюзнага Саўміна пытання аб субсідзіраванні сельскай гаспадаркі ў Беларусі і Расіі. Ён прывёў прыклады, што ў ЗША на субсідзіраванне сельскай гаспадаркі выдзяляецца $68 млрд., у Еўрасаюзе - 124 млрд. еўра, у тым ліку за кошт бюджэту ЕС - 42 млрд. еўра, у той час як у Расіі субсідзіраванне працэнтных ставак па крэдытах на сельскую гаспадарку складае $170 млн. "У выніку ў РФ завалілі сельскую гаспадарку", - падкрэсліў Павел Барадзін, дадаўшы, што сёння Расія забяспечвае сябе прадуктамі харчавання прыкладна на 50 працэнтаў. Таму РФ не павінна ваяваць з Беларуссю ў сферы паставак сельгаспрадукцыі, наадварот, трэба супрацоўнічаць, падкрэсліў ён.
Павел Барадзін нагадаў, як цяжка ішло зацвярджэнне саюзнай праграмы па развіццю сельгасмашынабудавання - яе прымалі два гады, дакументы ў расійскім урадзе ўзгадняліся 8-9 разоў. Трэба разумець, што "гэта праграма нумар 1 для Саюзнай дзяржавы", адзначыў ён.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.