МІНПРАМ БЕЛАРУСІ І КАРЭЙСКІЯ АЎТАВЫТВОРЦЫ АБМЯРКОЎВАЮЦЬ МАГЧЫМАСЦІ СУПРАЦОЎНІЦТВА
 Міністэрства прамысловасці Беларусі і карэйскія аўтавытворцы абмяркоўваюць магчымасці супрацоўніцтва. Аб гэтым заявіў сёння Прэм'ер-міністр Беларусі Сяргей Сідорскі на сустрэчы з прадстаўнікамі карэйскіх кампаній. "Мінпрам Беларусі вядзе актыўную работу па вывучэнню магчымасцей інтэграцыі з аўтамабільнымі кампаніямі Карэі", - сказаў Сяргей Сідорскі і растлумачыў, што абмяркоўваюцца розныя варыянты супрацоўніцтва - пачынаючы з вытворчасці асобных кампанентаў і заканчваючы вытворчасцю грузавых аўтамабіляў сярэдняй танажнасці.
Паводле слоў Прэм'ер-міністра, у ходзе яго апошняга візіту ў Карэю ў канцы 2007 года былі абмеркаваны магчымасці ўдзелу карэйскіх кампаній у фінансаванні інвестыцыйных і інавацыйных праектаў у Беларусі. У першую чаргу гэта датычыцца праектаў у энергетычнай і банкаўскай сферах, ёсць цікавыя праекты ў медыцынскай галіне. Усяго на разгляд карэйскаму боку было перададзена звыш 10 праектаў.
Сяргей Сідорскі таксама нагадаў, што Беларусь актыўна супрацоўнічае і з іншымі карэйскімі кампаніямі, у прыватнасці LG. "Мы дамовіліся з прэзідэнтам кампаніі LG па краінах СНД сустрэцца ў бліжэйшы час у Мінску і абмеркаваць магчымасці вытворчасці LCD-панэлей у Беларусі. Нашы дагаворы з LG выконваюцца, першыя камплекты LCD-панэлей паступілі на "Інтэграл", дзе паспяхова ідзе іх зборка", - адзначыў прэм'ер-міністр.
На сустрэчы прысутнічалі прадстаўнікі карэйскіх кампаній Goodmorning Shinhan Securities, SK E&C (SK Engineering & Construction Co., Ltd), КЕРСО (Korea Electric Power Company). Кампанія Goodmorning Shinhan Securities - адна з вядучых брокерскіх і інвестыцыйна-банкаўскіх устаноў Карэі. SK E&C - лідэр краіны ў будаўнічай галіне. Асноўныя праекты, рэалізаваныя кампаніяй, - высакаскорасная чыгунка Seoul-Busan, найноўшы завод па ачыстцы нафты, а таксама нафтавыя ачышчальныя заводы ў Кувейце, Бразіліі, Гане і іншых краінах свету. Кампанія КЕРСО - адзіны пастаўшчык электраэнергіі ў Карэі, працуе на ўнутраных і знешніх рынках свету. Міжнародная дзейнасць кампаніі - інвесціраванне ў праекты, звязаныя з энергетыкай.
ААТ "АСБ "Беларусбанк" і карэйская кампанія Goodmorning Shinhan Securities падпішуць мемарандум аб супрацоўніцтве. Адпаведная дамоўленасць дасягнута сёння на сустрэчы Прэм'ер-міністра Беларусі Сяргея Сідорскага з прадстаўнікамі карэйскіх кампаній.
Кампанія Goodmorning Shinhan Securities - адна з вядучых брокерскіх і інвестыцыйна-банкаўскіх устаноў Рэспублікі Карэя. Кампанія заснавана ў 1973 годзе, а ў 2002 годзе ўвайшла ў склад карпарацыі Shinhan Financial Group шляхам зліцця кампаній Goodmorning Securities і Shinhan Securities. Бягучая капіталізацыя кампаніі Goodmorning Shinhan Securities складае амаль $5,5 млрд.
Карпарацыя Shinhan Financial Group мае 11 даччыных кампаній, 21 прадстаўніцтва ў 8 краінах свету. Цяпер карпарацыя - другая па велічыне фінансавая ўстанова Рэспублікі Карэя, адна з вядучых фінансавых карпарацый Азіі і ўвайшла ў пералік 100 самых буйных банкаўска-фінансавых устаноў свету.
Акрамя галаўнога падраздзялення і філіялаў у Рэспубліцы Карэя Goodmorning Shinhan Securities уключае аднайменныя кампаніі ў ЗША, Германіі і Кітаі. Кампанія імкнецца да таго, каб стаць магутнай інвестыцыйна-банкаўскай сістэмай, а ў доўгатэрміновай перспектыве - вядучым сусветным іграком на рынку фінансавых паслуг, у тым ліку шляхам вядзення актыўнай інвестыцыйнай палітыкі ў розных краінах свету.
Па выніках 2006/2007 фінансавага года даход ад асноўнай дзейнасці кампаніі Goodmoming Shinhan Securities склаў $1,3 млрд., а чысты прыбытак пасля выплаты падаткаў - $102,3 млн. пры рэнтабельнасці 11,9 працэнта. У Паўднёвай Карэі функцыянуюць 1292 аддзяленні кампаніі, якія ажыццяўляюць страхавую і інвестыцыйную дзейнасць, работу з каштоўнымі паперамі і банкаўскімі карткамі.
Кампанія Goodmoming Shinhan Securities плануе выхад на рынак СНД, у тым ліку на рынак Беларусі ў мэтах удзелу ў рэалізацыі інвестыцыйных праектаў беларускіх арганізацый.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.