| |
АБ'ЁМ БЮДЖЭТНАГА ФІНАНСАВАННЯ ПРАГРАМЫ ПАДТРЫМКІ МАЛОГА БІЗНЕСУ Ў 2008 ГОДЗЕ ПЕРАСЯГНЕ BR3,6 МЛРД.
 Аб'ём бюджэтнага фінансавання мерапрыемстваў праграмы дзяржпадтрымкі малога прадпрымальніцтва ў Беларусі складзе ў 2008 годзе Br3,63 млрд. На рэалізацыю мерапрыемстваў праграмы, зацверджанай Пастановай Савета Міністраў нумар 438, з рэспубліканскага бюджэту будзе выдзелена Br1,457 млрд. Са сродкаў мясцовых бюджэтаў на падтрымку малога бізнесу плануецца накіраваць Br2,172 млрд. Аб'ём крэдытавання суб'ектаў малога прадпрымальніцтва беларускімі банкамі складзе ў 2008 годзе Br1 трлн.
Мерапрыемствы праграмы ў бягучым годзе будуць накіраваны на далейшае развіццё малога прадпрымальніцтва, павелічэнне колькасці яго суб'ектаў, перш за ўсё ў малых і сярэдніх гарадах, у сельскай мясцовасці, падкрэслілі спецыялісты.
Праграма прадугледжвае, у прыватнасці, меры па ўдасканаленню заканадаўства, якое рэгулюе дзейнасць суб'ектаў малога прадпрымальніцтва, і дзейнасці інфраструктуры яго развіцця і падтрымкі. Таксама запланавана работа па інфармацыйнаму забеспячэнню малога бізнесу, развіццю міжнароднага супрацоўніцтва і знешнеэканамічнай дзейнасці ў гэтай сферы.
Як адзначылі ў Мінэканомікі, ажыццяўленне мерапрыемстваў праграмы будзе садзейнічаць давядзенню долі малога прадпрымальніцтва ў аб'ёме выручкі, атрыманай у народнай гаспадарцы ад рэалізацыі тавараў (работ, паслуг), да 24,7 працэнта ў 2008 годзе (план на 2007 год - 22,8 працэнта). Колькасць занятых у сферы малога прадпрымальніцтва, уключаючы індывідуальных прадпрымальнікаў, павінна павялічыцца да 17,1 працэнта ад агульнай колькасці занятых у эканоміцы Беларусі (план на 2007 год складаў 15,3 працэнта).
На фінансаванне мерапрыемстваў праграмы дзяржпадтрымкі малога прадпрымальніцтва ў 2007 годзе было выкарыстана Br2,975 млрд.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.