| |
УРАД ЗАЦВЕРДЗІЎ ПЕРАЛІК МАЛЫХ ГАРАДОЎ БЕЛАРУСІ, ДЗЕ ДЗЕЙНІЧАЮЦЬ ІЛЬГОТЫ ДЛЯ БІЗНЕСУ
 Савет Міністраў Беларусі зацвердзіў пералік населеных пунктаў, на якія распаўсюджваецца дзеянне Дэкрэта ад 28 студзеня 2008 года нумар 1 "Аб стымуляванні вытворчасці і рэалізацыі тавараў (работ, паслуг)". Такое рашэнне прынята Пастановай Урада нумар 483. У Брэсцкай вобласці ў пералік увайшлі населеныя пункты за выключэннем гарадоў Баранавічы, Брэст і Пінск. У Віцебскай вобласці - населеныя пункты акрамя гарадоў Віцебск, Наваполацк, Орша і Полацк, у Гомельскай - акрамя Гомеля, Жлобіна, Мазыра, Рэчыцы і Светлагорска, у Гродзенскай - акрамя Гродна і Ліды, у Мінскай - акрамя Барысава, Жодзіна, Маладзечна, Слуцка і Салігорска, у Магілёўскай - за выключэннем Бабруйска і Магілёва.
Дэкрэт нумар 1 распрацаваны ў мэтах актывізацыі прадпрымальніцкай дзейнасці ў малых і сярэдніх гарадах, для стымулявання вытворчасці і рэалізацыі тавараў, прыцягнення замежных інвестыцый, развіцця экспартнага патэнцыялу Беларусі. Дакумент накіраваны на забеспячэнне фарміравання спрыяльных умоў для прыцягнення прамых замежных інвестыцый і стварэнне новых прадпрыемстваў, перш за ўсё ў малых населеных пунктах.
Для павышэння прывабнасці ўкладанняў для замежных інвестараў дэкрэтам прадугледжаны меры па зніжэнню падатковай нагрузкі, а таксама абмежаванне ўмяшання дзяржавы ў вытворча-гаспадарчую дзейнасць прадпрыемстваў (у частцы ўстанаўлення цэн на прадукцыю, тавары, работы і паслугі ўласнай вытворчасці, вызначэння аб'ёму і парадку рэалізацыі прадукцыі, тавараў (работ, паслуг) уласнай вытворчасці, устанаўлення заработнай платы і рэгулявання колькасці работнікаў), забеспячэнне гарантыі абароны ад неспрыяльнага змянення заканадаўства на працягу 5 гадоў. Дэкрэтам таксама прадугледжана прыцягненне замежных інвестыцый у інавацыйнай форме ў выглядзе набыцця патэнтаў, ліцэнзій і іншых нематэрыяльных актываў.
У адпаведнасці з Дэкрэтам з 1 красавіка 2008 года камерцыйныя арганізацыі, якія новаствараюцца ў малых і сярэдніх гарадах Беларусі, будуць карыстацца дадатковымі падатковымі прэферэнцыямі. Так, камерцыйныя арганізацыі, у тым ліку з замежнымі інвестыцыямі, на 5 гадоў з дня іх заснавання вызваляюцца ад падатку на прыбытак, збору ў рэспубліканскі фонд падтрымкі вытворцаў сельскагаспадарчай прадукцыі, прадуктаў харчавання і аграрнай навукі і некаторых іншых падаткаў. Такі льготны рэжым будзе дзейнічаць у населеных пунктах з колькасцю насельніцтва да 50 тыс. чалавек.
Згодна з Дэкрэтам пры ўвозе тэхналагічнага абсталявання, прызначанага для ўзносу ў статутныя фонды арганізацый з замежнымі інвестыцыямі, прадпрымальнікі таксама вызваляюцца ад выплаты ПДВ і мытных пошлін.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.