ВЕСНАВАЯ ПАЛЯВАЯ КАМПАНІЯ БУДЗЕ ПРАФІНАНСАВАНА Ў ПОЎНЫМ АБ'ЁМЕ
 Веснавая палявая кампанія ў Беларусі ў гэтым годзе будзе прафінансавана ў поўным аб'ёме. Аб гэтым далажыў сёння Прэзідэнту Беларусі Аляксандру Лукашэнку Прэм'ер-міністр Сяргей Сідорскі, паведамила прэс-служба Прэзідэнту Беларусі. На закупку ўгнаенняў, гаруча-змазачных матэрыялаў, набыццё новай сельгастэхнікі, рамонт і аднаўленне існуючага абсталявання і іншыя мэты будзе накіравана Br2170 млрд. Аляксандр Лукашэнка даручыў на працягу бліжэйшага тыдня паскорыць тэмпы правядзення пасяўной кампаніі, каб завяршыць яе ў сціслыя тэрміны.
На гэты час у краіне яравыя культуры пасеяны больш як на 20 % запланаваных плошчаў, падрыхтавана глебы пад яравую сяўбу на ўзроўні 30 % да плана.
У цэлым у гэтым годзе ў Беларусі плануецца пасеяць 1,2 млн. га яравых культур. Прэзідэнтам пастаўлена задача атрымаць не менш як 7,8 млн. т збожжа, не менш як 150 тыс. т піваварнага ячменю, 3,7 млн. т цукровых буракоў, 60 тыс. т лёну.
Таксама Прэзідэнту было даложана аб выніках работы эканомікі Беларусі за першы квартал. Так, тэмп росту ВУП за студзень-сакавік 2008 года да ўзроўню аналагічнага перыяду мінулага года склаў 110,5 %. "Гэта добры паказчык. Ён адпавядае ўзроўню развіцця эканомікі ў 2004 годзе", - адзначыў Прэм'ер-міністр.
Тэмп росту прамысловай вытворчасці Беларусі за 3 месяцы склаў 113,6 %, сельскагаспадарчай - 106,8 %, інвестыцый у асноўны капітал - 120 %.
Выкананы паказчыкі па ўводу жылля ў эксплуатацыю. Інфляцыя за студзень-сакавік склалася на ўзроўні 4,1 %. У Расіі інфляцыя за гэты перыяд склала 4,8 %, ва Украіне - больш як 9 %.
Акрамя таго, на сустрэчы былі абмеркаваны пытанні інавацыйна-інвестыцыйнай палітыкі. Прэзідэнт звярнуў увагу на неабходнасць правядзення паскоранай мадэрнізацыі беларускіх прадпрыемстваў, укаранення новых тэхналогій, у тым ліку ў сферы энергазберажэння. "Работа ў гэтым напрамку ўжо разгорнута. З пачатку года энергаёмістасць ВУП знізілася на 7,3 %. Гэты паказчык сёлета павінен быць у межах мінус 8 %", - далажыў Сяргей Сідорскі.
Размова на сустрэчы таксама ішла і аб рэалізацыі дамоўленасцей, што былі дасягнуты ў ходзе апошняга пасяджэння Савета Міністраў Саюзнай дзяржавы, праведзенага ў сакавіку ў Мінску. У прыватнасці, абмеркаваны пытанні развіцця гандлёва-эканамічных адносін з Расійскай Федэрацыяй. У гэтым годзе тэмпы росту ўзаемнага тавараабароту значна вышэйшыя за мінулагоднія.
У цэлым аб'ём знешняга гандлю Беларусі таварамі і паслугамі за 2 месяцы 2008 года павялічыўся больш як на 60 %.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.