| |
НАКІРАВАНАСЦЬ ДЗЯРЖПРАГРАМЫ ПА ПЕРААДОЛЕННЮ НАСТУПСТВАЎ АВАРЫІ НА ЧАЭС У БЛІЖЭЙШЫ ЧАС ЗМЕНІЦЦА
 Дзяржаўная праграма па пераадоленню наступстваў аварыі на Чарнобыльскай АЭС у бліжэйшы час зменіць сваю накіраванасць, паведаміў Прэм'ер-міністр Беларусі Сяргей Сідорскі, пад час рабочай паездкі ў Гомельскай вобласці. "Ад вырашэння праблем выжывання і станаўлення эканомікі мы павінны перайсці да ўстойлівага развіцця гэтых раёнаў", - так ахарактарызаваў кіраўнік Урада сутнасць работы на 2009-2011 гады. Асноўныя рэсурсы, а, як вядома, на рэалізацыю дзяржпраграмы выдзелена Br3,2 трлн., будуць накіраваны на ўмацаванне матэрыяльнай базы прадпрыемстваў, стварэнне новых невялікіх вытворчасцей. Пры гэтым трэба ўлічваць вопыт ужо рэалізаваных праектаў.
Напрыклад, у выніку пераспецыялізацыі сельгасвытворчасці ў Нараўлянскім раёне аб'ём валавой вытворчасці за апошнія 5 гадоў тут узрос на 80 працэнтаў. Калі не так даўно насельніцтва раёна складала 9 тыс. чалавек, то цяпер - 12,8. Гэта значыць, сітуацыя стабілізавалася, і цяпер неабходна замацаваць дасягнутыя вынікі. Акрамя таго, пераспецыялізацыя дала магчымасць вырашыць пытанне вытворчасці чыстай сельгаспрадукцыі. Напрыклад, у КУП "Уладзіміраўскі-Галоўчыцы" атрымліваюць малако, якое па ўзроўню якасці адпавядае нормам, устаноўленым для дзіцячага харчавання.
У Беларусі ў 2008-2009 гадах будзе пабудавана шэсць заводаў па перапрацоўцы малочнай сыроваткі. Аб гэтым паведаміў журналістам Прэм'ер-міністр Сяргей Сідорскі. Кошт гэтага праекта складзе Br130 млрд. Гэта тэма будзе абмяркоўвацца на бліжэйшым пасяджэнні ўрада краіны, адзначыў ён.
З уводам у строй гэтых прадпрыемстваў у рэспубліцы будзе створана безадходная тэхналогія перапрацоўкі малака, што дасць магчымасць атрымліваць прадукт з максімальнай прыбавачнай вартасцю.
Акрамя таго, будуць скарочаны тэрміны мадэрнізацыі малочнай галіны ў цэлым. Яе тэхпераўзбраенне будзе завершана не ў 2010 годзе, як планавалася раней, а ўжо ў наступным. На гэтыя мэты Урад зарэзерваваў фінансавыя рэсурсы, і цяпер рэгіёны павінны ў сціслыя тэрміны прадаставіць скарэкціраваныя планы. У прыватнасці, кіраўніцтву Гомельскай вобласці дадзена ўказанне прадставіць гэты план праз месяц.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.