| |
|
|
 Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
|
|
| |
ПРЭМ'ЕР-МІНІСТР БЕЛАРУСІ ЎРУЧЫЎ ДЗЯРЖАЎНЫЯ ЎЗНАГАРОДЫ ЗАСЛУЖАНЫМ ЛЮДЗЯМ КРАІНЫ
 Прэм'ер-міністр Беларусі Сяргей Сідорскі сёння ў будынку Нацыянальнай бібліятэкі ўручыў дзяржаўныя ўзнагароды заслужаным людзям краіны. Звяртаючыся да іх, Сяргей Сідорскі адзначыў: "Вашы прафесійныя веды, высокая адказнасць, арганізатарскія ўменні будуць садзейнічаць далейшаму эканамічнаму і сацыяльнаму развіццю краіны, служыць на карысць рэспублікі". Сярод узнагароджаных - работнікі будаўнічага комплексу. Паводле слоў Прэм'ер-міністра, дзякуючы стваральнай працы беларускіх будаўнікоў удалося ператварыць будіндустрыю ў галіну, якая дынамічна развіваецца.
За першы квартал бягучага года ў Беларусі ўведзена ў эксплуатацыю 1,2 млн.кв.м жылля. Пры гэтым асабліва высокімі тэмпамі ідзе будаўніцтва ў сельскай мясцовасці. Узнагародамі таксама адзначаны работнікі АПК, навукі, адукацыі і культуры. Асаблівую ўдзячнасць заслужылі банкіры. Сярод узнагароджаных і прадстаўнікі медустаноў. Важным дасягненнем беларускіх медыкаў Сяргей Сідорскі назваў паспяховае правядзенне аперацый па перасадцы печані.
Медалём "За працоўныя заслугі" ўзнагароджаны генеральны дырэктар ДНВА "Цэнтр" Уладзімір Барадаўка, першы намеснік старшыні Магілёўскага аблвыканкама Уладзімір Краўцоў, галоўны ўрач 6-й гарадской клінічнай бальніцы Мінска Віктар Гурко і іншыя.
Медаля Францыска Скарыны ўдастоены вядучы майстар сцэны Нацыянальнага акадэмічнага драматычнага тэатра імя М.Горкага Аксана Лясная, мастак-жывапісец Валерый Шкаруба, дырэктар Нацыянальнага мастацкага музея Беларусі Уладзімір Пракапцоў і іншыя.
Ганаровае званне "Заслужаны эканаміст Рэспублікі Беларусь" прысвоена першаму намесніку старшыні праўлення ААТ "ААБ Беларусбанк" Валянціне Лук'яненка. Ганаровае званне "Заслужаны работнік адукацыі Рэспублікі Беларусь" - рэктару Рэспубліканскага інстытута прафесійнай адукацыі Аркадзю Шкляру.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
|
|
|
 Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
|
| |
|
 Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
|
| |
|
 У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
|
|
|
 Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
|
|
|
 Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
|
| |
|
 У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
|
| |
|
 У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
|
|
|
17 лістапада Прэм'ер-міністр Беларусі Сяргей Сідорскі і лорд-мэр Лонданскага сіці Іан Людэр абмеркавалі магчымыя напрамкі супрацоўніцтва Беларусі і Вялікабрытаніі ў фінансавай сферы. Паводле слоў Сяргея Сідорскага, мэта гэтай сустрэчы - знайсці новыя імпульсы развіцця сектараў эканомік дзвюх краін ва ўмовах сусветнага фінансавага крызісу, наладзіць эфектыўнае супрацоўніцтва паміж бізнесам і фінансавымі інстытутамі. |
| |
|
 Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.
|
|
|
