РАБОЧАЯ ПАЕЗДКА ПРЭМ'ЕР-МІНІСТРА БЕЛАРУСІ Ў МАГІЛЁЎСКУЮ ВОБЛАСЦЬ
 Прадпрыемствы перапрацоўчай галіны Беларусі будуць поўнасцю перааснашчаны на працягу бліжэйшых 2-3 гадоў. Аб гэтым паведаміў сёння Прэм'ер-міністр Беларусі Сяргей Сідорскі пад час рабочай паездкi ў Магілёўскую вобласць. Кiраўнiк Урада знаёміўся з ходам рэалізацыі трох буйных інвестпраектаў: па будаўніцтву завода па перапрацоўцы бульбы на крухмал у ААТ "Новая Друць" Бялыніцкага раёна, рэканструкцыі і мадэрнізацыі ААТ "Быхаўскі кансервава-агароднінасушыльны завод" і КВУП "Слаўгарадскі харчавік".
Паводле слоў Сяргея Сідорскага, у Беларусі плануецца рэканструяваць 24 такія ж, як у Быхаве, вытворчасці, што прадугледжана адпаведным указам прэзідэнта. На гэтыя мэты выдзелены фінансавыя рэсурсы. "Гэта будуць сучасныя заводы замкнутага цыкла: поле - перапрацоўка - упакоўка", - адзначыў Прэм'ер-міністр.
Пры гэтым ён падкрэсліў, што цяпер галоўнае для кансервавай галіны - "увязаць вытворцу сыравіны і перапрацоўшчыка і стварыць аграхолдынгавыя структуры, якія былі б зацікаўлены пастаўляць якасную сыравіну на кансервавую вытворчасць, а перапрацоўшчыкі, у сваю чаргу, - рэалізаваўшы прадукцыю, дзяліцца часткай прыбытку з вытворцамі сыравіны".
Другая важная задача, лічыць Сяргей Сідорскі, - рэалізаваць прадукцыю, бо ў выніку перааснашчэння перапрацоўчых прадпрыемстваў яе вытворчасць павялічыцца ў Беларусі ў два разы - да 400 млн. умоўных слоікаў. "Трэба, каб наш гандаль працаваў на будучае прадпрыемства, а менеджэры, якія будуць прадаваць кансервавую прадукцыю, выходзілі на тавараправодную сетку за межамі рэспублікі", - сказаў Прэм'ер.
Папераробную машыну на заводзе газетнай паперы ў Шклове плануецца запусціць да 1 мая, паведаміў ў Слаўгарадзе Прэм'ер-міністр Сяргей Сідорскі. Цяпер ужо ўвязаны ўвесь тэхналагічны цыкл вытворчасці і набліжаецца да завяршэння наладка машыны. "У ходзе наладкі давялося не раз уносіць змяненні ў тэхналагічны працэс, прыняты два года таму праект зменены практычна на 30 працэнтаў. У выніку мы атрымалі суперсучасную вытворчасць, аналагаў якой няма ў СНД", - падкрэсліў кіраўнік Урада.
Як расказаў Сяргей Сідорскі, у свеце існуе ўсяго 10 такіх сучасных заводаў па вытворчасці газетнай паперы, у ліку якіх і беларускі. Прычым будаўніцтва завода ў Шклове каштавала на 20 працэнтаў танней, а энергаспажыванне пры вытворчасці паперы будзе зніжана прыкладна на 40 працэнтаў. Штогод на заводзе плануецца выпускаць 40 тыс.т газетнай паперы, з іх 20 тыс.т звычайнай і 20 тыс.т лёгкай мелаванай.
Камунальнае вытворчае унітарнае прадпрыемства "Слаўгарадскі харчавік" (Магілёўская вобласць) пачало мантаж асноўнага тэхналагічнага абсталявання па вытворчасці сушаных прадуктаў з выкарыстаннем сучаснай энергазберагальнай тэхналогіі сушкі інфрачырвоным выпрамяненнем. Аб гэтым паведаміў дырэктар прадпрыемства Аляксандр Самусеў.
КВУП "Слаўгарадскі харчавік" сёння наведаў прэм'ер-міністр Беларусі Сяргей Сідорскі ў час рабочай паездкі па Магілёўскай вобласці.
Паводле слоў дырэктара прадпрыемства, мантаж тэхналагічнай лініі расійскай кампаніі "Руская ежа" вядзецца паралельна з будаўніча-мантажнымі работамі, якія знаходзяцца ў стадыі завяршэння. Рэалізацыя праекта дасць магчымасць забяспечыць перапрацоўку ўсіх відаў агародніны, садавіны, зяленіва, садовых і дзікарослых ягад і наладзіць вытворчасць кампанентаў страў хуткага прыгатавання. Запланаваныя аб'ёмы вытворчасці сушанай прадукцыі складуць да 1050 т у год, з іх амаль 50 працэнтаў плануецца экспартаваць.
На ажыццяўленне інвестпраекта ўжо зрасходавана больш як Вr5 млрд., а ўсяго, з улікам будаўніцтва тут у бліжэйшай перспектыве двух сучасных агароднінасховішчаў умяшчальнасцю 1,5 тыс.т кожнае, плануецца ўкласці амаль Вr24 млрд.
Увод тэхналагічнай лініі запланаваны на снежань бягучага года. У выніку рэалізацыі праекта ў Слаўгарадзе будзе створана 130 новых рабочых месц.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.