ВЕТРАЭНЕРГЕТЫКА Ў БЕЛАРУСІ ПАВІННА РАЗВІВАЦЦА БОЛЬШ ІНТЭНСІЎНА І НА БАЗЕ ЎЖО НАКОПЛЕНАГА Ў КРАІНЕ ВОПЫТУ
 Аб гэтым заявіў Прэм'ер-міністр Беларусі Сяргей Сідорскі на пасяджэнні Прэзідыума Савета Міністраў, на якім разглядаўся праект праграмы развіцця ветраэнергетычнай галіны Беларусі на 2008-2014 гады. Сяргей Сідорскі адзначыў, што ветраўстаноўкі ўкараняюцца ў Беларусі з 2001 года і пара пераходзіць ад вышукальных работ у гэтай галіне да канкрэтных значных і маштабных праектаў. У замежных краінах дзейнічаюць тысячы ветраўстановак, а ў Беларусі, у адпаведнасці з праектам, да 2014 года прапануецца ўвесці ўсяго 10 ветраўстановак.
"Гэту лічбу неабходна павялічыць у разы, - падкрэсліў Прэм'ер-міністр. - Трэба асвойваць уласную вытворчасць ветраўстановак на базе сучасных тэхналогій і ўкараняць іх".
Кіраўнік Урада даручыў прааналізаваць накоплены ў Беларусі на гэты час вопыт па эксплуатацыі ветраўстановак і на працягу двух тыдняў дапрацаваць праект праграмы па развіццю ветраэнергетычнай галіны.
Неабходна стварыць комплексную праграму, якая будзе адлюстроўваць дзяржаўны падыход у вырашэнні пытанняў выкарыстання альтэрнатыўных крыніц энергіі, падкрэсліў Сяргей Сідорскі.
Паводле яго слоў, было дастаткова часу для вышуканняў у галіне ветраэнергетыкі ў Беларусі, і цяпер неабходна зрабіць справаздачу аб праведзенай рабоце і вызначыць дзяржаўны падыход у вырашэнні задач па развіццю альтэрнатыўных крыніц энергіі. "Праз тры гады газ будзе па цане $400. Няма чаго да 2014 года мераць скорасці ветру - бяры і ўкараняй", - падкрэсліў Прэм'ер-міністр. "Стаўце на вытворчасць мінімум 100 такіх установак. У Германіі, напрыклад, іх больш як 20 тыс.", - дадаў ён.
На думку Прэм'ер-міністра, ветраўстаноўкі, у прыватнасці, могуць укараняцца ў сельскай гаспадарцы, на малых прадпрыемствах і ў іншых сферах. "Сёння мы ствараем суперсучасныя аграрныя падыходы - трэба тут укараняць ветраўстаноўкі і дэманстраваць перадавы вопыт", - сказаў ён.
Як паведаміў старшыня Дзяржстандарту Беларусі Валерый Карашкоў, стварэнне ветраўстановак у Беларусі магутнасцю 15 МВт дасць магчымасць штогод замяшчаць амаль 13 тыс.туп імпартнага паліва. Валерый Карашкоў адзначыў, што новая праграма распрацавана ў адпаведнасці з Дырэктывай нумар 3 "Эканомія і беражлівасць - галоўныя фактары эканамічнай бяспекі дзяржавы" і накіравана на павышэнне ўзроўню энергетычнай незалежнасці за кошт выкарыстання ўласных крыніц, а таксама на актывізацыю работы па выпуску ветраэнергетычных установак (ВЭУ). Прапануецца ўдакладніць размяшчэнне пляцовак для будаўніцтва ВЭУ і стварыць схемы найбольш рацыянальнага іх размяшчэння. Паводле слоў Валерыя Карашкова, плануецца ў адпаведнасці з праектам праграмы ўвесці амаль 10 установак агульнай магутнасцю 15 МВт. Яны дадуць магчымасць сумарна выпрацоўваць амаль 44 млн.кВт.гадз электраэнергіі ў год, акупнасць такіх праектаў не перасягае 14 гадоў.
Згодна з разлікамі, ветраўстаноўка магутнасцю 1 МВт на працягу 20 гадоў дае магчымасць замясціць прыкладна 29 тыс.т вугалю. Акрамя таго, скарачаюцца выкіды вуглякіслага газу і іншых рэчываў у атмасферу. "Рэалізацыя на вугляродным рынку аб'ёмаў скарачэння выкідаў парніковых газаў ад запланаванага ветрапарку можа прыносіць дадатковы даход - за 5 гадоў паўмільёна еўра", - сказаў Валерый Карашкоў.
Ён адзначыў, што раней у Беларусі былі ўведзены нямецкія ветраўстаноўкі магутнасцю 250 кВт і 600 кВт у Мядзельскім раёне, за 2007 года імі выпрацавана 1,58 млн.кВт.гадз электраэнергіі. Каэфіцыент выкарыстання гэтых установак 25 працэнтаў, што з'яўляецца нармальным паказчыкам, дадаў ён.
Разам з тым Прэм'ер-міністр Беларусі Сяргей Сідорскі даручыў дапрацаваць прадстаўленую праграму развіцця ветраэнергетычнай галіны. "Гэта праграма павінна быць павялічана ў разы і базіравацца на выкарыстанні накопленага ў Беларусі вопыту і ведаў за мінулыя гады ў галіне ветраэнергетыкі", - падкрэсліў прэм'ер-міністр. Ён адзначыў, што ў рэспубліцы павінна быць асвоена вытворчасць уласнага ветраэнергетычнага абсталявання на базе сучасных тэхналогій.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.