ЦЭНТРАЛІЗАВАНЫЯ ЗАКУПКІ МЕТАЛАЎ У БЕЛАРУСІ БУДУЦЬ АЖЫЦЦЯЎЛЯЦЦА ПРАЗ ''БЕЛРЭСУРСЫ''
 Цэнтралізаваныя закупкі металаў у Беларусі будуць ажыццяўляцца праз адну юрыдычную асобу - ДА "Белрэсурсы". Аб гэтым паведаміў міністр гандлю Беларусі Аляксандр Іванкоў 13 мая на пасяджэнні Прэзідыума Савета Міністраў, на якім разглядалася выкананне праграмы цэнтралізаваных закупак металапрадукцыі. "Цяпер ідзе падрыхтоўчая работа да арганізацыі з 2009 года цэнтралізаваных закупак металапрадукцыі праз адну юрыдычную асобу - ДА "Белрэсурсы" - з далейшай рэалізацыяй яе праз разгалінаваную сетку металабаз асноўных пастаўшчыкоў", - сказаў ён.
Паводле слоў Аляксандра Іванкова, у самы бліжэйшы час закупкі металапрадукцыі плануецца ажыццяўляць толькі праз трох асноўных пастаўшчыкоў: ААТ "Белметал", РУП "Гомельхімгандаль" і УП "Упраўленне АРГ металапрадукцыяй". У 2008-2009 гадах будзе праведзена акцыяніраванне арганізацый - асноўных пастаўшчыкоў металапрадукцыі.
Міністр гандлю таксама праінфармаваў, што з 1 ліпеня 2008 года ў рэспубліцы будзе арганізавана работа электроннай гандлёвай пляцоўкі па рэалізацыі металапрадукцыі асноўнымі пастаўшчыкамі. Паводле яго слоў, гэта забяспечыць празрыстасць заключаных гандлёвых здзелак.
У цэлым Мінгандаль і ДА "Белрэсурсы" прымаюць меры па ўзмацненню кантролю за работай асноўных пастаўшчыкоў металапрадукцыі. Праверка іх дзейнасці праводзіцца штоквартальна. З мая 2008 года асноўным пастаўшчыкам забаронены закупкі металапрадукцыі ў пасрэдніцкіх арганізацый, нават у мінімальнай колькасці.
Гаворачы аб рэалізацыі праграмы цэнтралізаваных закупак металапрадукцыі ў Беларусі, Аляксандр Іванкоў падкрэсліў, што асноўная яе мэта - упарадкаванне абароту металапрадукцыі - выконваецца. За час дзеяння праграмы (са жніўня 2005 года) палепшылася структура імпарту металапрадукцыі. У 2007 годзе па прамых дагаворах закуплена 69 працэнтаў прадукцыі, на біржы - 19 працэнтаў, у асноўных пастаўшчыкоў - 6 працэнтаў, у пасрэднікаў - 6 працэнтаў. Пры гэтым аб'ём закупак у пасрэднікаў скараціўся ў 10 разоў.
Калі ў 2004 годзе цэны на беларускім рынку на розныя віды металапрадукцыі былі вышэйшыя, чым на расійскім, на 11-30 працэнтаў, то ў першым квартале 2008 года яны былі супастаўныя з расійскімі, адзначыў міністр. Разам з тым ён назваў пэўныя парушэнні парадку закупак. Напрыклад, не ўдалося выключыць усіх неабгрунтаваных пасрэднікаў пры закупцы металапрадукцыі (імі рэалізуецца каля 140 тыс.т металу), асобныя прадпрыемствы наўмысна скажаюць інфармацыю аб закупках.
На думку Аляксандра Іванкова, неабходны яшчэ больш строгі кантроль за дзейнасцю асноўных пастаўшчыкоў металапрадукцыі, прыняцце іншых арганізацыйных і эканамічных мер.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.