| |
БЕЛАРУСЬ І ІРАН ПАСКОРАЦЬ РЭАЛІЗАЦЫЮ ПРАЕКТА ПА РАСПРАЦОЎЦЫ НАФТАВАГА РАДОВІШЧА ДЖАФЕІР
 Беларусь чакае ад іранскага боку больш актыўных дзеянняў па рэалізацыі сумесных праектаў. Аб гэтым заявіў сёння Прэм'ер-міністр Беларусі Сяргей Сідорскі на сустрэчы з міністрам прамысловасці і шахт Ірана Алі Акбарам Мехраб'янам. Паводле слоў Сяргея Сідорскага, Іран і Беларусь павінны больш актыўна пачынаць рэалізацыю дасягнутых дамоўленасцей. "Маючы даручэнне прэзідэнта Беларусі, пры выбары партнёра мы аддалі перавагу іранскаму бізнесу. Таму мы разлічваем на такія ж адносіны з іранскім бокам, у прыватнасці, па развіццю нафтавага радовішча Джафеір", - падкрэсліў Прэм'ер-міністр.
Сяргей Сідорскі таксама нагадаў, што ёсць намеры па рэалізацыі ў Беларусі праекта вытворчасці легкавых аўтамабіляў, па выпуску грузавых аўтамабіляў у Іране. Шэраг іранскіх кампаній выказалі намер удзельнічаць у развіцці лагістыкі ў Беларусі, у прыватнасці, у СЭЗ "Мінск". Таксама ёсць зацікаўленасць у супрацоўніцтве па рэканструкцыі Нацыянальнага аэрапорта Мінск, будаўніцтву гасцінічнага комплексу. Адным з перспектыўных буйных праектаў у энергетыцы з'яўляецца будаўніцтва ГЭС у Гродне.
Прэм'ер-міністр падкрэсліў: "Настаў час вызначыцца з тэрмінамі рэалізацыі праектаў як у Іране, так і на тэрыторыі Беларусі". Таксама кіраўнік беларускага Урада адзначыў, што ў маі беларускі бок гатовы ўкласці фінансавыя сродкі ў нафтавае радовішча ў Іране і вельмі зацікаўлены, каб гэты праект рэалізоўваўся неадкладна. Сяргей Сідорскі запэўніў, што беларускі Урад прымае ўсе меры, каб намечаныя праекты ажыццявіліся ў тэрмін.
У цэлым у беларуска-іранскага супрацоўніцтва ёсць добрая платформа, падкрэсліў ён.
У сваю чаргу Алі Акбар Мехраб'ян падкрэсліў, што візіт іранскай дэлегацыі ў Беларусь надасць штуршок рэалізацыі дасягнутых раней дамоўленасцей. Сёння іранскія спецыялісты правялі ўжо два раунды перагавораў з міністрам прамысловасці Беларусі Анатолем Русецкім, вызначылі стрымліваючыя фактары і праблемныя пытанні.
Тавараабарот Беларусі і Ірана за студзень - сакавік 2008 года склаў $15,8 млн., што на 30,3 працэнта больш, чым за аналагічны перыяд мінулага года. Экспарт склаў $13,8 млн., імпарт - $2 млн. Асноўнымі артыкуламі беларускага экспарту ў Іран у мінулым годзе былі сінтэтычныя валокны, кар'ерныя самазвалы, калійныя ўгнаенні, кордныя тканіны, станкі і прыстасаванні да іх, падшыпнікі і іншая прадукцыя. З Ірана ў Беларусь у асноўным імпартаваліся камплектуючыя ў рамках зборачнай вытворчасці аўтамабіляў Samand, прадукты харчавання, вырабы з пластмас і тавары медыцынскага прызначэння.-0-
Праект па распрацоўцы вытворчым аб'яднаннем "Беларуснафта" нафтавага радовішча Джафеір у Іране атрымае паскоранае развіццё. Аб гэтым паведаміў сёння журналістам міністр прамысловасці і шахт Ірана Алі Акбар Мехраб'ян, каменціруючы вынікі яго сустрэчы з Прэм'ер-міністрам Беларусі Сяргеем Сідорскім.
"Мы дамовіліся аб паскарэнні рэалізацыі нафтавага праекта на тэрыторыі Ірана", - сказаў Алі Акбар Мехраб'ян. Пры гэтым ён адзначыў, што папярэдне праект павінен быць зацверджаны эканамічнай камісіяй Ірана, і запэўніў, што гэта адбудзецца ў бліжэйшы час.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.