| |
|
|
 Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
|
|
| |
БЕЛАРУСЬ І МАСКВА ПЛАНУЮЦЬ РЭАЛІЗАВАЦЬ ІНВЕСТПРАЕКТЫ НА 100 МЛРД. РАСІЙСКІХ РУБЛЁЎ
 Беларусь і Масква плануюць рэалізаваць больш як 15 інвестыцыйных праектаў на агульную суму амаль 100 млрд. расійскіх рублёў, паведаміў Намеснік Прэм'ер-міністра Андрэй Кабякоў сёння на пасяджэнні Савета дзелавога супрацоўніцтва Беларусі і Масквы. Гэтыя праекты знаходзяцца на стадыі прапрацоўкі. Аб'ём інвестыцыйнага партфеля сувымерны з узроўнем тавараабароту паміж Беларуссю і расійскай сталіцай у мінулым годзе, які склаў $4,4 млрд. Па выніках гэтага года прадугледжваецца давесці гэты паказчык да $5 млрд.
У 2008 годзе завяршаецца рэалізацыя праграмы супрацоўніцтва, якая пачалася ў 2006 годзе. Таму на сённяшнім пасяджэнні папярэдне зацверджаны індыкатыўныя параметры прагнозу ўзаемных паставак на 2009-2013 гады. Разам з тым Андрэй Кабякоў і намеснік мэра Масквы Валерый Вінаградаў даручылі міністэрствам і ведамствам дапрацаваць гэтыя параметры, паставіць больш высокія задачы. Паводле разлікаў спецыялістаў, гэта дасць магчымасць давесці тавараабарот паміж Беларуссю і Масквой да 2013 года да 180 млрд. расійскіх рублёў. Плануецца пашырыць асартымент тавараў, павялічыць долю высокатэхналагічнай і навукаёмістай прадукцыі ў гандлі.
Прагнозныя паказчыкі, устаноўленыя на бягучы год, выконваюцца. Гэтаму садзейнічаюць і кантакты, якія эфектыўна падтрымліваюць непасрэдна прэфектуры маскоўскіх акруг, Мінгарвыканкам, аблвыканкамы Беларусі. Рэгулярна праходзяць дзелавыя сустрэчы, праводзяцца выстаўкі і кірмашы, адкрываюцца новыя беларускія гандлёвыя дамы ў Маскве. Лідзіруе ў гэтай дзейнасці Мінск, Віцебская і Магілёўская вобласці.
Пашыраецца супрацоўніцтва ў гуманітарнай і сацыяльнай сферах. На міжнародным фестывалі мастацтваў "Славянскі базар у Віцебску" пройдзе Дзень Масквы. У 2009 годзе ў Маскве плануецца правесці Дні Беларусі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
|
|
|
 Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
|
| |
|
 Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
|
| |
|
 У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
|
|
|
 Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
|
|
|
 Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
|
| |
|
 У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
|
| |
|
 У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
|
|
|
17 лістапада Прэм'ер-міністр Беларусі Сяргей Сідорскі і лорд-мэр Лонданскага сіці Іан Людэр абмеркавалі магчымыя напрамкі супрацоўніцтва Беларусі і Вялікабрытаніі ў фінансавай сферы. Паводле слоў Сяргея Сідорскага, мэта гэтай сустрэчы - знайсці новыя імпульсы развіцця сектараў эканомік дзвюх краін ва ўмовах сусветнага фінансавага крызісу, наладзіць эфектыўнае супрацоўніцтва паміж бізнесам і фінансавымі інстытутамі. |
| |
|
 Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.
|
|
|
