АБМЕРКАВАНЫ ПЫТАННІ ФАРМІРАВАННЯ ПРАЕКТА БЮДЖЭТУ БЕЛАРУСІ НА 2009 ГОД
 Пытанні фарміравання праекта бюджэту Беларусі на 2009 год абмеркаваны 3 чэрвеня ў час сустрэчы Прэзідэнта Рэспублікі Беларусь Аляксандра Лукашэнкі і Прэм'ер-міністра краіны Сяргея Сідорскага, паведамiла прэс-служба Прэзідэнта Рэспублікі Беларусь. Параметры бюджэту Беларусі на 2009 год закладваюцца зыходзячы з плануемага тэмпу росту ВУП на ўзроўні не ніжэй як 110-112 %, а таксама інфляцыі ў межах 9-11 %. Прадугледжваецца, што даходная частка бюджэту будучага года ў параўнанні з 2008 годам павялічыцца на 20 %.
Аляксандр Лукашэнка даручыў Ураду аптымізаваць расходы бюджэту 2009 года: у параўнанні з 2008-м яны павінны павялічыцца не больш як на 10 %.
Для далейшага развіцця рэальнага сектара эканомікі краіны Урад прапануе знізіць у 2009 годзе падатковую нагрузку на эканоміку на 1,2 працэнтнага пункта да ВУП. У выніку гэтага ў распараджэнні прадпрыемстваў дадаткова застанецца Br1,4 трлн.
Прэзідэнт Беларусі, звяртаючыся ў красавіку з Пасланнем да беларускага народа і Нацыянальнага сходу, паставіў задачу Ураду забяспечыць у 2010 годзе ў краіне сярэднюю заработную плату ў бюджэтнай сферы на ўзроўні $700 у эквіваленце. Зыходзячы з гэтых крытэрыяў да канца 2008 года заработная плата ў бюджэтнай сферы будзе складаць амаль $430, да канца 2009 года - $550. Пры гэтым сярэдняя заработная плата ў цэлым па рэальнаму сектару эканомікі да канца 2009 года дасягне $600-630 у эквіваленце.
Аляксандр Лукашэнка даручыў у 2009 годзе забяспечыць таксама фінансаванне ў поўным аб'ёме ўсіх сацыяльных праграм, асаблівую ўвагу ўдзяляючы павышэнню пенсій. Яны павінны расці такімі ж тэмпамі, як і заработная плата. Прэзідэнт запатрабаваў выконваць гэта няўхільна. Сяргей Сідорскі паведаміў, што да канца гэтага года адбудзецца яшчэ адно павышэнне пенсій у краіне.
Што датычыцца пытанняў росту цэн на імпартуемыя энерганосьбіты, то пры фарміраванні бюджэту на 2009 год Урад Беларусі зыходзіць з таго, што кошт расійскага газу для Беларусі будзе знаходзіцца ў межах $140 за 1 тыс.куб.м. Сяргей Сідорскі нагадаў, што Расія перанесла пераход на роўнадаходныя з экспартнымі цэны на газ унутры краіны на больш позні тэрмін. Прэм'ер-міністр праінфармаваў Кіраўніка дзяржавы аб тым, што гэтыя пытанні будуць абмяркоўвацца 27 чэрвеня на чарговым пасяджэнні Савета Міністраў Саюзнай дзяржавы. На сустрэчы плануецца таксама разгледзець пытанні інтэграцыі дзвюх краін, саюзнай уласнасці, забеспячэння роўных правоў грамадзян.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.