| |
БЕЛАРУСЬ РАЗГЛЯДАЕ УЗБЕКІСТАН ЯК ВАЖНАГА ЭКАНАМІЧНАГА ПАРТНЁРА Ў ЦЭНТРАЛЬНАЙ АЗІІ
 Беларусь разглядае Узбекістан як важнага эканамічнага партнёра ў Цэнтральнай Азіі. Аб гэтым заявіў сёння Намеснік Прэм'ер-міністра Беларусі Андрэй Кабякоў на пасяджэнні сумеснай міжурадавай камісіі па двухбаковаму супрацоўніцтву паміж Узбекістанам і Беларуссю, якое праходзіць у Мінску. З узбекскага боку камісію ўзначальвае Намеснік Прэм'ер-міністра Рэспублікі Узбекістан, кіраўнік комплексу Кабінета міністраў Узбекістана па пытаннях камунальнай сферы, транспарту, капітальнага будаўніцтва і будіндустрыі Надзірхон Ханаў. Як адзначыў Андрэй Кабякоў, за апошнія гады тавараабарот паміж Беларуссю і Узбекістанам дынамічна развіваецца.
Калі 5 гадоў таму ён складаў не больш як $30 млн., то па выніках 2007 года тавараабарот дасягнуў амаль $115 млн. На думку Андрэя Кабякова, "гэта абнадзейлівая дынаміка, і работа сумеснай камісіі будзе садзейнічаць умацаванню адносін, абагаціўшы змест нашага супрацоўніцтва, забяспечыўшы выхад на новы ўзровень узаемавыгадных кантактаў".
Узбекістан прапануе стварыць сумесныя прадпрыемствы з Беларуссю ў сферы сельгасмашынабудавання, жывёлагадоўлі, фармацэўтыкі. Аб гэтым заявіў сёння ў Мінску Намеснік Прэм'ер-міністра Рэспублікі Узбекістан, кіраўнік комплексу Кабінета міністраў Узбекістана па пытаннях камунальнай сферы, транспарту, капітальнага будаўніцтва і будіндустрыі Надзірхон Ханаў на пасяджэнні сумеснай беларуска-ўзбекскай камісіі па двухбаковаму супрацоўніцтву.
Ён адзначыў, што цяпер ва Узбекістане дзейнічаюць 80 прадпрыемстваў з беларускім капіталам і 6 СП Беларусі з узбекскім. "Але патэнцыял дзяржаў у гэтым напрамку не вычарпаны. Дасягнутыя вынікі не з'яўляюцца мяжой. Мы можам вызначыць канкрэтныя напрамкі ўзаемавыгаднага супрацоўніцтва ў новых сферах", - падкрэсліў узбекскі віцэ-прэм'ер. Надзірхон Ханаў таксама адзначыў, што рэжым свабоднага гандлю паміж Беларуссю і Узбекістанам даў магчымасць за апошні час дасягнуць значнага росту тавараабароту.
Як адзначыў Надзірхон Ханаў, "нашы краіны з'яўляюцца традыцыйнымі партнёрамі, якіх звязваюць шматгадовыя гандлёва-эканамічныя, навукова-тэхнічныя, культурныя сувязі". Ва ўсіх напрамках вядзецца канструктыўны дыялог, накіраваны на актыўнае развіццё двухбаковых адносін.
Сёння Беларусь і Узбекістан актыўна будуюць адносіны як на двухбаковай аснове, так і ў рамках міжнародных эканамічных структур. Узаемадзеянне дзелавых колаў дзвюх краін таксама напаўняе дынамікай гандаль паміж Беларуссю і Узбекістанам. Цяпер умацоўваюцца сувязі і ў навукова-тэхнічнай сферы, ахове здароўя, адукацыі, культуры, падкрэсліў узбекскі віцэ-прэм'ер. Пры гэтым ён лічыць, што бакам неабходна больш актыўна выкарыстоўваць навукова-тэхнічны патэнцыял. Узбекістан гатовы прапанаваць Беларусі шырокі спектр прадукцыі, абсталявання і тэхналогій, што карыстаюцца попытам на беларускім рынку.
"Нашы краіны з'яўляюцца цэнтрамі навуковай думкі ў рэгіянальным і сусветным маштабах", - лічыць Надзірхон Ханаў. Ён сказаў, што ва Узбекістане добра вядомы дасягненні Беларусі ў галіне распрацоўкі новых матэрыялаў, даследаванні ў сферы матэрыялазнаўства, фізікі, інфарматыкі, энергазберагальных тэхналогій, выкарыстанне нетрадыцыйных крыніц энергіі ў сельскай гаспадарцы.
Развіццю супрацоўніцтва будзе садзейнічаць і рэалізацыя новых праектаў у сельгасмашынабудаванні. Узбекскі бок таксама прапануе стварыць сумесныя прадпрыемствы па вырошчванню племянной жывёлы і распрацоўцы ветэрынарных прэпаратаў. У галіне фармацэўтыкі можна стварыць сумесныя вытворчасці лекавых сродкаў і прэпаратаў. На думку Надзірхона Ханава, у гэтых галінах "у нас ёсць традыцыйны зачын і напрацоўкі, якія мы можам развіваць і ўдасканальваць".
Яшчэ адным напрамкам двухбаковага супрацоўніцтва бакі бачаць актыўнае развіццё турызму.
Па выніках 2007 года Узбекістан займаў пятае месца як па аб'ёму знешняга гандлю Рэспублікі Беларусь з краінамі СНД, так і па экспарту. У 2007 годзе тавараабарот Беларусі з Узбекістанам узрос у параўнанні з 2006 годам на 62,7 працэнта і склаў $114,6 млн. Экспарт дасягнуў $93,1 млн. і павялічыўся на 71,6 працэнта, імпарт - $21,6 млн. (рост на 33,2 працэнта). Сальда дадатнае - $71,4 млн.
У студзені-красавіку 2008 года тавараабарот паміж Беларуссю і Узбекістанам павялічыўся ў параўнанні з аналагічным перыядам 2007 года на 40,3 працэнта да $44,04 млн. Экспарт узрос на 33,6 працэнта і склаў $34,6 млн., імпарт - на 71,3 працэнта да $9,5 млн. Сальда дадатнае - $25,1 млн.
На рынак Узбекістана з Беларусі экспартуюцца ў асноўным тавары з высокай ступенню апрацоўкі і высокатэхналагічная прадукцыя: грузавыя аўтамабілі, трактары, вырабы з драўніны, машыны і абсталяванне, бытавая тэхніка, лекавыя сродкі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.