БЕЛАРУСЬ У БЛІЖЭЙШЫ ЧАС АДКРЫЕ ГАНДЛЁВАЕ ПРАДСТАЎНІЦТВА Ў САМАРСКАЙ ВОБЛАСЦІ
 Беларусь у бліжэйшы час адкрые гандлёвае прадстаўніцтва ў Самарскай вобласці Расіі. Аб гэтым паведаміў Прэм'ер-міністр Беларусі Сяргей Сідорскі сёння на сустрэчы з губернатарам - Старшынёй Урада Самарскай вобласці Уладзімірам Арцяковым. На думку Сяргея Сідорскага, гэта будзе садзейнічаць далейшаму паглыбленню гандлёва-эканамічных адносін паміж Беларуссю і Самарскай вобласцю. Кіраўнік беларускага Урада нагадаў аб сваім візіце ў гэты расійскі рэгіён у 2005 годзе. "У мяне тады шчыры інтарэс выклікаў завод у Тальяці", - дадаў прэм'ер.
У цэлым, канстататаваў Сяргей Сідорскі, узаемныя пастаўкі прадукцыі Беларусі і Самарскай вобласці ідуць актыўна. У 2007 годзе тавараабарот паміж бакамі склаў каля $400 млн., у студзені-красавіку гэтага года - больш як $300 млн. і ў параўнанні з аналагічным перыядам мінулага года павялічыўся ў тры разы. Найбольшую долю ў пастаўках з Самарскай вобласці займае нафта і нафтапрадукты. "Але самае галоўнае, што ёсць зрухі ў пастаўках складанай тэхнікі, якая вырабляецца ў Самарскай вобласці і Беларусі", - адзначыў Прэм'ер-міністр.
Ён таксама закрануў нядаўнюю сустрэчу ў Брэсце Прэзідэнтаў Беларусі і Расіі, на якой ішла гаворка аб развіцці кааперацыйных сувязей паміж беларускімі і расійскімі прадпрыемствамі, неабходнасці адыходу ад прамых кантрактаў, дагавораў. "Такім чынам, мы будзем ствараць новыя прамысловыя вытворчасці ў Самарскай вобласці. Ёсць шэраг цікавых праектаў", - сказаў Сяргей Сідорскі.
У час свайго візіту ў Беларусь члены дэлегацыі Самарскай вобласці маюць намер наведаць некалькі беларускіх прадпрыемстваў, што дасць магчымасць адкрыць новыя магчымасці для развіцця кантактаў паміж суб'ектамі гаспадарання. "Я думаю, у нас ёсць добры патэнцыял для далейшага развіцця, які мы заклалі ў мінулыя гады", - лічыць кіраўнік беларускага Урада.
Як заявіў сёння губернатар - Старшыня Урада Самарскай вобласці Уладзімір Арцякоў пасля сустрэчы з Прэм'ер-міністрам Беларусі Сяргеем Сідорскім, Самарская вобласць запрашае беларускія прадпрыемствы прыняць удзел у рэалізацыі праектаў у рэгіёне.
"Мы наведалі беларускія прадпрыемствы, якія маглі б удзельнічаць у буйных праектах, аб'яўленых у вобласці. Гэта два прамысловыя тэхналагічныя паркі - Самарскі і Тальяцінскі", - сказаў ён.
Паводле слоў Уладзіміра Арцякова, цяпер бакі выйшлі на новы этап развіцця. "Усе раней дасягнутыя дамоўленасці паміж Беларуссю і Самарскай вобласцю паэтапна рэалізуюцца. У далейшым мы будзем арыентавацца на такія ж тэмпы работы", - падкрэсліў губернатар.
Уладзімір Арцякоў лічыць вельмі важным адкрыццё ў Самарскай вобласці гандлёвага прадстаўніцтва Беларусі. "Кантакты будуць мець больш прамы характар. Акрамя таго, нам ёсць чаму павучыцца ў Беларусі", - адзначыў ён. Самарская вобласць зацікаўлена ў пастаўках дарожнай, камунальнай, сельскагаспадарчай тэхнікі, аўтамабільнага транспарту, якія вырабляюцца ў Беларусі.
"Таксама ёсць ідэі стварыць на тэрыторыі Самарскай вобласці сумесныя вытворчасці. Я лічу, што трэба пераходзіць да іх практычнага ўвасаблення. Перакананы, мы зможам гэта зрабіць", - падкрэсліў Уладзімір Арцякоў.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.