| |
БЕЛАРУСЬ І ТУРЦЫЯ МАЮЦЬ ВЯЛІКІ ПАТЭНЦЫЯЛ ДЛЯ ПАВЕЛІЧЭННЯ ТАВАРААБАРОТУ
 Беларусь і Турцыя маюць вялікі патэнцыял для павелічэння тавараабароту. Аб гэтым заявіў Першы намеснік Прэм'ер-міністра Беларусі Уладзімір Сямашка на сустрэчы з турэцкай дэлегацыяй, якую ўзначальвае дзяржсакратар па знешняму гандлю Тунджэр Каялар. "За 5 гадоў наш тавараабарот павялічыўся у 4 разы, але гэтая лiчба адносная. Зо 2007 год ён склаў $260 млн., гэта вельмі мала для такіх краін, як Беларусь і Турцыя", - падкрэсліў першы віцэ-прэм'ер. "З другога боку, у краін ёсць вялікі патэнцыял для таго, каб павялічыць аб'ём тавараабароту ў разы літаральна на працягу 2-3 гадоў.
Цяпер настаў той спрыяльны перыяд, калі мы можам гэта зрабіць сапраўды хутка і эфектыўна", - адзначыў Уладзімір Сямашка.
Уладзімір Сямашка таксама паведаміў, што эканоміка Беларусі развіваецца актыўна. Апошнія 4 гады ВУП павялічваўся ў сярэднім на 9,7 працэнта, у гэтым годзе прырост складзе 10,4 працэнта. Тэмп росту ВУП на ўзроўні 110-111 працэнтаў плануецца захаваць і ў бліжэйшыя гады. Сярэдні тэмп росту інвестыцый у асноўны капітал захоўваецца на ўзроўні 125 працэнтаў штогод.
"Такія тэмпы эканамічнага развіцця сведчаць аб тым, што эканоміка Беларусі вельмі ўспрымальная для павелічэння тавараабароту, паступлення інвестыцыйнага капіталу", - сказаў першы віцэ-прэм'ер. Ён таксама адзначыў актыўнасць турэцкіх бізнесменаў і паведаміў аб тым, што цяпер у стадыі распрацоўкі знаходзяцца па меншай меры 4 беларуска-турэцкія інвестыцыйныя праекты.
Аб'ём беларуска-турэцкага тавараабароту за 2007 год склаў $206,8 млн. і павялічыўся ў параўнанні з 2006 годам на 35 працэнтаў. Экспарт вырас на 75,3 працэнта, імпарт - на 21,4 працэнта. У 2008 годзе ўпершыню за апошнія 5 гадоў Беларусь выйшла на ўстойлівае дадатнае сальда ў гандлі з Турцыяй, якое склала па выніках студзеня-красавіка $17,2 млн. (за аналагічны перыяд 2007 года сальда было адмоўнае - $12,7 млн.). Да 90 працэнтаў беларускага экспарту ў Турцыю складаюць стальныя загатоўкі, калійныя ўгнаенні, ільняныя тканіны, сінтэтычныя і штучныя ніці, сінтэтычныя валокны.
У Беларусі на 1 студзеня 2008 года было зарэгістравана 27 прадпрыемстваў з удзелам турэцкага капіталу, у тым ліку 4 сумесныя кампаніі і 23 замежныя.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.