| |
ВЫЗНАЧАНЫ ПЕРАЛІК ПРАДУКЦЫІ, ЭКСПАРТ ЯКОЙ МОЖА БЫЦЬ АБМЕЖАВАНЫ АБО ЗАБАРОНЕНЫ Ў БЕЛАРУСІ
 Урад Беларусі зацвердзіў пералік найважнейшых харчовых і іншых тавараў, адносна якіх могуць быць устаноўлены часовыя абмежаванні або забарона на экспарт для прадухілення або змяншэння іх крытычнага недахопу на ўнутраным рынку. Рашэнне аб гэтым змяшчаецца ў пастанове Савета Міністраў нумар 1001 ад 10 ліпеня бягучага года, якая ўступае ў сілу пасля яе афіцыйнага апублікавання. Каменціруючы асноўныя палажэнні дакумента, у галоўным упраўленні знешнеэканамічнай дзейнасці Міністэрства гандлю Беларусі адзначылі, што зацверджаны пералік харчовых і іншых экспартуемых тавараў дасць магчымасць дакладна кантраляваць рэалізацыю гэтых тавараў і не дапусціць іх дэфіцыту на ўнутраным рынку.
"Гэтыя меры звязаны з выкананнем патрабаванняў па забеспячэнню харчовай бяспекі краіны", - падкрэслілі ў Мінгандлі. Пералік узгоднены з Мінсельгасхарчам.
Класіфікацыя тавараў прыведзена ў поўную адпаведнасць з Таварнай наменклатурай знешнеэканамічнай дзейнасці Рэспублікі Беларусь.
У пералік найважнейшых харчовых тавараў, адносна якіх могуць быць уведзены часовыя абмежаванні або забарона на экспарт, увайшлі: мяса буйной рагатай жывёлы свежае або ахалоджанае, а таксама замарожанае, свініна свежая і ахалоджаная, бараніна або казляціна свежая і ахалоджаная, малако і вяршкі нязгушчаныя і без дабаўлення цукру або іншых падсалоджваючых рэчываў, малако і вяршкі згушчаныя з дабаўленнем цукру і іншых падсалоджваючых рэчываў; амаль усе злакавыя (пшаніца, меслін, жыта, ячмень, авёс, кукуруза, грэчка, проса), а таксама мука пшанічная або пшанічна-жытняя, крупы, мука грубага памолу і гранулы з зерня злакаў, зерне злакаў апрацаванае іншымі спосабамі (напрыклад, лушчанае, плюшчанае, перапрацаванае ў шматкі, абдзёртае ў выглядзе сечкі або драблёнае), акрамя рысу таварнай пазіцыі 1006; зародкі зерня злакаў, цэлыя, плюшчаныя ў выглядзе шматкоў або молатыя. Упершыню ўключаны соевыя зярняты, драблёныя і недраблёныя, а таксама семя рапсу, сланечніка драблёнае і недраблёнае. У гэты пералік увайшлі таксама соевы алей або яго фракцыі, нерафінаваны і рафінаваны, але без змянення хімічнага саставу, а таксама алей сланечнікавы, рапсавы або гарчычны, рафінаваны або нерафінаваны, але без змянення хімічнага саставу.
Таксама ўключана прадукцыя, якая выкарыстоўваецца для кармоў жывёлы, неапрацаваныя скуры буйной рагатай жывёлы, лён мяты, трапаны, часаны або апрацаваны якім-небудзь іншым спосабам, але не прадзены.
Пры змяненні сітуацыі на ўнутраным рынку гэты пералік можа быць дапоўнены або зменены.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.