У БЕЛАРУСІ НЕАБХОДНА ЗАБЯСПЕЧЫЦЬ ЯКАСЦЬ І ЗАХАВАНАСЦЬ АГАРОДНІННАЙ ПРАДУКЦЫІ НА МІЖСЕЗОННЫ ПЕРЫЯД
 У Беларусі неабходна забяспечыць якасць і захаванасць агародніннай прадукцыі на міжсезонны перыяд. Аб гэтым заявіў Прэм'ер-міністр Сяргей Сідорскі на нарадзе Прэзідыума Савета Міністраў, на якім разглядаўся ход выканання праграмы забеспячэння патрэбнасцей рэспублікі ў агародніннай прадукцыі айчыннай вытворчасці з улікам стварэння неабходных умоў яе захоўвання на 2006-2010 гады. У бягучым годзе ў сельскагаспадарчых і іншых арганізацыях рэспублікі плануецца сабраць 335 тыс.т агародніны.
"Важнасць заключаецца ў тым, каб не толькі сабраць прадукцыю, але і забяспечыць яе захаванасць, - сказаў Сяргей Сідорскі. - Мы павінны максімальна захаваць яе, каб не паўтараць памылак мінулых гадоў, калі ў красавіку не хапала агародніны беларускай вытворчасці".
Паводле слоў Прэм'ера, Урадам прыняты шэраг дакументаў, ёсць таксама даручэнне Кіраўніка дзяржавы па актывізацыі работы над стварэннем стабілізацыйных фондаў і агароднінасховішчаў. Асаблівую ўвагу гэтым пытанням павінны ўдзяляць у рэгіёнах. У адпаведнасці з просьбамі абласцей ва ўрадзе прыняты рашэнні, якія абмяжоўваюць пастаўку імпартнай агародніннай прадукцыі ў Беларусь. "Важна, каб агароднінная прадукцыя, якая вырабляецца ўнутры краіны, адпавядала еўрапейскім стандартам. Насельніцтва павінна атрымліваць якасны беларускі прадукт", - падкрэсліў Сяргей Сідорскі. Адпаведным чынам павінна быць арганізавана і работа гандлёва-рознічнай сеткі.
Беларусь плануе поўнасцю адысці ад імпарту морквы і сталовых буракоў, а таксама некаторых іншых відаў агародніны. Аб гэтым заявіў міністр сельскай гаспадаркі і харчавання Сямён Шапіра на пасяджэнні Прэзідыума Савета Міністраў Беларусі.
Сямён Шапіра адзначыў, што ў Беларусі будзе зніжацца імпарт агародніннай прадукцыі за кошт рэалізацыі комплексу мер па вырошчванню ранняй агародніны. "Мы павінны поўнасцю адысці ад імпарту морквы ў 2009 годзе, сталовых буракоў, кабачкоў, спаржавай фасолі. Увоз у рэспубліку цыбулі таксама практычна павінен быць выключаны", - падкрэсліў міністр. У выніку застанецца вельмі вузкае кола імпартуемай агародніннай прадукцыі, напрыклад, захаваецца імпарт памідораў у студзені-лютым.
Паводле разлікаў Мінсельгасхарча, імпарт агародніны ў цэлым павінен скараціцца на 29 тыс.т супраць 58 тыс.т у бягучым годзе.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Эканомікам Беларусі, Расіі і Казахстана трэба пераадольваць сусветны крызіс сумеснымі намаганнямі. Аб гэтым заявіў Прэм'ер-міністр Беларусі Сяргей Сідорскі ў Жодзіне ў час наведвання Беларускага аўтамабільнага завода. На сённяшні дзень узаемадапаўняльнасць эканомік Беларусі і Расіі складае ад 60 працэнтаў да 90 працэнтаў па асобных відах кааперацыі. "Цяпер спыніліся расійскія ГАЗ, КамАЗ і гродзенскія прадпрыемствы, што ўваходзяць у ААТ "Белкард", якія пастаўляюць у Расію камплектуючыя", - канстатаваў Прэм'ер.
Тром самым буйным зверагадоўчым гаспадаркам спажыўкааперацыі ў 2009 годзе будуць прадастаўлены льготныя крэдыты для гадоўлі пушных звяроў. Рашэнне аб гэтым змяшчаецца ў Пастанове Савета Міністраў нумар 1997.
Урад Беларусі ўстанавіў з 1 студзеня 2009 года новы памер мінімальнай заработнай платы (МЗП).
У адпаведнасці з Пастановай Саўміна нумар 2020 месячная мінімальная заработная плата ўстаноўлена ў памеры Br229 тыс. 700, пагадзінная мінімальная заработная плата - у памеры Br1 тыс. 360.
У Беларусі вытворчасць кукурузнага крухмалу і патакі павінна быць забяспечана айчыннай сыравінай. Аб гэтым заявіў Прэм'ер-міністр Сяргей Сідорскі сёння на адкрыцці цэха па вытворчасці кукурузнага крухмалу і патакі ў РУВП "Экзон-глюкоза" (Брэсцкая вобласць).
Канцэрн "Белнафтахім" скароціць тэрміны разгляду заяў на размяшчэнне складоў нафтапрадуктаў і аўтазаправачных станцый на тэрыторыі рэспублікі. Адпаведнае рашэнне змяшчаецца ў Пастанове Савета Міністраў Беларусі нумар 2004 ад 22 снежня.
Урад Беларусі Пастановай нумар 1954 зацвердзіў Комплексны план развіцця льняной галіны да 2010 года.Каменціруючы асноўныя палажэнні дакумента, намеснік міністра сельскай гаспадаркі і харчавання Васіль Паўлоўскі паведаміў, што ў яго ўвайшлі ўсе прапановы Мінсельгасхарча па аздараўленню льняной галіны.
Сродкі фонду нацыянальнага развіцця будуць выкарыстаны для падтрымкі экспартаарыентаваных прадпрыемстваў. Аб гэтым заявіў Прэм'ер-міністр Беларусі Сяргей Сідорскі на пасяджэнні Прэзідыума Савета Міністраў, дзе абмяркоўваліся меры па забеспячэнню стабільнай работы валаўтваральных і іншых прадпрыемстваў Беларусі.
У 2009 годзе ў Беларусі будзе пабудавана 6 млн.кв.м жылля. Адпаведнае рашэнне змяшчаецца ў Пастанове Урада нумар 1982/19 ад 19 снежня.
Прэм'ер-міністр Беларусі Сяргей Сідорскі лічыць неабходным паскорыць пераход у разліках паміж суб'ектамі гаспадарання Беларусі і Расіі на рэгіянальную валюту. Аб гэтым кіраўнік беларускага Урада заявіў 20 снежня на сустрэчы са Старшынёй дзяржаўнай карпарацыі "Банк развіцця і знешнеэканамічнай дзейнасці (Знешэканомбанк)" (РФ) Уладзімірам Дзмітрыевым.
Усе работы на аб'екце "Нацыянальны акадэмічны Вялікі тэатр оперы і балета Рэспублікі Беларусь" павінны быць завершаны да 20 лютага 2009 года. Такую задачу паставіў сёння ў час наведвання рэканструюемага будынка тэатра Прэм'ер-міністр Беларусі Сяргей Сідорскі.
Беларусь вітае любых інвестараў з канкрэтнымі планамі па тэрмінах рэалізацыі праектаў і фінансаванню, сказаў у інтэрв'ю карэспандэнту БЕЛТА Намеснік Прэм'ер-міністра Беларусі Віктар Бура.