БЕЛАРУСЬ ЗАЦІКАЎЛЕНА Ў ПАЎНАЦЭННЫМ І ПРАГМАТЫЧНЫМ СУПРАЦОЎНІЦТВЕ З ЕС З УПОРАМ НА ЭКАНАМІЧНЫ СКЛАДАЛЬНІК
 Беларускі бок усведамляе неабходнасць прадаўжэння работы над так званымі дамашнімі заданнямі, акрэсленымі ў дыялогу з ЕС, і разлічвае на адэкватныя дзеянні ў адказ з боку Еўрасаюза. Аб гэтым заявіў Намеснік Прэм'ер-міністра Беларусі Андрэй Кабякоў на сустрэчы з намеснікам генеральнага дырэктара па знешніх сувязях Еўракамісіі Х'ю Мінгарэлі. "Мы ў цэлым станоўча ацэньваем рашэнне ЕС аб прыпыненні візавых абмежаванняў і аднаўленні кантактаў з беларускімі ўладамі. Разам з тым мы разглядаем гэтыя рашэнні як прамежкавыя на шляху да ўстанаўлення поўнамаштабнага супрацоўніцтва Беларусі і ЕС", - адзначыў Андрэй Кабякоў.
Пры гэтым ён падкрэсліў, што Беларусь зацікаўлена ў паўнацэнным і прагматычным супрацоўніцтве з ЕС з упорам на эканамічны складальнік.
Паводле слоў Андрэя Кабякова, апошнія крокі Беларусі і ЕС адкрываюць новую старонку ў двухбаковых адносінах. "Гэта, на наш погляд, было своечасова, таму што ўзровень знешнеэканамічных адносін гаворыць сам за сябе", - сказаў ён і праінфармаваў, што 32 працэнты знешнегандлёвага абароту і 44 працэнты беларускага экспарту прыпадае на краіны ЕС.
Віцэ-прэм'ер канстатаваў, што апошнім часам здымаюцца абмежаванні, бар'еры ў двухбаковым супрацоўніцтве. "Мы спадзяёмся, што гэты працэс будзе набіраць сілу", - сказаў ён.
Еўракамісія ініцыіруе пачаць супрацоўніцтва з Беларуссю па трох новых галінах. Гэта рэгуляванне якасці прадукцыі і стандартызацыі, узаемадзеянне фінансавых службаў, сельскагаспадарчая і харчовая бяспека. Аб гэтым паведаміў намеснік генеральнага дырэктара па знешніх сувязях Еўракамісіі Х'ю Мінгарэлі на сустрэчы з віцэ-прэм'ерам Беларусі Андрэем Кабяковым.
"Гэта будзе нашым першым крокам па аднаўленню паўнацэнных адносін з вашай краінай. Беларусь - настолькі важны для нас сусед, што мы гатовы зрабіць намнога больш, каб гэта стала магчымым", - адзначыў намеснік генеральнага дырэктара па знешніх сувязях Еўракамісіі.
Паводле слоў Х'ю Мінгарэлі, сёлетні яго візіт у Беларусь з'яўляецца працягам развіцця тых рашэнняў, якія былі прыняты Саветам ЕС, міністрамі замежных спраў ЕС тры тыдні таму. "Наша палітычнае кіраўніцтва прыняло рашэнне аднавіць кантакты і часткова прыпыніць санкцыі, якія былі ўведзены ў адносінах да Беларусі некалькі гадоў таму, а таксама развіваць тэхнічнае супрацоўніцтва з вашай краінай па шэрагу напрамкаў узаемнага інтарэсу. Наша прысутнасць сёння тут - сведчанне таго, што мы гатовы і далей прытрымлівацца сваіх абавязацельстваў", - адзначыў ён.
Намеснік генеральнага дырэктара па знешніх сувязях Еўракамісіі таксама падкрэсліў, што будзе зроблена ўсё для таго, каб прадаўжаць развіццё супрацоўніцтва Беларусі і ЕС у галіне энергетыкі, транспарту, аховы навакольнага асяроддзя, узаемадзеяння мытных службаў.
Разам з тым Еўрасаюз чакае ад беларускага боку крокаў у асобных галінах. "У бліжэйшыя 6 месяцаў мы маем намер падтрымліваць пастаянны дыялог з уладамі Беларусі, каб абмяркоўваць пытанні развіцця сістэмы няўрадавых арганізацый, удасканалення выбарчага заканадаўства, заканадаўства ў галіне аховы працы", - праінфармаваў ён. Паводле слоў Х'ю Мінгарэлі, гэта будзе садзейнічаць пераўтварэнням у Беларусі, правядзенне якіх дасць магчымасць наблізіць Беларусь па асобных пазіцыях да еўрапейскіх норм.
"У нас ёсць сур'ёзныя палітычныя намеры развіваць адносіны з вашай краінай, каб Беларусь магла стаць паўнацэнным удзельнікам еўрапейскай палітыкі суседства, у рамках якой мы маглі б развіваць нашы гандлёва-эканамічныя ўзаемаадносіны. Мы маглі б таксама зрабіць захады па аблягчэнню перамяшчэння людзей праз граніцу, развіццю міжасобасных кантактаў", - праінфармаваў Х'ю Мінгарэлі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Эканомікам Беларусі, Расіі і Казахстана трэба пераадольваць сусветны крызіс сумеснымі намаганнямі. Аб гэтым заявіў Прэм'ер-міністр Беларусі Сяргей Сідорскі ў Жодзіне ў час наведвання Беларускага аўтамабільнага завода. На сённяшні дзень узаемадапаўняльнасць эканомік Беларусі і Расіі складае ад 60 працэнтаў да 90 працэнтаў па асобных відах кааперацыі. "Цяпер спыніліся расійскія ГАЗ, КамАЗ і гродзенскія прадпрыемствы, што ўваходзяць у ААТ "Белкард", якія пастаўляюць у Расію камплектуючыя", - канстатаваў Прэм'ер.
Тром самым буйным зверагадоўчым гаспадаркам спажыўкааперацыі ў 2009 годзе будуць прадастаўлены льготныя крэдыты для гадоўлі пушных звяроў. Рашэнне аб гэтым змяшчаецца ў Пастанове Савета Міністраў нумар 1997.
Урад Беларусі ўстанавіў з 1 студзеня 2009 года новы памер мінімальнай заработнай платы (МЗП).
У адпаведнасці з Пастановай Саўміна нумар 2020 месячная мінімальная заработная плата ўстаноўлена ў памеры Br229 тыс. 700, пагадзінная мінімальная заработная плата - у памеры Br1 тыс. 360.
У Беларусі вытворчасць кукурузнага крухмалу і патакі павінна быць забяспечана айчыннай сыравінай. Аб гэтым заявіў Прэм'ер-міністр Сяргей Сідорскі сёння на адкрыцці цэха па вытворчасці кукурузнага крухмалу і патакі ў РУВП "Экзон-глюкоза" (Брэсцкая вобласць).
Канцэрн "Белнафтахім" скароціць тэрміны разгляду заяў на размяшчэнне складоў нафтапрадуктаў і аўтазаправачных станцый на тэрыторыі рэспублікі. Адпаведнае рашэнне змяшчаецца ў Пастанове Савета Міністраў Беларусі нумар 2004 ад 22 снежня.
Урад Беларусі Пастановай нумар 1954 зацвердзіў Комплексны план развіцця льняной галіны да 2010 года.Каменціруючы асноўныя палажэнні дакумента, намеснік міністра сельскай гаспадаркі і харчавання Васіль Паўлоўскі паведаміў, што ў яго ўвайшлі ўсе прапановы Мінсельгасхарча па аздараўленню льняной галіны.
Сродкі фонду нацыянальнага развіцця будуць выкарыстаны для падтрымкі экспартаарыентаваных прадпрыемстваў. Аб гэтым заявіў Прэм'ер-міністр Беларусі Сяргей Сідорскі на пасяджэнні Прэзідыума Савета Міністраў, дзе абмяркоўваліся меры па забеспячэнню стабільнай работы валаўтваральных і іншых прадпрыемстваў Беларусі.
У 2009 годзе ў Беларусі будзе пабудавана 6 млн.кв.м жылля. Адпаведнае рашэнне змяшчаецца ў Пастанове Урада нумар 1982/19 ад 19 снежня.
Прэм'ер-міністр Беларусі Сяргей Сідорскі лічыць неабходным паскорыць пераход у разліках паміж суб'ектамі гаспадарання Беларусі і Расіі на рэгіянальную валюту. Аб гэтым кіраўнік беларускага Урада заявіў 20 снежня на сустрэчы са Старшынёй дзяржаўнай карпарацыі "Банк развіцця і знешнеэканамічнай дзейнасці (Знешэканомбанк)" (РФ) Уладзімірам Дзмітрыевым.
Усе работы на аб'екце "Нацыянальны акадэмічны Вялікі тэатр оперы і балета Рэспублікі Беларусь" павінны быць завершаны да 20 лютага 2009 года. Такую задачу паставіў сёння ў час наведвання рэканструюемага будынка тэатра Прэм'ер-міністр Беларусі Сяргей Сідорскі.
Беларусь вітае любых інвестараў з канкрэтнымі планамі па тэрмінах рэалізацыі праектаў і фінансаванню, сказаў у інтэрв'ю карэспандэнту БЕЛТА Намеснік Прэм'ер-міністра Беларусі Віктар Бура.