| |
|
|
|
|
|
1
2
3
4
|
|
|
Пытанні ўладкавання знешніх граніц мытнага саюза Беларусі, Расіі і Казахстана будуць разгледжаны на пасяджэнні Савета Міністраў Саюзнай дзяржавы, якое пройдзе ў Брэсце 16 сакавіка.
|
|
| |
Падзеі
|
 |
Краінам ЕўрАзЭС удалося захаваць устойлівасць эканомік ва ўмовах крызісу. Аб гэтым заявіў Прэм'ер-міністр Расіі Уладзімір Пуцін, выступаючы ў Маскве на пасяджэнні Міждзяржаўнага савета Еўразійскага эканамічнага супольніцтва. Сустрэча праходзіць на фоне глабальнага фінансавага і эканамічнага крызісу. Усім краінам ЕўрАзЭС удалося пазбегнуць самага сумнага варыянта развіцця падзей, захаваць устойлівасць эканомік, падкрэсліў Уладзімір Пуцін. На яго думку, краінам ЕўрАзЭС неабходна прадоўжыць правядзенне кансалідаванай работы. "Такі падыход аб'ядноўвае партнёраў па супольніцтве", - сказаў ён. |
|
 |
Прэм'ер-міністр Рэспублікі Беларусь Сяргей Сідорскі і Старшыня Урада Расійскай Федэрацыі Уладзімір Пуцін па выніках праведзенага 30 студзеня 2009 г. у Маскве пасяджэння Савета Міністраў Саюзнай дзяржавы падпісалі План сумесных дзеянняў урадаў дзвюх краін па мінімізацыі наступстваў сусветнага фінансавага крызісу, паляпшэнню параметраў плацежнага балансу, удасканаленню ўмоў вядзення прадпрымальніцкай дзейнасці і ўзаемнага гандлю. "У дакуменце прадугледжана эфектыўная сістэма мер, якая дасць магчымасць захаваць нашы рынкі", - паведаміў журналістам кіраўнік беларускага Урада. |
|
 |
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі. Прэзідэнт Беларусі Аляксандр Лукашэнка накіраваў
прывітанне ўдзельнікам Беларускага інвестыцыйнага форуму ў Лондане. Прывітанне зачытаў Прэм'ер-міністр Беларусі Сяргей Сідорскі. "Шчыра рады, што нам
удалося прыцягнуць да гэтага мерапрыемства такую аўтарытэтную дзелавую аўдыторыю. Ваш удзел у ім мы разглядаем як сведчанне растучай цікавасці замежнага
бізнесу да нашай краіны, і гэту цікавасць мы будзем падтрымліваць", - гаворыцца ў прывітанні. |
|
 |
Сістэму тарыфнага рэгулявання Беларусі і Расіі неабходна выкарыстоўваць для развіцця Мытнага саюза краін ЕўрАзЭС. Аб гэтым заявіў Прэм'ер-міністр Беларусі Сяргей Сідорскі сёння ў Мінску на сустрэчы ў вузкім складзе са Старшынёй Урада Расіі Уладзімірам Пуціным. Сяргей Сідорскі з задавальненнем канстатаваў, што Беларусь і Расія істотна рушылі наперад ва уніфікацыі нацыянальных сістэм тарыфнага рэгулявання, а менавіта ва ўстанаўленні аднолькавых памераў ставак увазных і вывазных мытных пошлін. Цяпер ступень уніфікацыі складае 95,6 працэнта. Разам з тым уніфікацыя мытных тарыфаў Казахстана, Расіі і Беларусі значна ніжэйшая і складае толькі 40-50 працэнтаў. |
|
 |
Беларусь і Саратаўская вобласць прапрацоўваюць пытанне арганізацыі зборачнай вытворчасці беларускіх камбайнаў на базе ААТ "Тралейбусны завод" у горадзе Энгельсе (Саратаўская вобласць Расійскай Федэрацыі). Аб гэтым ішла сёння размова на сустрэчы Прэм'ер-міністра Беларусі Сяргея Сідорскага з Губернатарам Саратаўскай вобласці Паўлам Іпатавым. З такой прапановай выступіў саратаўскі бок. На думку прадстаўнікоў бізнесу і кіраўніцтва Саратаўскай вобласці, арганізацыя гэтай вытворчасці на "Тралейбусным заводзе" ў горадзе Энгельсе будзе больш выгадна, чым звычайная купля камбайнаў. |
|
 |
Прэм'ер-міністр Сяргей Сідорскі чакае істотнага павелічэння тавараабароту Беларусі з Растоўскай вобласцю. Аб гэтым кіраўнік беларускага Урада заявіў сёння на сустрэчы з Губернатарам Растоўскай вобласці Расійскай Федэрацыі Уладзімірам Чубам. Растоўская вобласць цяпер з'яўляецца адным з вядучых гандлёва-эканамічных партнёраў Беларусі. Сяргей Сідорскі выказаў надзею, што яго цяперашні візіт у расійскі рэгіён будзе садзейнічаць актывізацыі кантактаў паміж бакамі, нарошчванню ўзаемнага тавараабароту. У сваю чаргу Губернатар Растоўскай вобласці Уладзімір Чуб, гаворачы аб перспектывах узаемадзеяння бакоў, адзначыў, што "пакуль цяжка загадваць, які тавараабарот будзе па выніках 2008 года". |
|
 |
Беларусь адкрыта для перагавораў з любымі інвестарамі, заявіў 30 мая 2008 года Прэм'ер-міністр Беларусі Сяргей Сідорскі на пасяджэнні Кансультатыўнага савета па замежных інвестыцыях у Мінску. "Мы адкрыты для перагавораў з інвестарамі і гатовы разглядаць любыя прапановы ад іх", - падкрэсліў кіраўнік Урада. Паводле яго слоў, галоўная задача Урада Беларусі - далейшае паляпшэнне інвестыцыйнага клімату і ўваходжанне рэспублікі ў лік краін з найбольш прывабнымі ўмовамі для інвесціравання - цяпер Беларусь займае 110-ю пазіцыю ў гэтым спісе. "Мы робім усё магчымае, каб інвестары ў Беларусі адчувалі сябе камфортна, інвестыцыйны клімат паляпшаўся", - дадаў Сяргей Сідорскі. |
|
 |
Савет кіраўнікоў урадаў дзяржаў СНД прыняў рашэнне па ўсіх 20 пытаннях парадку дня на пасяджэнні, якое завяршылася сёння ў Мінску. Аб гэтым паведаміў на прэс-канферэнцыі па выніках пасяджэння Старшыня Выканаўчага камітэта - Выканаўчы сакратар Садружнасці Сяргей Лебедзеў. Паводле яго слоў, гэта пераважна пытанні эканамічнага супрацоўніцтва. Акрамя таго, былі разгледжаны некаторыя арганізацыйна-пратакольныя пытанні. У прыватнасці, было прынята рашэнне аб старшынстве ў СКУ. З гэтага моманту старшынства ў Савеце Кіраўнікоў урадаў СНД ад Украіны пераходзіць да Беларусі. |
|
 |
Прадпрыемствы перапрацоўчай галіны Беларусі будуць поўнасцю перааснашчаны на працягу бліжэйшых 2-3 гадоў. Аб гэтым паведаміў сёння Прэм'ер-міністр Беларусі Сяргей Сідорскі пад час рабочай паездкi ў Магілёўскую вобласць. Кiраўнiк Урада знаёміўся з ходам рэалізацыі трох буйных інвестпраектаў: па будаўніцтву завода па перапрацоўцы бульбы на крухмал у ААТ "Новая Друць" Бялыніцкага раёна, рэканструкцыі і мадэрнізацыі ААТ "Быхаўскі кансервава-агароднінасушыльны завод" і КВУП "Слаўгарадскі харчавік". |
|
 |
Беларусь і Расія будуць паскараць інтэграцыю, нягледзячы на сусветныя фінансавыя катаклізмы. Аб гэтым заявіў Прэм'ер-міністр Беларусі Сяргей Сідорскі на сустрэчы ў вузкім коле са Старшынёй Урада Расіі Віктарам Зубковым. "За апошні час мы змаглі палепшыць эканамічныя адносіны. Работа ў Саюзнай дзяржаве ідзе актыўна, выконваюцца даручэнні кіраўнікоў дзяржаў, дадзеныя на апошнім пасяджэнні Вышэйшага Дзяржсавета ў снежні 2007 года", - адзначыў Сяргей Сідорскі. Прэм'ер-міністр Беларусі даў добрую ацэнку дзейнасці рабочых груп па падрыхтоўцы пасяджэння Савета Міністраў Саюзнай дзяржавы. |
Старонкі: 1 2 3 4 5 6
| |
© 2005-2009 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
|
|
|
 Польшча хацела б стаць варотамі для беларускага сельгасэкспарту ў ЕС. Аб гэтым заявіў 6 сакавіка ў Мінску Міністр сельскай гаспадаркі і развіцця вёскі Польшчы Марак Савіцкі ў ходзе сустрэчы кіраўнікоў аграрных ведамстваў Латвіі, Літвы і Польшчы з Прэм'ер-міністрам Беларусі Сяргеем Сідорскім.
|
|
|
 Каб мытны саюз Беларусі, Расіі і Казахстана адбыўся, вельмі важна, каб былі выкананы ўсе дамоўленасці, дасягнутыя пры яго стварэнні. Аб гэтым заявіў Намеснік Прэм'ер-міністра Беларусі Андрэй Кабякоў, выступаючы 5 сакавіка ў Маскве на Міжнародным эканамічным форуме дзяржаў - удзельніц СНД.
|
|
|
 У Беларусі
неабходна павышаць прадукцыйнасць раслінаводства і жывёлагадоўлі. Аб гэтым заявіў сёння намеснік прэм'ер-міністра
Беларусі Іван Бамбіза на семінары-нарадзе па актывізацыі выкарыстання генетычнай навукі і ўзмацненню ўзаемадзеяння
вучоных-генетыў і селекцыянераў-аграрнікаў.
|
| |
|
 Чатырохбаковая
сустрэча сустаршынь Саветаў па доўгатэрміноваму супрацоўніцтву рэгіёнаў краін-суседак адбылася сёння ў Калінінградзе.
У ёй прынялі ўдзел віцэ-прэм'ер Беларусі Андрэй Кабякоў, намеснік міністра ўнутраных спраў Польшчы Пётр Стаханьчык,
віцэ-міністр замежных спраў Літвы Эвалдас Ігнатавічус і губернатар Калінінградскай вобласці Георгій Баос.
|
|
|
 Амаль Br378 млрд. бюджэтных сродкаў накіравана ў 2009 годзе на фінансаванне мерапрыемстваў Дзяржаўнай комплекснай праграмы развіцця рэгіёнаў, малых і сярэдніх гарадскіх паселішчаў. Аб гэтым паведаміў 2 сакавіка на пасяджэнні Прэзідыума Саўміна міністр эканомікі Беларусі Мікалай Снапкоў.
|
|
|
