| |
Навіны
Беларускі рынак з'яўляецца прыярытэтным для Ашчаднага банка Расіі
 |
|
|
| "Мы цэнім Ашчадны банк як высакакласны, які заўсёды можа даць кансультацыю. Нашы эксперты сёння актыўна працуюць з экспертамі банка. Сёння мы хацелі б абмеркаваць ход пытанняў, якія датычацца як прыватызацыі, так і развіцця адносін паміж Ашчадным банкам і беларускімі прадпрыемствамі", - сказаў Прэм'ер-міністр Беларусі Сяргей Сідорскі на сустрэчы са старшынёй праўлення Ашчаднага банка Расii Германам Грэфам. |
Прэм'ер-міністр Беларусі Сяргей Сідорскі адзначыў, што галоўнае цяпер дамовіцца ад удзеле Ашчаднага банка ў канкрэтных інавацыйных і інвестыцыйных праектах. На тэрыторыі Беларусі гэты расійскі банк будзе ўдзельнічаць і ў крэдытаванні, і ў фінансавай падтрымцы, і будзе кансультантам па многіх аперацыйных здзелках, якія праводзяцца ў краіне.
Ён таксама дадаў, што Беларусь апошнім часам актыўна прыцягвае рэсурсы і накіроўвае іх на далейшае інавацыйнае развіццё. У сувязі з гэтым Сяргей Сідорскі дадаў: "Мы можам пашырыць мемарандум, дамоўленасці, якія былі прыняты раней".
Беларускі рынак з'яўляецца прыярытэтным для Ашчаднага банка Расіі, паведаміў прэзідэнт, старшыня праўлення Ашчаднага банка Герман Грэф. "У нашай стратэгіі развіцця запісана, што Беларусь, Украіна, Казахстан - найбольш прыярытэтныя партнёры, з якімі мы будзем развіваць бізнес", - адзначыў Герман Грэф.
Цяпер з гэтых краін Ашчадны банк прысутнічае ва Украіне і Казахстане. "Мы будзем прыкладаць намаганні, каб быць дастойна прадстаўленымі на рынку фінансавых паслуг Беларусі, асабліва ў гэты няпросты час, калі мала інвестараў выказваюць намер па пашырэнню бізнесу", - падкрэсліў ён.
Герман Грэф дадаў: "Нашы планы не змяніліся. Мы бачым у Беларусі новыя магчымасці для нашай прысутнасці, нашага бізнесу тут". Пры гэтым ён адзначыў, што з Урадам і Нацбанкам Беларусі ў кіраўніцтва Ашчаднага банка склаліся канструктыўныя адносіны, праведзены шэраг сустрэч па пытаннях супрацоўніцтва.
"З лютага мы сур'ёзна рушылі наперад па пераважнай большасці пытанняў, замацаваных у мемарандуме аб супрацоўніцтве. Сёння мы гатовы да размовы па канкрэтных праектах", - сказаў Герман Грэф. "У бліжэйшы час мы давядзём усе пункты дасягнутых дамоўленасцей да рэалізацыі", - дадаў ён.
| |
© 2005-2010 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
У Беларусі асобным катэгорыям бюджэтнікаў з 1 верасня павышана заработная плата. Такое рашэнне змяшчаецца ў пастанове Савета Міністраў нумар 1267 ад 1 верасня 2010 года.
На рэалізацыю мерапрыемстваў дзяржаўнай праграмы "Інжынерныя водагаспадарчыя мерапрыемствы па абароне населеных пунктаў і сельскагаспадарчых зямель ад паводак у найбольш паводканебяспечных раёнах Палесся на 2011-2015 гады" плануецца накіраваць Br278 млрд. са сродкаў рэспубліканскага бюджэту. Аб гэтым 31 жніўня паведаміла першы намеснік Міністра сельскай гаспадаркі і харчавання Беларусі Надзея Каткавец, прадстаўляючы праект праграмы на пасяджэнні Прэзідыума Савета Міністраў.
У Беларусі плануецца пабудаваць 34 энергетычныя аб'екты з прыцягненнем крэдытных рэсурсаў банкаў Кітайскай Народнай Рэспублікі. Пералік гэтых аб'ектаў зацверджаны пастановай Савета Міністраў нумар 1210.
Курская вобласць Расіі зацікаўлена ў стварэнні зборачных вытворчасцей беларускіх МАЗаў і тралейбусаў "Белкамунмаш". Аб гэтым 26 жніўня заявіў Губернатар Курскай вобласці Аляксандр Міхайлаў на сустрэчы з Прэм'ер-міністрам Беларусі Сяргеем Сідорскім.
Рэспубліканскі фестываль "Кліч Палесся" пройдзе 24-25 верасня ў аграгарадку Ляскавічы Петрыкаўскага раёна Гомельскай вобласці. Аб гэтым журналістам паведаміў Намеснік Прэм'ер-міністра Беларусі Іван Бамбіза.
Урад Беларусі адобрыў канцэпцыю саюзнай праграмы "Распрацоўка інтэграванай сістэмы стандартызацыі касмічнай тэхнікі, што ствараецца ў рамках праграм і праектаў Саюзнай дзяржавы" ("Стандартызацыя-СД") на 2011-2014 гады. Такое рашэнне прынята пастановай Савета Міністраў нумар 1227.
Беларусь і Бранская вобласць Расіі плануюць давесці аб'ём тавараабароту да $500 млн. у 2010 годзе. Аб гэтым паведаміў журналістам Намеснік Прэм'ер-міністра Беларусі Іван Бамбіза 26 жніўня па выніках сустрэчы з дэлегацыяй гэтага расійскага рэгіёна.