НАВІНЫ
Сустрэча Прэм'ер-міністра Беларусі са Старшынёй Урада Расійскай Федэрацыі
 Беларусь адправіць гуманітарны груз для пацярпелых грамадзян Паўднёвай Асеціі, заявіў сёння ў Маскве Прэм'ер-міністр Беларусі Сяргей Сідорскі на сустрэчы са Старшынёй Урада Расійскай Федэрацыі Уладзімірам Пуціным. Для падрыхтоўкі да адпраўкі грузу ў Беларусі створана камісія. Узгоднены пералік неабходных прадуктаў харчавання, цёплых рэчаў, якія будуць адпраўлены ў Паўднёвую Асецію. Акрамя таго, адзначыў Сяргей Сідорскі, Беларусь гатова прыняць на аздараўленне 2 тыс. асецінскіх дзяцей.
Кіраўнік беларускага Урада таксама паведаміў, што ад грамадзян Беларусі паступаюць добраахвотныя ахвяраванні для насельніцтва, якое пацярпела ў паўднёваасецінскім канфлікце.
На сустрэчы Сяргей Сідорскі выказаў спачуванні Уладзіміру Пуціну ў сувязі з гібеллю людзей у Паўднёвай Асеціі. "Мы гатовы зрабіць усё магчымае, каб грамадзяне Паўднёвай Асеціі хутчэй вярнуліся да нармальнага жыцця", - сказаў беларускі Прэм'ер.
Розніца ў экспартна-імпартных тарыфах Беларусі і Расіі скарачаецца, паведаміў сёння ў Маскве Старшыня Урада Расіі Уладзімір Пуцін на сустрэчы з Прэм'ер-міністрам Беларусі Сяргеем Сідорскім.
Расійскі прэм'ер адзначыў, што тэндэнцыя "скарачэння розніцы ў тарыфах на экспарт і імпарт станоўча ўплывае на развіццё эканамічных адносін паміж дзвюма краінамі".
Уладзімір Пуцін таксама паведаміў, што пытанні эканамічнага ўзаемадзеяння бакі маюць намер больш падрабязна разгледзець на сустрэчы ў канцы верасня - пачатку кастрычніка бягучага года.
Акрамя таго, прэм'ер-міністр РФ расказаў аб маючай адбыцца сустрэчы ў Сочы Прэзідэнтаў Беларусі і Расіі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.