НАВІНЫ
СНД павінна адыгрываць значную ролю ў працэсе фарміравання новай сусветнай фінансавай архітэктуры
 СНД як рэгіянальная арганізацыя з устойлівымі тэмпамі эканамічнага развіцця павінна адыгрываць значную ролю ў працэсе фарміравання новай сусветнай фінансавай архітэктуры. Аб гэтым заявіў сёння Прэм'ер-міністр Беларусі Сяргей Сідорскі на пасяджэнні Савета кіраўнікоў урадаў дзяржаў - удзельніц СНД. Сяргей Сідорскі паведаміў, што ў ходзе сустрэчы кіраўнікоў Урадаў СНД у вузкім фармаце было абмеркавана пытанне, якое стаіць на парадку дня ўсёй сусветнай супольнасці. Размова ідзе аб глабальным фінансавым крызісе і аб яго негатыўным уплыве на эканомікі краін СНД.
"Ад таго, як мы разам спрацуем у галіне пераадолення фінансавых цяжкасцей, будзе залежаць і маштаб негатыўнага ўплыву крызісу на сацыяльна-эканамічныя працэсы ў нашых краінах", - падкрэсліў ён.
Кіраўнік беларускага Урада нагадаў, што Кіраўнікі дзяржаў СНД 10 кастрычніка бягучага года ў Бішкеку прынялі рашэнне аб пастаянна дзеючай нарадзе на ўзроўні міністраў фінансаў па выпрацоўцы прапаноў па пераадоленню крызісу. "Міністры пачалі сваю работу. Мы дамовіліся, што гэта пытанне будзе пастаянна ў полі нашага зроку, і ўжо 12 снежня бягучага года нам будзе даложана аб тых кроках, якія прапануюць фінансава-эканамічныя органы нашых краін", - паведаміў Сяргей Сідорскі.
Ён таксама падкрэсліў: "Важна, каб дзейнасць СНД і яго структурных органаў была накіравана на сумесны пошук рашэнняў надзённых праблем, на паляпшэнне эканамічнай сітуацыі ў дзяржавах - удзельніцах СНД, стварэнне спрыяльных умоў для жыцця і працы грамадзян". Гаворачы аб пакеце дакументаў, які сёння абмяркоўваецца на пасяджэнні Савета кіраўнікоў Урадаў, Сяргей Сідорскі выдзеліў важнасць некаторых з іх. У першую чаргу гэта стратэгія эканамічнага развіцця Садружнасці да 2020 года, пытанні супрацоўніцтва ў транспартнай сферы, комплекс сумесных мер па павышэнню харчовай бяспекі і шэраг пытанняў па развіццю інавацыйнага супрацоўніцтва і далейшаму ўдасканаленню арганізацыйнага складальніка СНД. Таксама на гэтым пасяджэнні трэба прыняць рашэнні па праблемах міграцыі, гуманітарнага супрацоўніцтва, па пытаннях фінансавага характару.
"Спадзяюся, што гэта пасяджэнне СКУ СНД будзе садзейнічаць далейшай актывізацыі інтэграцыйных працэсаў у Садружнасці", - падкрэсліў Прэм'ер-міністр Беларусі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Эканомікам Беларусі, Расіі і Казахстана трэба пераадольваць сусветны крызіс сумеснымі намаганнямі. Аб гэтым заявіў Прэм'ер-міністр Беларусі Сяргей Сідорскі ў Жодзіне ў час наведвання Беларускага аўтамабільнага завода. На сённяшні дзень узаемадапаўняльнасць эканомік Беларусі і Расіі складае ад 60 працэнтаў да 90 працэнтаў па асобных відах кааперацыі. "Цяпер спыніліся расійскія ГАЗ, КамАЗ і гродзенскія прадпрыемствы, што ўваходзяць у ААТ "Белкард", якія пастаўляюць у Расію камплектуючыя", - канстатаваў Прэм'ер.
Тром самым буйным зверагадоўчым гаспадаркам спажыўкааперацыі ў 2009 годзе будуць прадастаўлены льготныя крэдыты для гадоўлі пушных звяроў. Рашэнне аб гэтым змяшчаецца ў Пастанове Савета Міністраў нумар 1997.
Урад Беларусі ўстанавіў з 1 студзеня 2009 года новы памер мінімальнай заработнай платы (МЗП).
У адпаведнасці з Пастановай Саўміна нумар 2020 месячная мінімальная заработная плата ўстаноўлена ў памеры Br229 тыс. 700, пагадзінная мінімальная заработная плата - у памеры Br1 тыс. 360.
У Беларусі вытворчасць кукурузнага крухмалу і патакі павінна быць забяспечана айчыннай сыравінай. Аб гэтым заявіў Прэм'ер-міністр Сяргей Сідорскі сёння на адкрыцці цэха па вытворчасці кукурузнага крухмалу і патакі ў РУВП "Экзон-глюкоза" (Брэсцкая вобласць).
Канцэрн "Белнафтахім" скароціць тэрміны разгляду заяў на размяшчэнне складоў нафтапрадуктаў і аўтазаправачных станцый на тэрыторыі рэспублікі. Адпаведнае рашэнне змяшчаецца ў Пастанове Савета Міністраў Беларусі нумар 2004 ад 22 снежня.
Урад Беларусі Пастановай нумар 1954 зацвердзіў Комплексны план развіцця льняной галіны да 2010 года.Каменціруючы асноўныя палажэнні дакумента, намеснік міністра сельскай гаспадаркі і харчавання Васіль Паўлоўскі паведаміў, што ў яго ўвайшлі ўсе прапановы Мінсельгасхарча па аздараўленню льняной галіны.
Сродкі фонду нацыянальнага развіцця будуць выкарыстаны для падтрымкі экспартаарыентаваных прадпрыемстваў. Аб гэтым заявіў Прэм'ер-міністр Беларусі Сяргей Сідорскі на пасяджэнні Прэзідыума Савета Міністраў, дзе абмяркоўваліся меры па забеспячэнню стабільнай работы валаўтваральных і іншых прадпрыемстваў Беларусі.
У 2009 годзе ў Беларусі будзе пабудавана 6 млн.кв.м жылля. Адпаведнае рашэнне змяшчаецца ў Пастанове Урада нумар 1982/19 ад 19 снежня.
Прэм'ер-міністр Беларусі Сяргей Сідорскі лічыць неабходным паскорыць пераход у разліках паміж суб'ектамі гаспадарання Беларусі і Расіі на рэгіянальную валюту. Аб гэтым кіраўнік беларускага Урада заявіў 20 снежня на сустрэчы са Старшынёй дзяржаўнай карпарацыі "Банк развіцця і знешнеэканамічнай дзейнасці (Знешэканомбанк)" (РФ) Уладзімірам Дзмітрыевым.
Усе работы на аб'екце "Нацыянальны акадэмічны Вялікі тэатр оперы і балета Рэспублікі Беларусь" павінны быць завершаны да 20 лютага 2009 года. Такую задачу паставіў сёння ў час наведвання рэканструюемага будынка тэатра Прэм'ер-міністр Беларусі Сяргей Сідорскі.
Беларусь вітае любых інвестараў з канкрэтнымі планамі па тэрмінах рэалізацыі праектаў і фінансаванню, сказаў у інтэрв'ю карэспандэнту БЕЛТА Намеснік Прэм'ер-міністра Беларусі Віктар Бура.