| |
НАВІНЫ
Беларусь разглядае Узбекістан як важнага эканамічнага партнёра ў Цэнтральнай Азіі
 Беларусь разглядае Узбекістан як важнага эканамічнага партнёра ў Цэнтральнай Азіі. Аб гэтым заявіў сёння Намеснік Прэм'ер-міністра Беларусі Андрэй Кабякоў на пасяджэнні сумеснай міжурадавай камісіі па двухбаковаму супрацоўніцтву паміж Узбекістанам і Беларуссю, якое праходзіць у Мінску. З узбекскага боку камісію ўзначальвае Намеснік Прэм'ер-міністра Рэспублікі Узбекістан, кіраўнік комплексу Кабінета міністраў Узбекістана па пытаннях камунальнай сферы, транспарту, капітальнага будаўніцтва і будіндустрыі Надзірхон Ханаў. Як адзначыў Андрэй Кабякоў, за апошнія гады тавараабарот паміж Беларуссю і Узбекістанам дынамічна развіваецца.
Калі 5 гадоў таму ён складаў не больш як $30 млн., то па выніках 2007 года тавараабарот дасягнуў амаль $115 млн. На думку Андрэя Кабякова, "гэта абнадзейлівая дынаміка, і работа сумеснай камісіі будзе садзейнічаць умацаванню адносін, абагаціўшы змест нашага супрацоўніцтва, забяспечыўшы выхад на новы ўзровень узаемавыгадных кантактаў".
Узбекістан прапануе стварыць сумесныя прадпрыемствы з Беларуссю ў сферы сельгасмашынабудавання, жывёлагадоўлі, фармацэўтыкі. Аб гэтым заявіў сёння ў Мінску Намеснік Прэм'ер-міністра Рэспублікі Узбекістан, кіраўнік комплексу Кабінета міністраў Узбекістана па пытаннях камунальнай сферы, транспарту, капітальнага будаўніцтва і будіндустрыі Надзірхон Ханаў на пасяджэнні сумеснай беларуска-ўзбекскай камісіі па двухбаковаму супрацоўніцтву.
Ён адзначыў, што цяпер ва Узбекістане дзейнічаюць 80 прадпрыемстваў з беларускім капіталам і 6 СП Беларусі з узбекскім. "Але патэнцыял дзяржаў у гэтым напрамку не вычарпаны. Дасягнутыя вынікі не з'яўляюцца мяжой. Мы можам вызначыць канкрэтныя напрамкі ўзаемавыгаднага супрацоўніцтва ў новых сферах", - падкрэсліў узбекскі віцэ-прэм'ер. Надзірхон Ханаў таксама адзначыў, што рэжым свабоднага гандлю паміж Беларуссю і Узбекістанам даў магчымасць за апошні час дасягнуць значнага росту тавараабароту.
Як адзначыў Надзірхон Ханаў, "нашы краіны з'яўляюцца традыцыйнымі партнёрамі, якіх звязваюць шматгадовыя гандлёва-эканамічныя, навукова-тэхнічныя, культурныя сувязі". Ва ўсіх напрамках вядзецца канструктыўны дыялог, накіраваны на актыўнае развіццё двухбаковых адносін.
Сёння Беларусь і Узбекістан актыўна будуюць адносіны як на двухбаковай аснове, так і ў рамках міжнародных эканамічных структур. Узаемадзеянне дзелавых колаў дзвюх краін таксама напаўняе дынамікай гандаль паміж Беларуссю і Узбекістанам. Цяпер умацоўваюцца сувязі і ў навукова-тэхнічнай сферы, ахове здароўя, адукацыі, культуры, падкрэсліў узбекскі віцэ-прэм'ер. Пры гэтым ён лічыць, што бакам неабходна больш актыўна выкарыстоўваць навукова-тэхнічны патэнцыял. Узбекістан гатовы прапанаваць Беларусі шырокі спектр прадукцыі, абсталявання і тэхналогій, што карыстаюцца попытам на беларускім рынку.
"Нашы краіны з'яўляюцца цэнтрамі навуковай думкі ў рэгіянальным і сусветным маштабах", - лічыць Надзірхон Ханаў. Ён сказаў, што ва Узбекістане добра вядомы дасягненні Беларусі ў галіне распрацоўкі новых матэрыялаў, даследаванні ў сферы матэрыялазнаўства, фізікі, інфарматыкі, энергазберагальных тэхналогій, выкарыстанне нетрадыцыйных крыніц энергіі ў сельскай гаспадарцы.
Развіццю супрацоўніцтва будзе садзейнічаць і рэалізацыя новых праектаў у сельгасмашынабудаванні. Узбекскі бок таксама прапануе стварыць сумесныя прадпрыемствы па вырошчванню племянной жывёлы і распрацоўцы ветэрынарных прэпаратаў. У галіне фармацэўтыкі можна стварыць сумесныя вытворчасці лекавых сродкаў і прэпаратаў. На думку Надзірхона Ханава, у гэтых галінах "у нас ёсць традыцыйны зачын і напрацоўкі, якія мы можам развіваць і ўдасканальваць".
Яшчэ адным напрамкам двухбаковага супрацоўніцтва бакі бачаць актыўнае развіццё турызму.
Па выніках 2007 года Узбекістан займаў пятае месца як па аб'ёму знешняга гандлю Рэспублікі Беларусь з краінамі СНД, так і па экспарту. У 2007 годзе тавараабарот Беларусі з Узбекістанам узрос у параўнанні з 2006 годам на 62,7 працэнта і склаў $114,6 млн. Экспарт дасягнуў $93,1 млн. і павялічыўся на 71,6 працэнта, імпарт - $21,6 млн. (рост на 33,2 працэнта). Сальда дадатнае - $71,4 млн.
У студзені-красавіку 2008 года тавараабарот паміж Беларуссю і Узбекістанам павялічыўся ў параўнанні з аналагічным перыядам 2007 года на 40,3 працэнта да $44,04 млн. Экспарт узрос на 33,6 працэнта і склаў $34,6 млн., імпарт - на 71,3 працэнта да $9,5 млн. Сальда дадатнае - $25,1 млн.
На рынак Узбекістана з Беларусі экспартуюцца ў асноўным тавары з высокай ступенню апрацоўкі і высокатэхналагічная прадукцыя: грузавыя аўтамабілі, трактары, вырабы з драўніны, машыны і абсталяванне, бытавая тэхніка, лекавыя сродкі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Прэм'ер-міністр Беларусі Сяргей Сідорскі заклікаў міністэрствы і канцэрны актывізаваць работу па прыцягненню прамых замежных інвестыцый. Аб гэтым ён заявіў сёння на пасяджэнні Прэзідыума Савета Міністраў. Сяргей Сідорскі адзначыў, што некаторыя міністэрствы і канцэрны практычна не прыцягнулі прамых замежных інвестыцый. "Няма неабходнасці чакаць, калі ў краіну прыйдуць інвестары, трэба самім ісці ім насустрач", - лічыць прэм'ер. Ён запатрабаваў дакладна прааналізаваць, хто з інвестараў прыязджаў за апошні час у Беларусь з прапановамі і колькі праектаў з імі рэалізавана.
Беларусь увяла антыдэмпінгавую пошліну на карамель, што паходзіць з Украіны і ўвозіцца на мытную тэрыторыю рэспублікі. Такое рашэнне змяшчаецца ў Пастанове Савета Міністраў нумар 1178.
Урад Беларусі Пастановай нумар 1157 зацвердзіў архітэктурны праект рэканструкцыі зоны адпачынку вадасховішча "Камсамольскае возера" (парк Перамогі). Як паведаміла галоўны архітэктар праекта КУП "Мінскпраект" Ганна Аксёнава, работы пачнуцца ў верасні бягучага года.
Урад Беларусі ўнёс змяненні і дапаўненні ў парадак фарміравання, зацвярджэння пераліку імпартазамяшчальных праектаў Дзяржаўнай праграмы імпартазамяшчэння на 2006-2010 гады, галіновых і рэгіянальных праграм імпартазамяшчэння і кантролю за ходам іх рэалізацыі. Такое рашэнне змяшчаецца ў Пастанове Савета Міністраў ад 14 жніўня 2008 года нумар 1164.
Як адзначыў кіраўнік беларускага Урада, Андрэй Харкавец зарэкамендаваў сябе ўмелым і рашучым кіраўніком. Ён асабліва падкрэсліў такія якасці новага міністра, як кампетэнтнасць, нестандартнасць мыслення і імкненне да атрымання выніку.
Усе важнейшыя прагнозныя паказчыкі па выніках 2008 года павінны быць выкананы, як і асноўныя параметры, прадугледжаныя стратэгічнымі дзяржаўнымі праграмамі.
Беларусь адправіць гуманітарны груз для пацярпелых грамадзян Паўднёвай Асеціі, заявіў сёння ў Маскве Прэм'ер-міністр Беларусі Сяргей Сідорскі на сустрэчы са Старшынёй Урада Расійскай Федэрацыі Уладзімірам Пуціным.
Беларусь акажа гуманітарную дапамогу Паўднёвай Асеціі ў рамках ліквідацыі наступстваў гуманітарнай катастрофы. Такое рашэнне змешчана ў Пастанове Савета Міністраў нумар 1162 ад 13 жніўня 2008 года.