Навіны
Беларусь зацікаўлена супрацоўнічаць з Растоўскай вобласцю па прасоўванню высокатэхналагічнай прадукцыі
 |
|
|
| Беларусь зацікаўлена ў супрацоўніцтве з Растоўскай вобласцю ў сельгасмашынабудаванні, вытворчасці рухавікоў і прасоўванні высокатэхналагічнай прадукцыі. |
Аб гэтым заявіў 25 чэрвеня Прэм'ер-міністр Беларусі Сяргей Сідорскі на сустрэчы з Губернатарам Растоўскай вобласці Уладзімірам Чубам у Мінску.
У гандлі Беларусі з Растоўскай вобласцю пераважае прадукцыя машынабудавання - яна займае 78 працэнтаў. "Мы хочам паказаць рух у напрамку інавацыйных тэхналогій, за гэтым наша будучае", - падкрэсліў Сяргей Сідорскі.
У бягучым годзе назіраецца глыбокі спад аб'ёму тавараабароту як з Расіяй у цэлым, так і з рэгіёнам. Тавараабарот з Расіяй упаў больш як на 40 працэнтаў. "Але мы лічым, што маглі б зрабіць шмат для пераадолення гэтай сітуацыі", - сказаў Сяргей Сідорскі. Ён нагадаў аб падпісаным з Прэм'ер-міністрам Расіі Уладзімірам Пуціным антыкрызісным плане дзеянняў дзвюх краін, "які можа даць добры эфект".
Аднак многія пытанні сёння блакіраваны. "Мы гаворым аб гэтым адкрыта", - падкрэсліў Прэм'ер-міністр Беларусі. У ліку прычын гэтага ён назваў "некваліфікаваныя дзеянні чыноўнікаў як Беларусі, так і Расіі". У выніку не атрымліваюць вырашэння некаторыя пытанні ўзаемадзеяння паміж дзвюма краінамі. Пры гэтым Сяргей Сідорскі дадаў, што на рэгіянальным узроўні ўзаемныя дамоўленасці, як правіла, паспяхова вырашаюцца. Але вось на больш высокім узроўні ўзнікаюць праблемы ў выкананні намечаных даручэнняў. "Мы з павагай ставімся да нашых партнёраў, міждзяржаўнае пагадненне паміж дзвюма краінамі павінна мець высокі ўзровень рэалізацыі", - лічыць кіраўнік беларускага Урада. У сувязі з гэтым Беларусь робіць усё неабходнае, каб выбудоўваць доўгатэрміновыя стратэгічныя планы развіцця. Гэта трэба, каб падтрымліваць рабочыя месцы, забяспечваць стабільную заработную плату, развіваць кааперацыю паміж прадпрыемствамі Беларусі і Расіі.
Сяргей Сідорскі паведаміў, што Беларусь, рэалізуючы Дзяржаўную інавацыйную праграму, ставіць задачу стварыць больш як 500-600 высокатэхналагічных прадпрыемстваў і вытворчасцей. У краіне падтрымліваецца высокі ўзровень сертыфікацыі прадукцыі і паслуг.
Губернатар Растоўскай вобласці Уладзімір Чуб таксама прызнаў напружанасць у гандлі Беларусі і расійскага рэгіёну. "Наш візіт у Беларусь нацэлены на тое, каб вырашыць існуючыя праблемы", - сказаў ён. Неабходна зняць напружанасць, ліквідаваць памылкі, якія зрабілі чыноўнікі, лічыць губернатар.
Па выніках сустрэчы Сяргей Сідорскі заявіў журналістам, што камбайны "Вектар" вытворчасці ААТ "Растсельмаш" будуць камплектавацца мінскімі маторамі. Ёсць прапанова па паглыбленню кааперацыі паміж "Растсельмашам" і "Гомсельмашам" пры вытворчасці мастоў і жняярак для камбайнаў.
Сёння ў Мінску абмеркаваны пытанні, з якіх пачаўся дыялог паміж Беларуссю і Растоўскай вобласцю яшчэ восенню 2008 года ў час візіту ў расійскі рэгіён прэм'ер-міністра Беларусі. Тады быў падпісаны пратакол, бакі намецілі актыўна развіваць двухбаковае супрацоўніцтва. У 2008 годзе тавараабарот склаў больш як $370 млн. "Нам трэба дабаўляць да гэтага выніку", - падкрэсліў беларускі Прэм'ер. І гэтаму будзе садзейнічаць глыбокая інтэграцыя паміж прадпрыемствамі, у тым ліку "Растсельмаша", "Гомсельмаша" і Мінскага маторнага завода.
| |
© 2005-2010 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
У Беларусі асобным катэгорыям бюджэтнікаў з 1 верасня павышана заработная плата. Такое рашэнне змяшчаецца ў пастанове Савета Міністраў нумар 1267 ад 1 верасня 2010 года.
На рэалізацыю мерапрыемстваў дзяржаўнай праграмы "Інжынерныя водагаспадарчыя мерапрыемствы па абароне населеных пунктаў і сельскагаспадарчых зямель ад паводак у найбольш паводканебяспечных раёнах Палесся на 2011-2015 гады" плануецца накіраваць Br278 млрд. са сродкаў рэспубліканскага бюджэту. Аб гэтым 31 жніўня паведаміла першы намеснік Міністра сельскай гаспадаркі і харчавання Беларусі Надзея Каткавец, прадстаўляючы праект праграмы на пасяджэнні Прэзідыума Савета Міністраў.
У Беларусі плануецца пабудаваць 34 энергетычныя аб'екты з прыцягненнем крэдытных рэсурсаў банкаў Кітайскай Народнай Рэспублікі. Пералік гэтых аб'ектаў зацверджаны пастановай Савета Міністраў нумар 1210.
Курская вобласць Расіі зацікаўлена ў стварэнні зборачных вытворчасцей беларускіх МАЗаў і тралейбусаў "Белкамунмаш". Аб гэтым 26 жніўня заявіў Губернатар Курскай вобласці Аляксандр Міхайлаў на сустрэчы з Прэм'ер-міністрам Беларусі Сяргеем Сідорскім.
Рэспубліканскі фестываль "Кліч Палесся" пройдзе 24-25 верасня ў аграгарадку Ляскавічы Петрыкаўскага раёна Гомельскай вобласці. Аб гэтым журналістам паведаміў Намеснік Прэм'ер-міністра Беларусі Іван Бамбіза.
Урад Беларусі адобрыў канцэпцыю саюзнай праграмы "Распрацоўка інтэграванай сістэмы стандартызацыі касмічнай тэхнікі, што ствараецца ў рамках праграм і праектаў Саюзнай дзяржавы" ("Стандартызацыя-СД") на 2011-2014 гады. Такое рашэнне прынята пастановай Савета Міністраў нумар 1227.
Беларусь і Бранская вобласць Расіі плануюць давесці аб'ём тавараабароту да $500 млн. у 2010 годзе. Аб гэтым паведаміў журналістам Намеснік Прэм'ер-міністра Беларусі Іван Бамбіза 26 жніўня па выніках сустрэчы з дэлегацыяй гэтага расійскага рэгіёна.