| |
Навіны
Паўмільёна гасцей змогуць наведаць Мінск у час чэмпіянату свету па хакею
Паўмільёна гасцей змогуць наведаць Мінск у час чэмпіянату свету па хакею. Аб гэтым заявіў сёння Прэм'ер-міністр Беларусі Сяргей Сідорскі, на першым рабочым пасяджэнні аргкамітэта чэмпіянату свету па хакею 2014 года.
Кіраўнік Урада, які таксама з'яўляецца старшынёй аргкамітэта ЧС-2014, адзначыў, што падзея такога высокага ўзроўню ўпершыню пройдзе ў нашай краіне. Таму неабходна вельмі дакладна прадумаць ход падрыхтоўкі і вызначыць канкрэтныя тэрміны выканання арганізацыйных пытанняў. Хоць да пачатку сусветнага хакейнага форуму яшчэ некалькі гадоў, гэта не значыць, што можна не спяшацца з пачаткам работы па яго арганізацыі, падкрэсліў Прэм'ер-міністр.
Адна з галоўных праблем, лічыць Сяргей Сідорскі, - забяспечыць гасцей гасцініцамі. Паводле даных арганізатараў нядаўняга сусветнага першынства ў Швейцарыі, краіну наведалі каля 500 тыс. замежных гасцей. І наўрад ці ў 2014 годзе ў Мінску будзе менш балельшчыкаў, адзначыў кіраўнік беларускага Урада. Неабходна ў найкарацейшыя тэрміны вызначыцца, як будзе вырашацца пытанне размяшчэння замежных турыстаў, а таксама спартсменаў і афіцыяльных прадстаўнікоў Міжнароднай федэрацыі хакея, якіх будзе каля паўтара тысяч. Для іх патрэбны гасцініцы ўзроўню 4-5 зорак, а цяпер беларуская сталіца мае толькі 1100 месц такога ўзроўню, сказаў Сяргей Сідорскі.
Віцэ-прэм'ер Уладзімір Патупчык адзначыў, што падрыхтаваны план аргмерапрыемстваў, які складаецца з пяці асноўных блокаў. У ім прапісаны ўсе пытанні, якія павінны быць вырашаны да красавіка 2014 года. Праўда, пакуль яшчэ да канца не вызначаны крыніцы фінансавання тых ці іншых пытанняў, але ў самы бліжэйшы час яны будуць названы.
Сяргей Сідорскі лічыць, што ўжо цяпер неабходна вызначыцца з інвестарамі, якія могуць дапамагчы ў арганізацыі чэмпіянату свету і пры неабходнасці ўвесці іх у лік членаў аргкамітэта. Цяпер у яго ўваходзяць прадстаўнікі міністэрстваў спорту і турызму, унутраных спраў, інфармацыі, замежных спраў, сталічнай мэрыі, пагранічных, мытных службаў, федэрацыі хакея і іншых органаў. Аднак гэта не значыць, што аргкамітэт не будзе пашырацца, - спіс адкрыты, падкрэсліў Прэм'ер-міністр, жадаючыя дапамагчы могуць увайсці ў лік арганізатараў прэстыжнага турніру.
Сусветнае першынство 2014 года пройдзе ў беларускай сталіцы ў маі 2014 года. Галоўным месцам правядзення будзе "Мінск-Арэна" (умяшчальнасць - 15 тыс. гледачоў), адкрыццё якой намечана на лістапад бягучага года. У хуткім часе пачнецца будаўніцтва другога лядовага палаца - "Чыжоўка-Арэна" (умяшчальнасць - 8 тыс. гледачоў), які плануецца ўвесці ў строй у 2013 годзе. У час правядзення чэмпіянату свету для яго гасцей прадугледжаны бязвізавы рэжым, пра што беларускі бок заявіў у час прэзентацыі сваёй заяўкі на майскім кангрэсе Міжнароднай федэрацыі хакея.
| |
© 2005-2009 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Польшча хацела б стаць варотамі для беларускага сельгасэкспарту ў ЕС. Аб гэтым заявіў 6 сакавіка ў Мінску Міністр сельскай гаспадаркі і развіцця вёскі Польшчы Марак Савіцкі ў ходзе сустрэчы кіраўнікоў аграрных ведамстваў Латвіі, Літвы і Польшчы з Прэм'ер-міністрам Беларусі Сяргеем Сідорскім.
Каб мытны саюз Беларусі, Расіі і Казахстана адбыўся, вельмі важна, каб былі выкананы ўсе дамоўленасці, дасягнутыя пры яго стварэнні. Аб гэтым заявіў Намеснік Прэм'ер-міністра Беларусі Андрэй Кабякоў, выступаючы 5 сакавіка ў Маскве на Міжнародным эканамічным форуме дзяржаў - удзельніц СНД.
У Беларусі
неабходна павышаць прадукцыйнасць раслінаводства і жывёлагадоўлі. Аб гэтым заявіў сёння намеснік прэм'ер-міністра
Беларусі Іван Бамбіза на семінары-нарадзе па актывізацыі выкарыстання генетычнай навукі і ўзмацненню ўзаемадзеяння
вучоных-генетыў і селекцыянераў-аграрнікаў.
Чатырохбаковая
сустрэча сустаршынь Саветаў па доўгатэрміноваму супрацоўніцтву рэгіёнаў краін-суседак адбылася сёння ў Калінінградзе.
У ёй прынялі ўдзел віцэ-прэм'ер Беларусі Андрэй Кабякоў, намеснік міністра ўнутраных спраў Польшчы Пётр Стаханьчык,
віцэ-міністр замежных спраў Літвы Эвалдас Ігнатавічус і губернатар Калінінградскай вобласці Георгій Баос.
Амаль Br378 млрд. бюджэтных сродкаў накіравана ў 2009 годзе на фінансаванне мерапрыемстваў Дзяржаўнай комплекснай праграмы развіцця рэгіёнаў, малых і сярэдніх гарадскіх паселішчаў. Аб гэтым паведаміў 2 сакавіка на пасяджэнні Прэзідыума Саўміна міністр эканомікі Беларусі Мікалай Снапкоў.