| |
У Беларусі кава, абутак, мабільныя тэлефоны і іншыя тавары будуць маркіравацца кантрольнымі знакамі
У Беларусі пашыраны пералік спажывецкіх тавараў, якія павінны маркіравацца спецыяльнымі кантрольнымі знакамі пры ўвозе і вытворчасці. Адпаведнае рашэнне змяшчаецца ў Пастанове Урада нумар 669 ад 27 мая.
Згодна з дакументам, у пералік такіх тавараў дадаткова ўключаны кава (пражаная і няпражаная, з кафеінам або без кафеіну), растваральная кава, кававае шалупінне і абалонкі зярнят кавы, заменнікі кавы; чай са смака-араматычнымі дабаўкамі або без іх, растваральны чай, матэ, або парагвайскі чай; біялагічна актыўныя дабаўкі да ежы ў спажывецкай тары; абутак на падэшве з гумы, пластмасы, натуральнай або кампазіцыйнай скуры і з верхам з тэкстыльных матэрыялаў, за выключэннем былога ва ўжыванні; экзэмпляры фанаграм на матэрыяльных носьбітах у спажывецкай тары (аўдыекасеты, кампакт-дыскі), экзэмпляры аўдыевізуальных твораў (кіна- і відэафільмы) на матэрыяльных носьбітах у спажывецкай тары; мабільныя тэлефоны ў спажывецкай тары, за выключэннем былых ва ўжыванні. Новы пералік пачне дзейнічаць праз 6 месяцаў з дня афіцыйнага апублікавання названай пастановы.
Нагадаем, што маркіроўка ідэнтыфікацыйнымі знакамі была ўведзена ў Беларусі ў сакавіку 2005 года ў мэтах забеспячэння эканамічнай бяспекі дзяржавы і абароны інтарэсаў грамадзян. Асноўная задача знака - забяспечыць улік увозу, перамяшчэння, захоўвання імпартнай прадукцыі, а таксама прадухіліць уцягненне ў ценявы абарот тавараў айчыннай вытворчасці. На думку экспертаў, сама практыка прымянення такой меры паказала яе мэтазгоднасць і эфектыўнасць, паколькі імпартуемыя тавары, што паступаюць на беларускі рынак, не заўсёды адпавядаюць патрабаванням якасці ў Беларусі. Пры гэтым ініцыятарамі ўвядзення маркіроўкі тавараў часта выступаюць самі прадпрыемствы-вытворцы, прычым як дзяржаўнай, так і прыватнай формы ўласнасці.
Як растлумачылі спецыялісты Міністэрства фінансаў Беларусі, увядзенне абавязковай маркіроўкі тавараў істотна не паўплывае на цану. Цяпер кошт аднаго кантрольнага знака ўстаноўлены на ўзроўні Br15. Пры гэтым уключэнне яго ў сабекошт прадукцыі не з'яўляецца абавязковым патрабаваннем для вытворцаў.
| |
© 2005-2010 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
У Беларусі асобным катэгорыям бюджэтнікаў з 1 верасня павышана заработная плата. Такое рашэнне змяшчаецца ў пастанове Савета Міністраў нумар 1267 ад 1 верасня 2010 года.
На рэалізацыю мерапрыемстваў дзяржаўнай праграмы "Інжынерныя водагаспадарчыя мерапрыемствы па абароне населеных пунктаў і сельскагаспадарчых зямель ад паводак у найбольш паводканебяспечных раёнах Палесся на 2011-2015 гады" плануецца накіраваць Br278 млрд. са сродкаў рэспубліканскага бюджэту. Аб гэтым 31 жніўня паведаміла першы намеснік Міністра сельскай гаспадаркі і харчавання Беларусі Надзея Каткавец, прадстаўляючы праект праграмы на пасяджэнні Прэзідыума Савета Міністраў.
У Беларусі плануецца пабудаваць 34 энергетычныя аб'екты з прыцягненнем крэдытных рэсурсаў банкаў Кітайскай Народнай Рэспублікі. Пералік гэтых аб'ектаў зацверджаны пастановай Савета Міністраў нумар 1210.
Курская вобласць Расіі зацікаўлена ў стварэнні зборачных вытворчасцей беларускіх МАЗаў і тралейбусаў "Белкамунмаш". Аб гэтым 26 жніўня заявіў Губернатар Курскай вобласці Аляксандр Міхайлаў на сустрэчы з Прэм'ер-міністрам Беларусі Сяргеем Сідорскім.
Рэспубліканскі фестываль "Кліч Палесся" пройдзе 24-25 верасня ў аграгарадку Ляскавічы Петрыкаўскага раёна Гомельскай вобласці. Аб гэтым журналістам паведаміў Намеснік Прэм'ер-міністра Беларусі Іван Бамбіза.
Урад Беларусі адобрыў канцэпцыю саюзнай праграмы "Распрацоўка інтэграванай сістэмы стандартызацыі касмічнай тэхнікі, што ствараецца ў рамках праграм і праектаў Саюзнай дзяржавы" ("Стандартызацыя-СД") на 2011-2014 гады. Такое рашэнне прынята пастановай Савета Міністраў нумар 1227.
Беларусь і Бранская вобласць Расіі плануюць давесці аб'ём тавараабароту да $500 млн. у 2010 годзе. Аб гэтым паведаміў журналістам Намеснік Прэм'ер-міністра Беларусі Іван Бамбіза 26 жніўня па выніках сустрэчы з дэлегацыяй гэтага расійскага рэгіёна.