| |
ПАСТУПЛЕННІ Ў БЮДЖЭТ БЕЛАРУСІ АД ВЫКАРЫСТАННЯ І РЭАЛІЗАЦЫІ ДЗЯРЖМАЁМАСЦІ Ў 2008 ГОДЗЕ СКЛАДУЦЬ BR733 МЛРД.
Паступленні ў бюджэт Беларусі ад выкарыстання і рэалізацыі маёмасці, якая знаходзіцца ў дзяржаўнай уласнасці, у 2008 годзе складуць Br733 млрд. Гэта замацавана Пастановай Савета Міністраў нумар 902.
Згодна з дакументам у мэтах рэалізацыі закона "Аб бюджэце Рэспублікі Беларусь на 2008 год" рэспубліканскім органам дзяржаўнага кіравання і іншым дзяржаўным арганізацыям, падпарадкаваным ураду, будуць даведзены заданні па паступленню ўстаноўленых у рэспубліканскім бюджэце на 2008 год даходаў ад выкарыстання і рэалізацыі маёмасці, што знаходзіцца ў рэспубліканскай уласнасці.
У сваю чаргу, рэспубліканскія органы дзяржкіравання і іншыя дзяржарганізацыі, падпарадкаваныя ўраду, абавязаны будуць атрымаць устаноўленыя для іх сумы даходаў ад выкарыстання маёмасці, якая знаходзіцца ў рэспубліканскай уласнасці, у выглядзе часткі прыбытку, што выплачваецца арганізацыямі ў адпаведнасці з заканадаўчымі актамі, дывідэндаў на долі (акцыі), арэнднай платы ад здачы маёмасці ў арэнду, а таксама ад рэалізацыі маёмасці, якая знаходзіцца ў рэспубліканскай уласнасці.
У прыватнасці, Мінпрам павінен забяспечыць паступленне больш за Br158 млрд., Мінтранс - Br77,1 млрд., Мінэнерга - Br35 млрд., Мінсувязі - Br22,8 млрд., канцэрн "Белнафтахім" - Br286 млрд.
Кантроль за паступленнем у рэспубліканскі бюджэт такіх даходаў ускладзены на Міністэрства фінансаў.
У выпадку неабходнасці заданні па паступленню ўстаноўленых у рэспубліканскім бюджэце на 2008 год даходаў ад выкарыстання і рэалізацыі маёмасці, што знаходзіцца ў рэспубліканскай уласнасці, у частцы павелічэння (змяншэння) даходаў у межах агульнай сумы даходаў ад выкарыстання і рэалізацыі гэтай маёмасці могуць удакладняцца.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Прэм'ер-міністр Беларусі Сяргей Сідорскі сёння ўручыў дзяржаўныя ўзнагароды заслужаным людзям краіны. Сярод амаль 100 узнагароджаных - работнікі авіяцыі, будаўнічага комплексу, нафтаздабыўной галіны, медыцыны, культуры. "Сёння - асаблівы выпадак, - сказаў Сяргей Сідорскі на ўрачыстай цырымоніі. - Частку заслужаных узнагарод я ўручаю родным і блізкім тых, чые жыцці былі перарваны ў мірны для нашай краіны час, але ў імя абароны міру, аховы бяспекі, у імя высокага абавязку". Ён адзначыў, што крыху больш як паўтара года таму ўсю нашу краіну ўзрушыла вестка аб гібелі ў небе над Самалі беларускага транспартнага самалёта Іл-76 з 11 членамі экіпажа і авіяцыйнымі спецыялістамі на борце.
За апошнія гады ВУП Беларусі штогод павялічваецца ў сярэднім на 9,5 працэнта, а прырост інвестыцый у асноўны капітал у два і больш разы вышэйшы - 20-25 працэнтаў, паведаміў сёння на пленарным пасяджэнні IV міжнароднага інвестфоруму ў Магілёве Першы намеснік Прэм'ер-міністра Беларусі Уладзімір Сямашка.
У пералік населеных пунктаў, на якія не распаўсюджваецца дзеянне Дэкрэта нумар 1 ад 28 студзеня 2008 года "Аб стымуляванні вытворчасці і рэалізацыі тавараў (работ, паслуг)", у адпаведнасці з Пастановай Урада нумар 1451 увайшлі 22 гарады.
Праект Дзяржаўнай праграмы садзейнічання занятасці насельніцтва Рэспублікі Беларусь на 2009-2010 гады неабходна збалансаваць з іншымі дзяржпраграмамі. Такую задачу паставіў сёння на пасяджэнні Прэзідыума Савета Міністраў Прэм'ер-міністр Сяргей Сідорскі ў ходзе абмеркавання праекта дзяржпраграмы садзейнічання занятасці.
Сістэму тарыфнага рэгулявання Беларусі і Расіі неабходна выкарыстоўваць для развіцця Мытнага саюза краін ЕўрАзЭС. Аб гэтым заявіў Прэм'ер-міністр Беларусі Сяргей Сідорскі сёння ў Мінску на сустрэчы ў вузкім складзе са Старшынёй Урада Расіі Уладзімірам Пуціным.
Тавараабарот Беларусі з Украінай па выніках 2008 года дасягне рэкорднага за апошнія гады ўзроўню і перасягне $5 млрд. Аб гэтым паведаміў Першы намеснік Прэм'ер-міністра Беларусі Уладзімір Сямашка, які узначальвае беларускую дэлегацыю на 15-м пасяджэнні Міжурадавай беларуска-ўкраінскай камісіі па пытаннях гандлёва-эканамічнага супрацоўніцтва. Пасяджэнне праходзіць 6-7 кастрычніка ў Кіеве.
Беларусь гатова рэалізоўваць буйныя праекты з удзелам Еўрапейскага банка рэканструкцыі і развіцця (ЕБРР). Аб гэтым паведаміў сёння Прэм'ер-міністр Беларусі Сяргей Сідорскі на сустрэчы з першым віцэ-прэзідэнтам ЕБРР Варэлам Фрыменам.