ТРАНСПАРТНЫЯ ВЕДАМСТВЫ БЕЛАРУСІ І ЛІТВЫ ПАДПІШУЦЬ ПАГАДНЕННЕ АБ РАЗВІЦЦІ СУДНАХОДСТВА НА РАЦЭ НЁМАН
Транспартныя ведамствы Беларусі і Літвы падпішуць пагадненне аб развіцці суднаходства па ўнутраных водных шляхах. Гэта прадугледжана Пастановай Савета Міністраў нумар 1114 ад 2 жніўня 2008 года.
Як растлумачылі ва ўпраўленні марскога і рачнога транспарту Міністэрства транспарту і камунікацый Беларусі, асноўная мэта гэтага дакумента - стварэнне на беларускім, літоўскім і пагранічным участках ракі Нёман умоў для руху суднаў, у першую чаргу маламерных. Паколькі глыбіня ракі не дае магчымасці выкарыстоўваць гэтыя ўчасткі для перавозкі грузаў у поўным аб'ёме, прадугледжваецца, што водны шлях будзе выкарыстоўвацца для перавозкі пасажыраў.
Чакаецца, што на рацэ будзе арганізаваны пункт пропуску, які дзейнічае па спрошчанай схеме. "Усе гэтыя меры пасадзейнічаюць развіццю воднага турызму на Нёмане", - адзначылі ў міністэрстве.
Пагадненне прадугледжвае, што бакі вызначаць участкі ракі, на якіх неабходна забяспечыць нармальныя ўмовы суднаходства. Таксама яны павінны штогод абменьвацца інфармацыяй аб тэрмінах адкрыцця навігацыі, прадастаўляць пералік водных шляхоў, дзе можна ажыццяўляць перавозкі. Кожная дзяржава на сваіх участках будзе забяспечваць належныя глыбіні, наяўнасць навігацыйных знакаў для бяспечнага праходжання суднаў.
"Мы праінфармуем літоўскі бок аб гатоўнасці падпісаць гэта пагадненне. Лічым, што яно будзе падпісана да наступнай навігацыі", - дадалі ва ўпраўленні марскога і рачнога транспарту. Плануецца, што на развіццё гэтага ўчастка ракі Нёман будуць накіраваны сродкі з рэспубліканскага бюджэту, аднак аб'ём фінансавання пакуль не вызначаны.
У Мінтрансе дадалі, што спецыялісты транспартных ведамстваў Беларусі і Літвы распрацоўвалі праект гэтага пагаднення ў адпаведнасці з міжурадавым пагадненнем аб развіцці суднаходства па ўнутраных водных шляхах ад 25 мая 2007 года.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.