У БЕЛАРУСІ ІНФАРМАЦЫЯ АБ НАЯЎНАСЦІ ГЕННА-МАДЫФІКАВАНЫХ КАМПАНЕНТАЎ У ПРАДУКТАХ ХАРЧАВАННЯ БУДЗЕ РАЗМЯШЧАЦЦА НА ЦЭННІКАХ
Урад Беларусі ўзмацніў патрабаванні да рэалізацыі прадукцыі, якая змяшчае генетычна мадыфікаваныя кампаненты, і ўнёс адпаведныя змяненні ў правілы рознічнага гандлю імі. Інфармацыя аб наяўнасці такіх кампанентаў у прадуктах харчавання цяпер будзе размяшчацца на цэнніках. Рашэнне аб гэтым змяшчаецца ў Пастанове Савета Міністраў ад 4 жніўня нумар 1115.
Як расказала начальнік упраўлення арганізацыі гандлю і паслуг Міністэрства гандлю Людміла Петракоўская, цяпер прадавец абавязаны давесці да ведама спажыўцоў акрамя інфармацыі, што змяшчаецца на спажывецкай тары, дадатковую інфармацыю аб колькасці генетычна мадыфікаваных складальнікаў (кампанентаў), пазначыўшы яе на цэнніках, або іншымі спосабамі - з выкарыстаннем этыкетак, стыкераў, постэраў.
"Гэтыя меры прымаюцца з мэтай зніжэння ўзроўню рызыкі для жыцця і здароўя грамадзян, звязанага са спажываннем харчовых прадуктаў, якія змяшчаюць генетычна мадыфікаваныя кампаненты", - падкрэсліла спецыяліст.
У Беларусі дзейнічае стандарт, які абавязвае вытворцу змяшчаць інфармацыю аб наяўнасці генна-мадыфікаваных кампанентаў у прадуктах харчавання на спажывецкай тары. Але вытворцы аддаюць перавагу паведамленню аб гэтым дробным шрыфтам, не вельмі кідка, што пакупнік не заўсёды заўважыць. Адным словам, не імкнуцца асабліва афішыраваць выкарыстанне такіх складальнікаў.
"Як прадстаўнікі гандлю мы не гаворым, што генна-мадыфікаваныя прадукты гэта добра або дрэнна для здароўя людзей. Гэта задача медыкаў і вучоных, якія яшчэ спрачаюцца наконт гэтага. Мы проста інфармуем насельніцтва аб іх наяўнасці, а пакупнік павінен ужо сам прыняць рашэнне, купляць або не купляць яму такі прадукт", - сказала Людміла Петракоўская.
Паводле яе слоў, наяўнасць генетычна мадыфікаваных складальнікаў часцей за ўсё адзначаецца ў імпартных прадуктах харчавання (выкарыстоўваецца соя). Беларускія вытворцы лічаць за лепшае выпускаць прадукцыю толькі з натуральных кампанентаў.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.