САЎМІН БЕЛАРУСІ ВЫЗНАЧЫЎ НЕАДКЛАДНЫЯ МЕРЫ ПА ЛІКВІДАЦЫІ НАСТУПСТВАЎ УРАГАНУ Ў ЛЯСАХ МІНСКАЙ ВОБЛАСЦІ
Савет Міністраў Беларусі прыняў Пастанову "Аб неадкладных мерах па ліквідацыі наступстваў урагану ў лясах Мінскай вобласці".
Міністэрству лясной гаспадаркі, Беларускаму вытворча-гандлёваму канцэрну лясной, дрэваапрацоўчай і цэлюлозна-папяровай прамысловасці, Мінскаму аблвыканкаму даручана забяспечыць да 1 лістапада бягучага года высечку (прыбіранне) пашкоджаных ураганам насаджэнняў на ўчастках лесу ляснога фонду дзяржаўных лесагаспадарчых устаноў Мінскай вобласці з нарыхтоўкай драўніны.
Мінлясгасу неабходна вызначыць аб'ёмы і спосабы лесааднаўлення пашкоджаных ураганам участкаў лесу ляснога фонду і забяспечыць на адпаведных участках пасадку лясных культур у 2009-2010 гадах.
Міністэрства працы і сацыяльнай абароны па прадстаўленню Міністэрства лясной гаспадаркі ў адпаведнасці з пастановай прадугледзіць павышэнне тарыфных ставак (акладаў) работнікаў, занятых на высечцы (прыбіранні) пашкоджаных ураганам насаджэнняў, а таксама здзельных расцэнак на названых работах на перыяд з 15 ліпеня па 1 лістапада 2008 года да 30 працэнтаў.
Для своечасовага вывазу драўніны Міністэрству транспарту і камунікацый загадана забяспечыць бесперабойную пастаўку рухомага саставу (вагонаў).
У трэцім квартале бягучага года з рэспубліканскага бюджэту - з фонду фінансавання расходаў, звязаных са стыхійнымі бедствамі, аварыямі і катастрофамі, Міністэрства фінансаў выдзеліць дзяржаўным лесагаспадарчым установам Мінлясгаса сродкі ў суме Br6,2 млрд. на набыццё лесанарыхтоўчай тэхнікі, неабходнай для ліквідацыі пашкоджаных ураганам насаджэнняў на ўчастках лесу ляснога фонду.
Міністэрству лясной гаспадаркі даручана забяспечыць кантроль за ходам выканання даведзеных у адпаведнасці з гэтай пастановай заданняў па высечцы (прыбіранні) буралому з прадастаўленнем інфармацыі ў Савет Міністраў 15 лістапада 2008 года.
Пастановай таксама вызначаны аб'ёмы нарыхтоўкі ў 2008-2009 гадах драўніны ў пашкоджаных ураганам насаджэннях на ўчастках лесу ляснога фонду лесагаспадарчых устаноў Мінскай вобласці. У прыватнасці, Мінлясгас нарыхтуе 310 тыс.куб.м, канцэрн "Беллеспаперапрам" - 120 тыс.куб.м, Мінскі аблвыканкам - 10 тыс.куб.м.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.