УРАД БЕЛАРУСІ ЎНЁС ЗМЯНЕННІ Ў ПАРАДАК ФАРМІРАВАННЯ ПЕРАЛІКУ ІМПАРТАЗАМЯШЧАЛЬНЫХ ПРАЕКТАЎ
Урад Беларусі ўнёс змяненні і дапаўненні ў парадак фарміравання, зацвярджэння пераліку імпартазамяшчальных праектаў Дзяржаўнай праграмы імпартазамяшчэння на 2006-2010 гады, галіновых і рэгіянальных праграм імпартазамяшчэння і кантролю за ходам іх рэалізацыі. Такое рашэнне змяшчаецца ў Пастанове Савета Міністраў ад 14 жніўня 2008 года нумар 1164.
Новы дакумент уносіць змяненні і дапаўненні ў Пастанову Саўміна ад 24 сакавіка 2006 года нумар 402 "Аб Дзяржаўнай праграме імпартазамяшчэння на 2006-2010 гады". Унесеныя змяненні дадуць магчымасць разлічыць шэраг паказчыкаў, якія характарызуюць эфектыўнасць рэалізацыі праграм імпартазамяшчэння. Гэта доля імпартазамяшчальнай прадукцыі ў агульным аб'ёме вытворчасці ведамства, тэмпы росту вытворчасці імпартазамяшчальнай прадукцыі, умоўны рост экспарту за кошт рэалізацыі імпартазамяшчальных праектаў.
Уключэнне імпартазамяшчальных праектаў у пералік праектаў дзяржпраграмы, што распрацоўваецца на чарговы год, ажыццяўляецца зыходзячы з шэрага крытэрыяў. Праект павінен адпавядаць прыярытэтным напрамкам імпартазамяшчэння, які штогод вызначаецца Міністэрствам эканомікі. Тэрмін яго акупнасці павінен быць не большы як 5 гадоў, пры адпаведным абгрунтаванні - не большы як 10 гадоў. Імпартазамяшчальная прадукцыя павінна адпавядаць замежным аналагам або перасягаць іх. Выпуск прадукцыі павінен грунтавацца на новых і сучасных тэхналогіях з выкарыстаннем прагрэсіўных метадаў арганізацыі вытворчасці і энергазберагальных тэхналогій. Аб'ёмы і крыніцы фінансавання павінны адпавядаць плануемым затратам на рэалізацыю імпартазамяшчальнага праекта.
Імпартазамяшчальныя праекты Дзяржаўнай праграмы павінны быць у асноўным арыентаваны на вытворчасць канчатковай прадукцыі. А вось імпартазамяшчальныя праекты галіновых і рэгіянальных праграм імпартазамяшчэня разлічаны ў асноўным на вытворчасць камплектуючых, матэрыялаў, а таксама канчатковай прадукцыі.
На працягу трох гадоў будзе весціся маніторынг вытворчасці па завершаных праектах. У выпадку нямэтавага выкарыстання бюджэтных сродкаў, выдзеленых на рэалізацыю імпартазамяшчальных праектаў, а таксама спынення або адсутнасці вытворчасці прадукцыі, прадпрыемствы павінны вярнуць узятыя грошы. Акрамя таго, удасканалены парадак фарміравання і маніторыг імпартазамяшчальных праектаў дасць магчымасць пазбегнуць уключэння ў праграму малаэфектыўных праектаў, а таксама неабгрунтаванага выключэння праектаў.
Такім чынам, Пастанова накіравана на павышэнне эфектыўнасці рэалізацыі імпартазамяшчальных праектаў у Беларусі.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Устойлівасць беларускай эканомікі - у стварэнні экспартаарыентаваных вытворчасцей. Такую думку выказаў Прэм'ер-міністр Беларусі Сяргей Сідорскі на ўрачыстай цырымоніі пуску ў эксплуатацыю другой тэхналагічнай лініі па вытворчасці мінералаватных вырабаў на аснове базальтавага валакна ў ААТ "Гомельбудматэрыялы". Чым больш у рэспубліцы будзе такіх вытворчасцей, тым хутчэй і прасцей будзе пераадольваць уплыў негатыўных з'яў на сусветным рынку. Увод у эксплуатацыю новай лініі дасць магчымасць у поўным аб'ёме забяспечыць будаўнічую галіну рэспублікі сучаснымі цеплаізаляцыйнымі плітамі, а таксама пастаўляць частку прадукцыі на экспарт.
Урад Беларусі павялічыў квоты на вытворчасць у 2008 годзе тытунёвых вырабаў з 19 млрд. штук да 19,5 млрд. штук. Такое рашэнне змяшчаецца ў Пастанове Савета Міністраў ад 18 лістапада нумар 1736.
Беларусь акажа Кубе гуманітарную дапамогу ў сувязі са стыхійным бедствам, якое спасцігла гэту краіну. Міністэрству фінансаў пастановай Савета Міністраў прадпісана выдзеліць у 2008 годзе Міністэрству замежных спраў для пасольства Беларусі ў Кубе з рэспубліканскага бюджэту за кошт сродкаў фонду фінансавання расходаў, звязаных са стыхійнымі бедствамі, аварыямі і катастрофамі, 30 тыс. еўра на аказанне гуманітарнай дапамогі Кубе.
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Кантроль за працоўнай дзейнасцю нядбайных бацькоў у бліжэйшы час будзе ўзмоцнены. Аб гэтым Намеснік Прэм'ер-міністра Беларусі Аляксандр Косінец заявіў сёння ў Мінску ў час сустрэчы з бацькамі, чые дзеці знаходзяцца на дзяржаўным выхаванні.
Беларускі інвестыцыйны форум пачаўся ў
канферэнц-цэнтры Чэрч Хаўз у Лондане. Яго работу ўзначальвае Прэм'ер-міністр Беларусі Сяргей Сідорскі.
У Беларусі пераносяцца рабочыя дні ў снежні бягучага года і ў студзені 2009 года. Такое рашэнне прадугледжана пастановай Савета Міністраў нумар 1720 ад 15 лістапада 2008 года.
У 2008 годзе ў сельскай гаспадарцы будуць выкананы ўсе прагнозныя паказчыкі, акрамя вытворчасці малака. Аб гэтым заявіў сёння першы віцэ-прэм'ер Уладзімір Сямашка на пасяджэнні Прэзідыума Савета Міністраў, дзе абмяркоўваўся ход выканання Дзяржаўнай праграмы адраджэння і развіцця вёскі на 2005-2010 гады па выніках работы за 9 месяцаў, а таксама меры па ліквідацыі дапушчанага адставання пры рэалізацыі мерапрыемстваў гэтай праграмы.
Беларусь разглядае магчымасць прыцягнення замежных кампаній у сферу страхавання жыцця. Аб гэтым паведаміў сёння ў Лондане журналістам віцэ-прэм'ер Беларусі Андрэй Кабякоў. Ён адзначыў, што размова ідзе аб страхавых кампаніях - рэзідэнтах Беларусі. "Гэта прынцыповая пазіцыя", - падкрэсліў ён.