| |
У ПЛАН ПРЫВАТЫЗАЦЫІ ПРАДПРЫЕМСТВАЎ НА 2008-2010 ГАДЫ ЎНЕСЕНЫ ЗМЯНЕННІ
У план прыватызацыі аб'ектаў, якія знаходзяцца ў рэспубліканскай уласнасці, на 2008-2010 гады ўнесены змяненні. Такое рашэнне прынята Пастановай Савета Міністраў нумар 1709.
Згодна з дакументам, з плана прыватызацыі выключаны шэраг прадпрыемстваў Міністэрства архітэктуры і будаўніцтва і Міністэрства жыллёва-камунальнай гаспадаркі. Так, з пераліку прадпрыемстваў Мінбудархітэктуры, запланаваных да акцыяніравання ў 2008 годзе, выключана пяць аб'ектаў. Цяпер у ім засталіся шэсць арганізацый: камплектуючае аптова-гандлёвае РУП "Будкамплект", праектна-канструктарскае РУП "Аргтэхстром", ВРУП "Будтэх-прагрэс", вытворча-тэхнічнае РУП "Прамбудсістэма", будаўнічае пусканаладачнае РУП "Трэст Белпрамналадка" (усе Мінск), а таксама магілёўскае мантажнае РУП "Мантажаўтаматыка".
Унесены таксама змяненні ў раздзелы па прыватызацыі на 2009 і 2010 гады. Яны датычацца аб'ектаў рэспубліканскай уласнасці Мінбудархітэктуры і Мінжылкамгаса. Так, з плана прыватызацыі ў 2010 годзе выключаны ўнесеныя ў яго раней сем прадпрыемстваў Мінжылкамгаса.
Такім, чынам, Пастановай Урада нумар 1709 унесены змяненні ў Пастанову Савета Міністраў ад 14 ліпеня 2008 года нумар 1021, якой быў зацверджаны план прыватызацыі аб'ектаў, што знаходзяцца ў рэспубліканскай уласнасці, на 2008-2010 гады і пералік адкрытых акцыянерных таварыстваў, створаных у працэсе прыватызацыі дзяржаўнай уласнасці, акцыі якіх, прыналежныя Рэспубліцы Беларусь, падлягаюць продажу.
Як растлумачылі ў Дзяржкаммаёмасці, ініцыятыва аб вывядзенні гэтых прадпрыемстваў з пераліку аб'ектаў прыватызацыі належыць органам дзяржкіравання. Да будаўнічых і праектных арганізацый выказвалі шмат прэтэнзій па падаражэнню кошту будаўнічых работ. Падрыхтоўка да акцыяніравання таксама патрабуе затрат. Таму прапанавана пакуль што пакінуць некаторыя прадпрыемствы ў дзяржуласнасці. Такое ж абгрунтаванне і ў арганізацый Мінжылкамгаса.
| |
© 2005-2008 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Эканомікам Беларусі, Расіі і Казахстана трэба пераадольваць сусветны крызіс сумеснымі намаганнямі. Аб гэтым заявіў Прэм'ер-міністр Беларусі Сяргей Сідорскі ў Жодзіне ў час наведвання Беларускага аўтамабільнага завода. На сённяшні дзень узаемадапаўняльнасць эканомік Беларусі і Расіі складае ад 60 працэнтаў да 90 працэнтаў па асобных відах кааперацыі. "Цяпер спыніліся расійскія ГАЗ, КамАЗ і гродзенскія прадпрыемствы, што ўваходзяць у ААТ "Белкард", якія пастаўляюць у Расію камплектуючыя", - канстатаваў Прэм'ер.
Тром самым буйным зверагадоўчым гаспадаркам спажыўкааперацыі ў 2009 годзе будуць прадастаўлены льготныя крэдыты для гадоўлі пушных звяроў. Рашэнне аб гэтым змяшчаецца ў Пастанове Савета Міністраў нумар 1997.
Урад Беларусі ўстанавіў з 1 студзеня 2009 года новы памер мінімальнай заработнай платы (МЗП).
У адпаведнасці з Пастановай Саўміна нумар 2020 месячная мінімальная заработная плата ўстаноўлена ў памеры Br229 тыс. 700, пагадзінная мінімальная заработная плата - у памеры Br1 тыс. 360.
У Беларусі вытворчасць кукурузнага крухмалу і патакі павінна быць забяспечана айчыннай сыравінай. Аб гэтым заявіў Прэм'ер-міністр Сяргей Сідорскі сёння на адкрыцці цэха па вытворчасці кукурузнага крухмалу і патакі ў РУВП "Экзон-глюкоза" (Брэсцкая вобласць).
Канцэрн "Белнафтахім" скароціць тэрміны разгляду заяў на размяшчэнне складоў нафтапрадуктаў і аўтазаправачных станцый на тэрыторыі рэспублікі. Адпаведнае рашэнне змяшчаецца ў Пастанове Савета Міністраў Беларусі нумар 2004 ад 22 снежня.
Урад Беларусі Пастановай нумар 1954 зацвердзіў Комплексны план развіцця льняной галіны да 2010 года.Каменціруючы асноўныя палажэнні дакумента, намеснік міністра сельскай гаспадаркі і харчавання Васіль Паўлоўскі паведаміў, што ў яго ўвайшлі ўсе прапановы Мінсельгасхарча па аздараўленню льняной галіны.
Сродкі фонду нацыянальнага развіцця будуць выкарыстаны для падтрымкі экспартаарыентаваных прадпрыемстваў. Аб гэтым заявіў Прэм'ер-міністр Беларусі Сяргей Сідорскі на пасяджэнні Прэзідыума Савета Міністраў, дзе абмяркоўваліся меры па забеспячэнню стабільнай работы валаўтваральных і іншых прадпрыемстваў Беларусі.
У 2009 годзе ў Беларусі будзе пабудавана 6 млн.кв.м жылля. Адпаведнае рашэнне змяшчаецца ў Пастанове Урада нумар 1982/19 ад 19 снежня.
Прэм'ер-міністр Беларусі Сяргей Сідорскі лічыць неабходным паскорыць пераход у разліках паміж суб'ектамі гаспадарання Беларусі і Расіі на рэгіянальную валюту. Аб гэтым кіраўнік беларускага Урада заявіў 20 снежня на сустрэчы са Старшынёй дзяржаўнай карпарацыі "Банк развіцця і знешнеэканамічнай дзейнасці (Знешэканомбанк)" (РФ) Уладзімірам Дзмітрыевым.
Усе работы на аб'екце "Нацыянальны акадэмічны Вялікі тэатр оперы і балета Рэспублікі Беларусь" павінны быць завершаны да 20 лютага 2009 года. Такую задачу паставіў сёння ў час наведвання рэканструюемага будынка тэатра Прэм'ер-міністр Беларусі Сяргей Сідорскі.
Беларусь вітае любых інвестараў з канкрэтнымі планамі па тэрмінах рэалізацыі праектаў і фінансаванню, сказаў у інтэрв'ю карэспандэнту БЕЛТА Намеснік Прэм'ер-міністра Беларусі Віктар Бура.