| |
Рэспубліканскі біялагічны заказнік "Званец" пераўтвораны ў ландшафтны заказнік
Рэспубліканскі біялагічны заказнік "Званец" пераўтвораны ў рэспубліканскі ландшафтны заказнік. Адпаведнае рашэнне змяшчаецца ў пастанове Савета Міністраў нумар 130.
Пераўтварэнне выклікана неабходнасцю захавання ў натуральным стане унікальнай прыроднай экасістэмы нізіннага балота Званец, дзікіх жывёл і дзікарослых раслін, якія адносяцца да відаў, уключаных у Чырвоную кнігу Беларусі, а таксама іх месц пражывання і росту.
Агульная плошча рэспубліканскага ландшафтнага заказніка "Званец" складае 16,2 тыс. га. Фінансаванне яго аховы і мерапрыемстваў, звязаных з пераўтварэннем заказніка, будзе ажыццяўляцца з фондаў аховы прыроды і іншых крыніц. Кіраваць заказнікам будуць Драгічынскі і Кобрынскі райвыканкамы.
На тэрыторыі рэспубліканскага ландшафтнага заказніка "Званец" забаронена (за выключэннем выпадкаў, калі гэта прадугледжана планам кіравання заказнікам) правядзенне работ па гідратэхнічнай меліярацыі, распрацоўка радовішчаў агульнараспаўсюджаных карысных выкапняў, узворванне мінеральных астравоў па-за існуючымі ворнымі землямі. Забаронена таксама знішчэнне або пашкоджанне драўнінна-хмызняковай расліннасці, спальванне парубачных астаткаў драўніны, што нарыхтоўваюць, пры правядзенні лесасечных работ, прымяненне хімічных сродкаў аховы раслін, рэгулятараў іх росту і мінеральных угнаенняў, размяшчэнне адходаў (за выключэннем захоўвання адходаў у санкцыянаваных месцах часовага захоўвання), а таксама размяшчэнне прамысловых прадпрыемстваў, жылой забудовы, памяшканняў для часовага пражывання.
Юрыдычныя і фізічныя асобы, вінаватыя ў парушэнні рэжыму аховы і выкарыстання рэспубліканскага ландшафтнага заказніка "Званец", нясуць адказнасць у адпаведнасці з дзеючым заканадаўствам.
| |
© 2005-2009 Апарат Савета Міністраў Рэспублікі Беларусь
Пры выкарыстанні інфармацыі спасылка на друкаваную крыніцу з`яўляецца абавязковай
Інфармацыйная падтрымка УП "Беларускае тэлеграфнае агенцтва"
|
|
|
Польшча хацела б стаць варотамі для беларускага сельгасэкспарту ў ЕС. Аб гэтым заявіў 6 сакавіка ў Мінску Міністр сельскай гаспадаркі і развіцця вёскі Польшчы Марак Савіцкі ў ходзе сустрэчы кіраўнікоў аграрных ведамстваў Латвіі, Літвы і Польшчы з Прэм'ер-міністрам Беларусі Сяргеем Сідорскім.
Каб мытны саюз Беларусі, Расіі і Казахстана адбыўся, вельмі важна, каб былі выкананы ўсе дамоўленасці, дасягнутыя пры яго стварэнні. Аб гэтым заявіў Намеснік Прэм'ер-міністра Беларусі Андрэй Кабякоў, выступаючы 5 сакавіка ў Маскве на Міжнародным эканамічным форуме дзяржаў - удзельніц СНД.
У Беларусі
неабходна павышаць прадукцыйнасць раслінаводства і жывёлагадоўлі. Аб гэтым заявіў сёння намеснік прэм'ер-міністра
Беларусі Іван Бамбіза на семінары-нарадзе па актывізацыі выкарыстання генетычнай навукі і ўзмацненню ўзаемадзеяння
вучоных-генетыў і селекцыянераў-аграрнікаў.
Чатырохбаковая
сустрэча сустаршынь Саветаў па доўгатэрміноваму супрацоўніцтву рэгіёнаў краін-суседак адбылася сёння ў Калінінградзе.
У ёй прынялі ўдзел віцэ-прэм'ер Беларусі Андрэй Кабякоў, намеснік міністра ўнутраных спраў Польшчы Пётр Стаханьчык,
віцэ-міністр замежных спраў Літвы Эвалдас Ігнатавічус і губернатар Калінінградскай вобласці Георгій Баос.
Амаль Br378 млрд. бюджэтных сродкаў накіравана ў 2009 годзе на фінансаванне мерапрыемстваў Дзяржаўнай комплекснай праграмы развіцця рэгіёнаў, малых і сярэдніх гарадскіх паселішчаў. Аб гэтым паведаміў 2 сакавіка на пасяджэнні Прэзідыума Саўміна міністр эканомікі Беларусі Мікалай Снапкоў.