Кантрольная дзейнасць не павінна паралізоўваць работу суб'ектаў гаспадарання, а штрафныя санкцыі прыводзіць да таго, што прадпрыемства перастае існаваць. Аб гэтым заявіў Прэм'ер-міністр Беларусі Аляксандр Турчын на нарадзе па пытаннях удасканалення кантрольнай дзейнасці.
"Мы абмяркуем адно з найважнейшых пытанняў, якое хвалюе, напэўна, усіх суб'ектаў гаспадарання ў нашай краіне без выключэння, - удасканаленне кантрольнай дзейнасці. Заканадаўства ў гэтым напрамку карэкціравалася не раз, але яшчэ ёсць над чым працаваць. Не павінна быць празмернага націску на прадпрыемствы ў частцы праверачных мерапрыемстваў, а адказнасць за парушэнне павінна быць адпаведная парушэнню. Змяненне заканадаўства дасць магчымасць устараніць існуючыя ў ім на гэты момант прабелы", - сказаў Аляксандр Турчын.
Прэм'ер-міністр падкрэсліў, што неабходна выпрацаваць адпаведныя механізмы, якія будуць станоўча ўплываць на ўзаемаадносіны кантрольных і наглядных органаў з суб'ектамі гаспадарання.
