Пашыраны пералік відаў дзейнасці, пры ажыццяўленні якіх арганізацыі маюць права заключаць дагаворы добраахвотнага страхавання жыцця на карысць сваіх работнікаў у якасці дадатковых сацыяльных гарантый. Адпаведную пастанову падпісаў Прэм'ер-міністр Беларусі Аляксандр Турчын.
Дакумент прадугледжвае пашырэнне пераліку відаў дзейнасці з павышанай рызыкай прычынення траўмы работніку. У пералік уключаны паштовая, кур'ерская і дапаможная транспартная дзейнасць, складзіраванне, дзейнасць у галіне архітэктуры, інжынерных пошукаў, тэхнічных выпрабаванняў і аналізу.
Таксама пералік дапаўняецца відамі дзейнасці, пры ажыццяўленні якіх арганізацыі маюць права заключаць дагаворы добраахвотнага страхавання жыцця на карысць сваіх работнікаў пры ўмове ўдзелу гэтых асоб у добраахвотным страхаванні дадатковай накапляльнай пенсіі. Пералік, у прыватнасці, дапоўнены дзейнасцю ў сферы паслуг па часовым пражыванні і грамадскім харчаванні, інфармацыі і сувязі, аперацый з нерухомай маёмасцю, гандлі аўтамабілямі (матацыкламі) і дэталямі да іх, рамонту камп'ютараў, прадметаў асабістага карыстання і бытавых вырабаў, мыцця і хімчысткі адзення, цырульніцкіх і касметычных паслуг, пахавальных паслуг, а таксама дзейнасцю прыватных дамашніх гаспадарак, наймаючых слуг і вырабляючых тавары і паслугі для ўласнага спажывання.
Удакладняецца, што від эканамічнай дзейнасці павінен быць асноўным у арганізацыі, якая заключае дагаворы добраахвотнага страхавання жыцця на карысць сваіх работнікаў.