Першы намеснік Прэм'ер-міністра Мікалай Снапкоў прадставіў калектыву Дзяржаўнага камітэта па маёмасці новага старшыню Віталя Няверу, назначанага напярэдадні на гэту пасаду рашэннем Прэзідэнта, і спыніўся на задачах, якія стаяць перад ведамствам на бліжэйшую перспектыву, адзначыўшы, што вопыт новага кіраўніцтва і зладжанасць калектыву камітэта дадуць магчымасць з імі справіцца.
"Рашэнні Прэзідэнта заўсёды цікавыя, нечаканыя, але разам з тым сістэмныя і з доўгатэрміновым эфектам. Напярэдадні кіраўніком Дзяржкаммаёмасці быў назначаны Віталь Іосіфавіч Нявера, з чым мы яго і віншуем, - звярнуўся да назначэнца першы віцэ-прэм'ер. - Пасыл быў абазначаны: паспяховасць вертыкалі ўлады заключаецца ў тым, што людзі "знізу" назначаюцца "наверх", ведаючы сітуацыю ў рэгіёнах, а "зверху" - "уніз" з дасканалай інфармаванасцю аб верхнеўзроўневых задачах. У гэтым і заключаецца правільнасць ператокаў кадраў, якія даюць магчымасць рэалізоўваць галоўнае - прымаць рашэнні, якія эфектыўна працуюць на месцах".
Мікалай Снапкоў падкрэсліў, што рады назначэнню новага кіраўніцтва ў Дзяржкаммаёмасці, і парэкамендаваў не зацягваць з выкананнем пастаўленых кіраўніком дзяржавы задач па спрашчэнні працэдур у сферы зямельных адносін і ўкаранення ў работу ведамства сучасных прагрэсіўных тэхналогій. "Ляжаць на паверхні два пытанні. Першае з іх датычыцца зямельных участкаў. Зменены Кодэкс аб зямлі нядрэнны, але ёсць над чым працаваць. Другое пытанне, па якім пакуль няма комплекснага рашэння, - спрашчэнне працэдуры атрымання тэхнічнага пашпарта на кватэру. Ёсць чэргі, таму неабходна ўдзяліць увагу рабоце БТІ. Рашэнне абазначаных пытанняў у станоўчым ключы паўплывае на адносіны грамадзян да дзяржорганаў".
Што датычыцца ацэнкі актываў краіны, было адзначана: гэта пытанне мае фундаментальны характар, а сама работа няпростая ў выкананні, але ў каманды камітэта на чале з новым кіраўніком, паводле слоў Мікалая Снапкова, хопіць вопыту і прафесіяналізму з ёй справіцца. Яшчэ адзін з напрамкаў работы Дзяржкаммаёмасці, на які звярнуў увагу Першы намеснік Прэм'ер-міністра, - ацэнка эфектыўнасці маёмасці, прычым закранае яна як невыкарыстоўваемую, так і ўключаную ў абарот маёмасць прадпрыемстваў. Гэтаму аспекту Віталь Нявера ў сваёй новай пасадзе таксама ўдзеліць самую пільную ўвагу.
"Зямля - наша асноўная каштоўнасць, работы ў галіне зямельных адносін па-ранейшаму шмат, у тым ліку на мясцовых раённых узроўнях, - падкрэсліў Мікалай Снапкоў, даючы наказы назначанаму напярэдадні старшыні Дзяржкаммаёмасці. - У вас ёсць вопыт і неабходныя веды, прымяняйце ж іх. І не адкладайце выкананне абазначаных задач. Упэўнены, што вы дапаможаце павышэнню рэзультатыўнасці, эфектыўнасці і практыкапрымянімасці работы ўсяго камітэта".
Старшыня Дзяржаўнага камітэта па маёмасці Віталь Нявера падзякаваў за дакладна абазначаныя арыенціры для прыкладання прафесійных намаганняў і заўважыў, што па вопыце знаёмства з камандай Дзяржкаммаёмасці не сумняваецца: мэтанакіраванасць, прафесіяналізм і прыстойнасць супрацоўнікаў дадуць магчымасць ведамству і ў далейшым працаваць на карысць краіны.
Раней Віталь Нявера займаў пасаду намесніка старшыні Гродзенскага абласнога выканаўчага камітэта.
